四季煲仔飯

营业中

休息中

天氣凍好想食煲仔飯，喺油麻地有兩間人氣店舖都好多人排隊👫👫👫我哋一人排一間，其實兩間都排了差不多半個鐘就到，不過呢間會先幫我哋落單就去咗呢度✌️鴨蛋蠔餅和腐乳通菜嚟先，蠔餅係炸嘅，啲粉漿都算薄夠鬆脆，但蠔仔就略嫌少咗啲😐通菜都算大碟ok架。等多10多分鐘就有熱騰騰嘅煲仔飯食喇♨️♨️♨️餸的分量都算幾多，飯再乾身啲就更好😍💕臘腸潤腸排骨煲仔飯 $90💕白鱔排骨煲仔飯 $99💕北菇田雞煲仔飯 $99💕鴨蛋蠔餅(細) $72💕腐乳通菜 $29💕可樂 $6

早排行開油麻地果邊買野，一於去廟街果邊搵下野食，見到呢間煲仔飯門口排晒隊，一於去試試佢!等左15分鐘就可以入座餐廳座位有落晒隔板，地方夠光猛, 起碼可以坐到40幾位客人.我地叫左3個煲仔飯, 出餐同事亦好快將我地點既餐送到枱面.今日我地點左鳳爪排骨飯臘鴨牛肉飯北菇滑雞飯腐乳通菜3個煲仔飯之中我最鍾意臘鴨牛肉飯, 臘鴨果種香味係一打開個煲蓋,就已經想成碗食晒佢.仲有份腐乳通菜$25係收超大份的.仲有而家叫煲仔飯係會送飲品的.

冬天最愛食煲仔飯😋😋😋目標係今年內要試勻全港出名又好食既煲仔飯😆呢間四季煲仔飯又係久仰大名餐廳之一🔥終於有時間又經過油尖旺就諗起不如試下嗌咗個鴨蛋蠔餅、腐乳通菜同臘腸排骨煲仔飯🍚鴨蛋蠔餅炸到好酥脆 偏油🍳但係口感食落完全唔似蛋餅🥚腐乳通菜 正正常常🥬反而最期待嘅臘腸排骨煲仔飯無乜特別🧐本身對佢期望好大🥺以為會少少燶底變飯焦但實際冇乜🌚食落感覺白飯水份過多💦豉油只有色澤 唔夠咸味😟排骨同臘腸都只係普通貨色😩環境方面感覺好懷舊🫖睇過其他食評都覺得檯凳有少少油淋淋😣總括而然未必會再嚟😢心目中煲仔飯第一始終係荃灣江湖小棧💛

廟街係老外眼中充份表達香港既情懷: 擠迫、夜燈、平貨、熱鬧🎊歌舞,💃🕺而處於廟街尾(定頭?) 既, 油麻地一帶就係廟街既胃, 當中殘忍既煲仔飯更加係地區特色 (你有無見過廣東以外用沙煲煲飯先😎) 事隔多年後重返FOUR SEASON煲仔飯, 又再記起, 呢份回憶中夢寐😘今日早到唔駛排已經有得食, 舖頭真係食堂風格, 多年黎都係用透明膠做門, 入面就好似個未交吉既裝修舖咁, 零裝飾, 摺枱同櫈小齊整咁一排排, 牆上貼住黃底紅字既餐牌, 好似天師啲符咁🧟‍♀️🧟‍♂️重點要有埋ENGLISH, 驚鬼唔識睇 (無歧視成份架) 煲仔飯外, 必食既係佢既鴨蛋蠔仔餅🍳以前因為鴨蛋平, 所以傳統既蠔餅都係用鴨蛋🦆今時今日唔係好多地方用番鴨蛋去做~ 兩塊炸到金黃色既蠔餅係吸油紙塾底下上枱; 炸脆既表面既你一篤開佢就知, 四季用番細蠔仔黎做蠔餅, 令蛋香味唔會比蠔既鮮味搶走, 而且炸得細細塊, 作為小食份量亦啱啱好😁😁 仲有腐乳通菜🥬上枱既翠綠色加埋一PAT既腐乳係家常口味, 但今日既通菜堅係靚, 新鮮無渣點埋腐乳, 簡單而味美🥰 到左主角咸魚🐟肉片🐷煲仔飯 (試下譯番做ENGLISH吖?), 呢度特色係黎

成日見到呢間煲仔飯大排長龍，心諗今日平日去食應該冇人啦掛～果然，平日晚上八九點係有空位架。我地叫左蠟腸滑雞煲仔飯、細蠔餅同埋腐乳通菜。首先上既係細蠔餅，有兩塊，都真係幾細。蠔餅帶脆口感，不過蛋好似冇以前咁香，唔知道係咪仲用鴨蛋整呢？蠔既份量都多，唔腥。煲仔飯上時我地立刻林豉油，再蓋返煲蓋等左十幾分鐘。可惜完全冇飯焦，有D失望。雞幾滑，不過就冇乜雞味。蠟腸偏油。最後食腐乳通菜，腐乳超咸。菜既份量都多。

