爺爺雞煲皇 (美景街) (已結業)

爺爺雞煲皇喺土瓜灣美景街，店面整潔明亮，應該是新開張不久。鴻福當涼茶 $13津路烏龍茶 $14有汽水啤酒以外的選擇，而且是支裝，就算飲唔晒都可以帶走！胡麻冰菜 $38叫了一個即食的餐前小吃，冰菜冰涼爽脆，口感獨特，不錯的前菜！爺爺招牌雞煲 $158試新餐廳當然要試下招牌菜，我們叫了半隻雞和BB辣。雞煲醬汁香濃，雞肉非常入味，微辣帶中等勁度的麻，吃得過癮！而且雞件的肉質仍能保持滑嫩唔鞋，處理得相當不錯，不愧為招牌菜！雞煲內的紫洋蔥也不要錯過啊，䀆吸了雞煲和香料的精華，極其惹味！雞肉食得七七八八，店員就會為我哋加湯，開始打邊爐了！雪花肥牛 $88打邊爐又點會少得肥牛？牛肉肉味濃，而且份量都算多，薄薄的肥牛片疊了三四層，夾極都有！比起其他火鍋店只有薄薄的一層，優勝很多！自家製響鈴 ＋ 炸魚皮 $38一個字，脆！響鈴就算浸久了，仍能保持脆口。而魚皮的肉刮得很乾淨，只剩薄薄的一層皮，更為酥脆可口！四色餃 $58有齊雲吞、魚皮餃、木耳冬菇水餃和韮菜餃，啱晒三心兩意嘅我！蓮藕片 ＋ 白蘿蔔 $28耐煮的蔬菜，令湯底增添了鮮甜味，好吃又健康！雜菜 $40有唐生菜、娃娃菜、白菜仔等。

今晚同同事兩枝公都唔駛返歸陪老婆, 同事建議去佢屋企附近食返餐雞煲, 反正由佢屋企有直接巴士返到我家, 我地一收工就到北角搭船去位於土瓜灣呢間爺爺雞煲皇 。😙爺爺雞煲皇位於土瓜灣美景街, 由九龍城碼頭行大概8分鐘左右就到。餐廳有別於附近嘅食店, 門面比較光鮮, 店內裝修亦都非常乾淨企理。由於同事係呢度嘅常客, 食物當然由佢發辦, 我地先食左餐廳招牌爺爺雞煲, 食完再點火鍋配料打邊爐。😁胡麻冰菜 雞煲預備緊嘅時間, 同意點左碟胡麻冰菜, 冰菜以冷盤上, 味道清爽, 加上酸酸甜甜嘅胡麻醬, 味道醒胃。👍自家製炸響玲 炸魚皮  由於我地兩個人怕點一份炸魚皮太多, 店員好貼心咁建議我地轉做雙拼, 餐廳自家製炸響玲同炸魚皮由於係現炸, 非常香脆, 特別係炸魚皮, 確係非常惹味可口。😋爺爺招牌雞煲(半隻) 雖然只係點左半隻雞, 不過呢個爺爺招牌雞煲份量都超級多, 雞肉嫩滑, 我地揀左少辣, 辣度剛好, 連洋蔥都好入味, 我地好快就將雞肉食清光之後加湯打邊爐。😋手切肥牛(細)到火鍋店打邊爐最緊要當然係肥牛啦, 呢度嘅手切肥牛油脂分佈均勻, 口感超軟腍, 牛味香濃, 細碟份量都唔少, 兩個人食剛剛好。

好耐無食雞煲火鍋啦，所以今日路過順便食下。間雞煲火鍋店環境都好大，我大約六點幾去到，超多空位，有大枱同細枱，大枱可以坐十幾人，細枱可以坐二人至四人。店舖嘅牆上掛咗好多牌，介紹間店嘅招牌菜式。例如：雞煲丶羊腩煲等。🐑.朋友話唔會想食雞煲，所以點咗個魚煲。我好少試魚煲，所以都想一試。點咗個秘製川味魚煲鍋$208。因為唔太食得辣，所以係BB辣。分別點咗手切肥牛（細）$138，胡麻冰菜丶椒鹽魷魚🦑鬚丶自家製同響鈴丶翠玉瓜丶冬瓜件+蓮藕片丶手打四寶丸丶爺爺冰豆腐。仲有野飲可以點，有罐裝汽水丶樽裝茶同啤酒🍻。首先個魚煲真係好大，配料都好多，有好多豆卜丶雞髀菇丶秀珍菇丶芫荽等。魚🐟肉質好滑而且好嫩丶不過魚肉比較少。而湯底有少許咸。配料浸落湯底入面都入晒味。胡麻冰菜個口感好特別，菜係好爽口同有點滑滑地，配胡麻醬好夾，第一次食，有獨特口感。椒鹽魷魚🦑鬚炸得好香口，而且份量好多。炸粉好少，所以無偷工減料。👍🏻手打四寶丸啲丸因爲係手打，所以好Q彈而且無雪藏肉丸果種硬同急凍味道，反而有新鮮魚肉嘅口感。爺爺冰豆腐第一次食這種豆腐，豆腐好容易入晒啲湯底嘅濃郁味道，而且有少少口感，唔似食緊平時滑嘅豆腐，反而有點脆口

2019年3月11日。晴。土瓜灣。3月突然變成寒冬，呢幾日凍到傻，緊係要食返下雞煲，補補身子～呢日就約咗朋友放工去土瓜灣食呢間爺爺雞煲皇～一坐低，姐姐就擺低成盤佐料先搞咗個沾醬先～～然後就睇下食啲咩啦～淨係鍋底選擇都花多眼亂，雞煲都有三種口味仲有魚煲鍋同埋其他較清淡嘅鍋底然後就再揀配菜～時間尚早，所以唔多人座位都闊落乾淨～餐廳嘅四大皇牌就係三款雞煲加魚鍋底～爺爺招牌雞煲（半隻），$158落咗單冇幾耐個雞煲就上枱啦～雞煲嘅用料都幾多，大量洋蔥、蒜、薑、芫茜、香芹啲雞肉喺上枱嘅時候已經七八成熟，等一兩分鐘就可以開餐啦～呵呵～雞肉鮮嫩，非常入味，但唔會死鹹，滋味無窮！手拍青瓜，$36打邊爐點都要食啲瓜菜嘅～呢個青瓜個汁係淨係得醋，酸酸甜甜咁，開胃得嚟又可以平衡下雞煲嘅濃味～食咗一陣就叫姐姐加湯～可以打邊爐啦～～手切肥牛（細），$138肥牛係新鮮牛肉，所以肉味較濃脂肪同肉嘅分布平均肉質滑溜唔嚡口，雖然嗌咗細份，但份量都唔少～手打四寶丸，$88四寶丸有蝦丸、墨魚丸、牛筋丸同鯪魚丸每種丸都各有特色，味道仲好好添！尤其欣賞鯪魚丸，因為喺其他餐廳比較少見將鯪魚丸擺落四寶丸度一齊賣呢個鯪魚丸完全無細骨，