汀汀烤活魚 (已結業)

旺角的晚市黃金時間，原本係想去食雞煲，但係要等好耐位，個人又好攰想食完返屋企。就順住條街睇下有乜唔使等位又似好味既。聞到一陣麻辣味，刺激我胃酸分泌，想試好耐既魚煲竟然有張吉枱👍🏻👍🏻肚餓見到menu心大心細樣樣都好似好好味⋯⋯咁呢朋友知道我鐘意食蟹又想食雞就幫我決定叫麻辣羔蟹雞煲，😂打破左我挑戰招牌菜既定律。佢怕我等個煲太耐餓死，又知我鐘意食皮蛋就叫埋皮蛋做前菜真細心😌。再點啲野打邊爐，竟然俾我見到萵筍😍，又叫多左份莞茜😂開頭侍應伯伯話煲有架唔使叫啦，朋友就話照要因為我勁鐘意食，原本仲叫手拍青瓜既，不過伯伯話好流介紹我地食其他👍🏻👍🏻，呢個伯伯咁樣先至留到客人再光顧，因為佢真係會話你知咩好食，好過我叫左覺得流又貴又細碟下次唔黎，伯伯仲好細心三五七時過黎幫我地攪個煲唔俾佢燶👍🏻講下個煲蟹唔大有羔既，我唔食羔架俾晒朋友食，蟹腳瘦左啲，蟹殼未碎好難攪，半只雞肉唔算多小辣剛剛好😋個煲好多蔥蒜莞茜洋蔥好惹味，萵筍好細碟叫左全份都唔算多，麻辣無想像咁麻🙄小插曲，冷氣機勁漏水正路中心，個呀姐望一望行返入去，後生啲既叔叔急急地叫阿姐攞個筒黎佢仲懶懶閒😂睇黎呀姐先係大晒

去得汀汀烤活魚，唔係唔食魚呀？我去之前都係咁諗，但到埗後改變左主意。當晚7pm 去到，場內冇咩人。地方算係企企理理，幾乾淨。原來逢星期二，佢地會有啲煲全日半價！ 平時星期一至四10pm後，同樣會有半價，抵好多呀😱 蠢左蠢左。由一開始就決意黎食魚既我，見到個餐牌後，改變左主意。羔蟹雞煲！ 多麼誘人啊～ 就決定食你啦！雞煲有3種口味選擇：麻辣、香辣、蒜香。辣度有4個選擇：大、中、小、微。麻辣似乎最經典，所以梗係麻麻佢！由於我唔嚐辣，所以淨係叫左微辣。個煲上到黎會由職員幫我地炒炒先。之後就食得啦！真係好吸引呀～我覺得微辣真係叫得冇錯，因為辣得黎又食得好舒服，完全唔會辛苦、流汗、流鼻水等等。適合同我一樣鍾意辣辣地，又唔係嗜辣，想輕輕鬆鬆咁袋既話，微辣岩晒你！ （但係對於唔食辣既人黎講，應該頂唔順架喇）我覺得相對於係譚仔三哥既四／五小辣咁啦！叫得羔蟹，又真係好多膏，仲大大舊，滿足晒蟹膏愛好者啊～不過食蟹真係有少少狼狽，同埋要好小心食，慎防有殻碎！如果唔係好易食到損。建議同唔係好熟既人食飯就唔好叫呢個喇，會冇晒儀態架😂雞黎講呢，都幾多同多肉，唔係俾晒啲骨黎咁。雖然稱唔上嫩，但唔係鞋既。一雞兩味，食

約左一個月總於約到舊同學補祝生日，三五知己要一齊有講有笑，打邊爐係一個唔錯既選擇。呢間我之前地舖同媽子食過，覺得好特別，但就迫左D又好多人，見開左樓上分店就BOOK 黎食。樓上舖果然大好多，D 位好坐又無咁多人，4 個人可以坐6坐，舒適好多餐牌無變，都係有咁多選擇上次試左招牌烤魽魚，所以今次食烤桂花魚，在加多個羔蟹雞煲，生日係要食好D烤桂花魚呢個同上次個烤魽魚個湯底好似有D 唔同，蕃茄味多D，魚好渦好鮮，跟住佢教你咁食，一定唔會老，仲要加湯係加魚湯，唔係清湯，正，好好飲。魚片竟然幫我地分開上，好窝心羔蟹雞煲呢個蟹係有人幫你炒，有勁多芫茜，好食既人一定好鍾意炒完見到D鮮同雞，勁濃味，雞好嫩，正，食到咁上下會加雞湯堅有蟹膏我地仲叫左其他餸嚮玲係打邊爐必要，用係蟹煲勁入味海鮮墨魚球呢個有魚片頭加墨魚丸既感覺，好好食，值得試海膽丸正常，唔係假果D生菜係要係咁易食菜, 配魚湯底唔錯紅薯粉誠意推介，真係好好食，勁Q, 配魚湯底好正，雖然20蚊一碗有D貴，我都叫左兩次!!!

烤活魚近年非常流行, 就在旺角一帶都有數間, 競爭越多我們受惠最多.友人Anna最喜歡嚐辣, 專登帶她來吃四川麻辣鍋.餐廳位於西洋菜南街商厦內, 非常易找. 雖然不是華麗装潢, 但不失平實感覺.店內海鮮每日新鮮運到, 務求做到一個” 鮮” 字.既然新鮮, 先來個象拔蚌刺身, 果然不負眾望, 鮮美之餘還爽脆有嚼口烤活魚吃過數次, 今日取而代之選了羔蟹雞煲, 蟹痴的我期待著呢..!店員端來了一鍋羔蟹雞煲, 面上鋪滿了芹菜, 香葱, 紫洋葱, 中間位置是蟹蓋, 當反開蟹蓋隨即傳來蟹香味, 原來蟹隻經過走油, 怪不知香氣樸鼻.隨即開火, 店員熟練的手勢把材料翻來覆去, 只數秒己滿室飄香, 令人唾涎.嘩! 邪惡的蟹羔佈滿整個蟹蓋, 啖啖甘香豐腴; 蟹肉亦毫不遜色, 鮮甜可口; 配料芹菜, 香葱…吸盡精華, 毫不留情地盡吃.至於雞件不可不提, 嫩滑無比, 友人Anna讚不絕口!整煲約8成己落肚內, 餘下的放麻辣湯再來涮涮鍋.孖寶丸(墨魚丸和蝦丸)店方自家製, QQ彈牙, 味道濃郁, 值得推介.二人肥牛, 雖說不上上等級數, 但軟腍的肉質和牛香, 可選之列.其他配料亦新鮮得體, 絕不欺埸.友人Ann