依2個星期突然轉涼...真係小D心理準備都唔得晏就既天氣有太陽真係prefect~ 但一入夜真係凍死人地阿媽個女 lol 今日放工就特登去油麻地食煲仔飯~其實油麻地 膺街附近真係好多好多~ 通常見到四季咁多人排就會轉身走左入內街搵其他~但朕其實都有食過內街個d, 發現真心冇得比~係排到差不多既時候姐姐已經拎定餐牌叫你諗定食咩~ 因為煲仔飯佢地係即叫即整, 所以都比較需要時間~ 排到差唔多到你就會幫你落單~等你坐底一陣就有野食~每次食黎食去都係個幾味~ 但佢又真係幾多野可以俾你配搭~一直都係打算叫雙拼 +臘腸....但姐姐一下就拒絕左我: 個煲唔係好大...你簡2款好喇....好sad....食得煲仔飯, 緊係要配返蠔餅啦~ 佢依到係大大隻字寫自己係用鴨蛋去整 (其實我唔知係唔係會好味d定香d lol) 佢既蠔肉都算唔差, 唔會太細粒~ 而且佢仲炸到脆脆地~重點推介係佢唔重粉, 試過係出面食, 粉係主打, 蠔先得個小小粒....完全比人呃左...依個雖然份量唔算多~但2個人食岩岩好~umum....腐乳通菜都冇咩特別好講啦~都係咁既味....好喇!到重點!臘鴨肉片飯!!!當然佢上枱既時候

相隔兩年再嚟，因為早到(18:45), 等咗半個鐘就有位。蠔餅由兩年前嘅$20兩塊加到$35, 但蠔少咗，以前嘅蛋味而家欠奉。腐乳通菜，腐乳只有死咸味。主角煲仔飯，女友話雞好滑幾好味，我個牛肉都唔鞋。但飯焦呢？燶到苦嘅，豉油唔係甜豉油唔敢多落，煲仔飯失去靈魂。只可以講，唔知係咪都仲相對平所以仲要排隊。

天氣開始涼涼地，又係煲仔飯出場嘅時間🔥廟街一向比我有一種龍蛇混雜嘅感覺，喺呢度食煲仔飯，感覺特別地道🌾今晚都要排下隊，等左15分鐘，就入左去👍🏻❤️咸蛋肉片湯 $38同行朋友話今日好熱氣。。如果唔係佢熱氣，我一定叫個鴨蛋蠔餅食下，不過見佢成口生晒飛滋，算啦。。咁當然要下一下火啦！湯入面好多白菜仔，對於重口味嘅我黎講，呢個湯都好夠味！咸蛋黃用湯匙"界開"，漏油嘅。。見到鹹蛋黃嘅橙色由放喺湯嘅上面，加少少胡椒粉，惹味！❤️臘腸排骨飯 $47好細個已經有一個知道邊個教我習慣，相信好多人都會。。就係煲仔飯一黎到，首先要從打開個蓋，在牲畜打兩個圈落老抽，再琴返個蓋焗大約10分鐘!咁樣做的確會令飯焦多一啲，臘腸都算值得一讚，咁嘅價錢，呢條臘腸都算係唔太多肥豬肉，排骨入味！飯有煲仔嘅香氣，飯焦唔算太燶，啱啱好！❤️腐乳通菜 $17腐乳通菜都係一貫水準啦！只係一啖裏面唔可以沾太多腐乳，如果唔係真係會好鹹架！**溫馨提示:如果第一次來呢度食煲仔飯，要記住呢度係唔提供飲品架！飲品要自己出去買，如果唔止一個人黎呢度食飯，想節省時間，可以一個人出去買嘢飲，另一個人繼續喺度排隊，咁就快靚正！✨

為左慳錢, 陪EX係太子睇完醫生專程行返去油麻地食煲仔飯EX話四季好食D, 唔差果幾蚊啦, 而且食到好野, 等耐D都值得因為2個人, 所以好快, 等左5分鐘到就有位, 岩岩好傾完叫咩食1. 腐乳通菜: 最快黎到的, 雖然只係白恰通菜, 但點腐乳食已經好好味. 夠熱, 菜都算令架啦, 前排凍番又落雨, 呢2日天氣好番D, 菜都令D, 唔會話濕到爛2. 細蠔餅: 好脆, 又有蔥粒提升香味, 蠔仔一D都唔腥, 就算食到最尾凍左都唔腥, 好正3. 滑雞煲仔飯: 雞件好滑好好味, 加D鼓油, 簡簡單單已經係好, 底仲有D飯焦, 香白脆脆 HEHE ^^4. 排骨煲仔飯: EX落得太多鼓油, 成煲飯濕哂 , 排骨有D根位, 個人唔多LIKE, 一樣有飯焦, 都OK的雖然唔係貴價食材, 而且煮法簡單, 但出黎的食物質素高價錢平, TOTAL$74服務係姐姐, 比較粗豪, 但本人唔介意