Boholic

营业中

休息中

朋友知我中意食開心果，叫我一定要嚟試下佢哋嘅班戟！🥞餐廳好靚，入面仲有狗狗行嚟行去勁cute！😂🍽️芝士焗澳洲薯皮 $88薯皮焗得好靚！趁熱食芝士仲有拉絲效果！芝士上面亦有唔少炸煙肉粒增添鹹香同口感~配埋希臘乳酪醬汁好好食！🍽️美式BBQ醬烤焗西班牙豬肋骨配洋蔥圈 $198豬肋骨幾大件但肉質軟腍，輕輕力就可以切開，好容易骨肉分離～豬肋骨相當入味，洋蔥圈好酥脆，仲有兩件燒得好靚好香甜嘅菠蘿！👍🏻🍽️開心果奶蓋梳乎厘班戟 $138開心果迷表示相當興奮！奶蓋好滑，配上開心果果仁香味超夾！加埋粒粒開心果果仁好有口感，真材實料。梳乎厘好鬆軟，蛋香味濃郁。奶蓋唔太甜，所以食完成個班戟都唔覺得膩！🍹靜岡焙茶鮮奶 $50焙茶拉花拉得好靚！焙茶香氣濃郁而且好滑，啱唒想飲茶飲又怕甜嘅朋友！🍹士多啤梨牛油果沙冰 $58一開始以為士多啤梨味會冚唒牛油果味，點知竟然冇！士多啤梨味過後仍然保留到牛油果嘅幽香，成杯飲品好幼滑而且唔太甜，真心唔錯！

好鍾意去啲可以打卡，嘢食同服務唔錯既餐廳chill一個晝/一晚，今晚除左打下卡外，試左呢幾樣嘢：1）芝士焗澳洲薯皮 $88口感豐富嘅薯皮，切開係有拉絲芝士，有脆脆煙肉碎，有翠綠嘅青蔥粒，點埋個好夾嘅白醬，再食埋個底嘅新鮮生菜沙律，非常惹味嘅前菜！2）美式BBQ醬烤焗西班牙豬肋骨配洋蔥圈 $198豬肋骨夠腍，好容易切開，有好豐富嘅配菜：有脆炸洋蔥圈、燒菠蘿、滿滿的沙律菜，仲有個特製辣汁，為呢個豬肋骨增添口感層次！燒菠蘿好甜、炸洋蔥圈好香👍🏽👍🏽👍🏽3）泰式珍珠奶茶疏乎厘班戟 $148 （另加配$18奶茶雪糕）疏乎厘班戟好動 “L”, 切開好軟綿綿。好在有加配奶茶雪糕，個奶茶雪糕好得，茶香夠濃！一定要加，會令個疏乎厘班戟增添色彩，加分！4）飲品兩杯：蜂蜜洛神花養神茶 $45熱情果青檸薄荷梳打 $52-洛神花茶加咗蜂蜜好平衡，甜得來個after taste口腔唔酸，好啱加蜜糖！-熱情果梳打加配青檸都唔太酸，開胃好飲，果汁底夠濃！服務好好，服務員細心，環境好靚，門口位同梳化位打卡一流！

上網見到餐廳有生日訂座優惠可以送你免費梳乎厘厚班戟即刻約左朋友過黎同佢食餐生日飯！首先叫左個芝士焗澳洲薯皮🥔上一碟已經聞到好香芝士味🧀原來薯皮係切開左一半既薯仔焗脆左再放芝士同煙肉🥓再配埋乳酪醬同火箭菜沙律🥗罪惡感都無哂 仲大啖大啖咁連皮食！好似食緊高級薯格咁🤤美式BBQ醬烤焗西班牙豬肋骨配洋蔥圈🐷呢個豬肋骨烤焗時間掌握得好好👍🏼切開都仲有肉汁流出黎肉又keep到juicy唔會乾崢崢咁😋佢個bbq醬亦唔會太酸太濃味暫時係我食過最好食既豬肋骨😍佢既配菜仲有洋蔥圈同燒菠蘿洋蔥圈炸得好脆配埋個少少辣既特調醬汁即刻醒神😂燒菠蘿亦都非常大個🍍咬落去啲汁多到瀉出黎！！超甜又好食最後當然係生日必備甜品開心果奶蓋梳乎厘班戟🥞既有梳乎厘既鬆軟感又有厚班戟既實在感唔會好膩！面頭既開心果奶蓋絕不馬虎除左有好香濃既開心果味外 仲有開心果舖面又睇得又食得！🤩另外有兩杯飲品🍹🍸一杯特製白桃奶酪🍑白桃加奶味好夾 唔算太甜 好好飲！一杯熱情果青檸薄荷梳打🍋‍🟩呢杯好適合夏天 熱情果同青檸既酸甜清新 即刻refresh左個口腔 清爽既感覺！整體店舖都好elegant風野食又好味推介！

