肉餅哥小炒料理 (已結業)

係網上聽左肉餅哥好耐，一直都好想試下呢D新潮肉餅，但約左幾個唔同的朋友，佢地都係一句彈返黎「食肉餅咁老土」！經過我不斷的努力，我終於約到肉餅腳去試下啦！位於屋村內的餐廳，人唔算太多，我係平日放工去到都有少量的位。係門口，餐廳List左今個月的Top 3肉餅，而今個月係金沙蛋黃、流心芝士及足三兩花膠肉餅。一坐低職員就比左兩碗例湯比我們，個湯無咩味精，飲完完全唔口渴。而且，湯的配料唔少，粟米同紅蘿蔔都好甜。今次我們叫左兩個肉餅餐Share，大部分的肉餅都可以揀蒸/煎的肉餅。朋友話想食惹味鵝肝煎肉餅，肉餅飯以一個煲仔上。肉餅的色水煎得好靚。鵝肝都幾厚身，油脂香送飯簡直係Good Match！肉餅煎得幾香口，而且都幾夠味。如果你鍾意濃味的話，仲可以加D醬油Tim。大家除左可以揀白飯外，仲可以配南瓜粥/米粉，甚至好似我咁加$2轉菜飯。我們另一份肉餅就叫左係1月份Top 3之一的就流心芝士肉餅。我見到個肉餅已經口水長流了！最吸引我眼球的，除左係面的芝士外，仲有夾係煎香肉餅中間的流心芝士！流心芝士仲會拉絲tim呀！肉餅同芝士的味道都好夾。食到咁上下有D口渴，友人就加左$5飲zero，我就加左$6飲椰

晏就去左沙田新城巿廣場飲茶同個女玩snoopy 公園，夜晚就去試下大圍果間肉餅哥啦肉餅岩哂老中青幼～想帶阿女黎食好耐～我地好早6點都未到就去到～所以仲未有人不過都可以照落單，首先黎左老火湯先！老公讚話好飲足料，阿女都鐘意飲仲食埋西洋菜同粟米，不過我女好輪盡打瀉左d湯，真係勁唔好意思，而侍應哥哥都好快手幫手抹左個地我地叫左個黑松露帶子煎肉餅，其實邊款煎定蒸好都無乜頭緒，不過侍應哥哥推介黑松露依款煎好，咁就信佢！而事實好味！我估唔到黑松露原來整落肉餅再撈飯咁好味～我每啖都撈黎食！真係好正！個肉餅煎得好香～可能自己本身都鐘愛黑松露、所以覺得好正，而菜飯加埋清番d，而家睇番都想食～而另一個係金沙蛋黃蒸肉餅，因一個煎另一個想試蒸，都好唔錯喎！不過無咁特別，但又係送飯一流！因為咁今餐食多左飯筆畀阿女食係le 個、蒸清清地，佢都食多左飯，le 個都係每個父母既目標黎😛到個咖哩雞煲，對比下我鐘意食肉餅多d,咖哩味爭少少，但都好食既！食飽飽飲番個椰青水同橙汁清下，正～成餐畀我地清哂～而全場都真係好多一家大細黎食！去到就走就開始有人等位了希望下次試下其他唔同既肉餅！而且唔收加一真係好少見！而服務都好快速！

平常在家吃飯，媽媽很多時都會蒸肉餅，但就了無新意，來來去去不是梅菜蒸肉餅就是土魷蒸肉餅。我決定要帶媽媽去肉餅哥偷師，讓她嚐一嚐滲入了新元素的肉餅，例如：黑松露、鵝肝、果醬、柚子、芝士.....等，令她知道原來肉餅都有很多不同的變化。加入不同的食材，令原本平平無奇的肉餅，也變成特色的小菜。說到變化，不可不提就是冬菇亭，餐廳位於美林邨的熟食中心，俗稱冬菇亭。獨立一間小冬菇屋模樣，很有親切感，內部裝修新穎，滲入簡約的風格，又有空調，與往時的冬菇亭簡直是兩個模樣。午市的肉餅選擇也不少，差不多有三十種選擇，價錢由$49至$128不等。套餐包括老火湯，白飯/南瓜粥/米粉。老火湯（免費）👍👍👍👍我們甫坐下，侍應便放下每人一碗老火湯，都很足料，最重要是夠熱。原隻波士頓龍蝦肉餅（$128）👍👍👍👍肉餅可以選擇蒸或煎，我決定龍蝦配煎的肉餅跟白飯上。龍蝦肉餅飯以煲仔上，白飯上放了龍蝦的頭、尾和鉗。飯面舖了一大塊混入龍蝦肉的肉餅。肉餅又厚又大塊，成隻碟咁大。外層煎得香脆，琢碎了的龍蝦肉加入肉餅內，肉汁仍然保留在肉餅內。啖啖肉，這就是吃肉餅的好處。龍蝦的蝦身已起肉並混合在肉餅內，還可吃蟹鉗的肉，龍蝦頭還有蝦膏。

放工要陪男朋友去大圍拎D野，點知附近原來有久聞已久的肉餅哥！鍾意新奇古怪東東的我，黎到肉餅哥當然唔會食普通的肉餅啦！雖然餐廳位於屋村內，但環境一D都唔馬虎！地方闊落，仲好有Stylish tim。先飲碗老火湯，除左每碗湯都有蘿蔔外，味精唔重，唔會愈飲愈渴。由於好想飲甜野，所以我們仲叫左兩枝新鮮果汁飲。先黎半隻霸王雞！好夠葱花，好惹味。重點係雞皮唔算太厚，肉又夠實，係健康之選！男朋友係芫茜人，所以叫左份蒸芫茜肉餅飯。芫茜佈滿肉餅內外，芫茜粉絲一定要黎朝聖！由於我都食芫茜，所以我都食左一半。蒸肉餅比較Juicy，芫茜同肉餅的味道都幾夾。另外，我叫左份「豪氣之選」惹味鵝肝肉餅。本身諗住個呢個套餐$108，鵝肝大得去邊呀，點知..... 又大又厚到呢！仲要一隻食指咁長！外脆內軟的鵝肝會係肉餅上，鵝肝的油香會滲入下層的肉餅，咁樣就可以肉餅味道層次更加昇華！鵝肝肉餅只提供煎肉餅。外皮香脆的肉餅，入面唔會乾，都幾好食。肉餅哥價錢合理，肉餅多花款又好食。想下次黎試埋流心芝士肉餅同比較傳統的金沙蛋黃肉餅！

肉餅哥”大圍店就在美林村裏的冬菇亭。説是冬菇亭，其實，就是三個獨立的六角房。裡面佈置的很有文青的味道，也很復古。晚餐有多款可選擇，豐簡由人。我選擇了“蝦親子丼肉餅”。由於不是很餓，就配了一碗南瓜粥。加上套餐裏的豬骨老火湯和鮮果汁，今晚喝了不少。老火湯煲得很到位，奶白色，像牛奶一樣滑，很有家的味道，跟嫲嫲煲的一樣好喝。就是太少了，感覺不夠喉。蝦親子丼肉餅，可煎可蒸。由於天氣太熱，怕上火熱氣，選擇了蒸的烹飪方式。這裏的服務很好，店員微笑常駐，講解耐心細緻，讓人感覺很舒服。套餐很快就上齊。蒸的肉餅賣相一般，不如煎的那麼吸引人。由於蒸的恰到好處，肉質鮮美、潤滑。唯一的問題是，肉餅裡面的肥肉可能有些多，感覺比較肥膩，揭開肉餅，碟子上一層油。豬肉的味道完全蓋住了蝦的味道，雖然看到一粒粒的蝦仁，但是吃不太出來蝦味。如果，選擇煎的，逼出那些豬油，可能蝦的味道會濃郁一些，香口一些。