Cafe裝修得極度漂亮，行波希米亞風，同附近嘅街景，簡直係兩個世界。入面同出面都有好多靚靚打卡位，啱晒同好姊妹一齊嚟影相。睇落好似唔係好大，但其實有兩層，而且空間感都夠，唔會坐得好迫。開心果奶蓋梳乎厘班戟 $138見OpenRice極多人推薦，睇落都好靚咁，所以就叫咗黎食（製作時間15-30分鐘）。 份量比想像中大，有兩層pancake。非常有空氣感，而且蛋香味濃，非常高質素！有海量嘅開心果奶蓋，不過甜不過膩，上面仲有開心果碎增加口感。Passion Fruit Lime Mint Soda 熱情果青檸薄荷梳打$52酸酸甜甜清新嘅味道，加埋青檸薄荷，有泰式嘅感覺。Strawberry Avocado Smoothie 士多啤梨牛油果沙冰 $58沙冰非常濃郁，感覺偏向似奶昔，唔會偏甜，味道好特別，飲落好似一個液體狀嘅士多啤梨蛋糕。美式BBQ醬烤焗西班牙豬肋骨配洋蔥圈 $198豬肋骨覺得非常軟冧，完全不需用力，就可以把肉切開。而且調味很到位，唔會好濃味或者好鹹。配上燒菠蘿，非常香甜多汁，感覺清新。洋蔥圈亦都出奇好食！連我平時唔食洋蔥嘅人，都會覺得好食。芝士焗澳洲薯皮$88焗薯非常香脆，好香

係長沙灣MCL戲院附近、位置易搵算方便門口木系裝飾布置FANCY 十分易認入內更有兩個好靚既打卡座位慢慢影相最靚當然係正門乾花主題既氣派藤座食物美味有特色、份量都正常不會偏少餐具及杯碟都別有味道十分精緻最吸引係甜品的日式梳乎厘班戟美式BBQ醬烤焗西班牙豬肋骨配洋蔥圈 $198豬肋骨肉量偏多更帶有少量肥脂烤至肉質軟熟更有好強既焦香味食前必點伴碟既芥末醬提升整體層次燒菠蘿及羅馬沙律菜更可清新整個味蕾芝士焗澳洲薯皮$88原隻切半既薯仔掏空再釀入大量芝士焗至外脆芝士軟身後加上大量炸煙肉點綴按自已需要倒上希臘乳酪及火箭菜一齊食用係一個幾吸睛又好味既前菜法式焦糖卡士達梳乎厘班戟 $128十分軟綿蓬鬆嘅日式梳乎厘厚厚既空氣層加上大量香甜吉士醬每一啖加上焦糖碎粒也不會太甜輕盈既梳乎厘作為飯後甜品十分滿足

久仰Boholic的大名，窩夫與蝦子餅 日前終於有機會光顧。餐廳有幾個室外座位，可安排給帶寵物的顧客。Boholic是有名的打卡餐廳，吃飯前當然要先打卡，打卡位不只一個，留待大家自己去發掘。西班牙流心太陽蛋薯條($98)上放了紫色的食用花點綴，賣相太美了。流心太陽蛋下的薯條份量很多，新鮮熱辣，伴以蛋黃汁和辣肉腸來吃，十分滋味。芝士焗澳洲薯皮($88)一客有三件，配料有芝士、煙肉粒和蔥粒，材料簡單但味道非常好，香蔥味突出。美式BBQ醬烤焗西班牙豬肋骨配洋蔥圈($198)，配菜還有燒菠蘿和沙律，看來很豐富。豬肋骨只須輕輕一切，肉便離骨，進食方便，醃得入味卻沒有蓋過肉味。燒菠蘿香甜多汁，搶去了洋蔥圈的風頭。沙律菜新鮮爽脆，沙律汁帶酸，清新解膩。需要耐心等候的原味鮮果梳乎厘班戟($128)壓軸登場，鮮果份量不少，有士多啤梨和大大粒的藍莓，一人一大塊梳乎厘班戟，蛋香極濃，口感鬆軟，水準非常高。