永年士多 (兆安廣場)

营业中

休息中

喺銅鑼灣返工，偶爾都會同同事去永年士多食車仔麵。佢唔算係新派嘅車仔麵，但勝在佢個辣汁夠辣夠濃郁，所以周不時會去食。今次就嗌咗佢嘅四寶麵，內有豬腸豬皮豬紅同蘿蔔四個餸。豬腸都幾彈牙，豬紅入味，豬皮味道亦不過不失，女仔食四個餸份量就啱啱好。除咗車仔麵，佢嘅撈麵都幾有驚喜，同事今次食咗牛筋腩撈麵。佢話牛筋好腍，配埋蝦子麵好惹味。有時夏天唔想食湯麵，撈麵都應該會係一個幾好嘅選擇。同同事兩個人share咗碟菜，係好嫩嘅腐乳通菜，$27 嚟講質素算對得起個價錢。至於嘢飲今次就嗌左樽仔奶茶同埋抹茶紅豆冰，樽仔奶茶幾滑幾夠茶味，可以一試。不過抹茶紅豆冰就略嫌抹茶味欠奉，覺得嗌普通紅豆冰就夠。呢一餐嘅食物質素都唔錯，不過就唔建議大家嗌咖央多士，因為味道太普通，真心建議留番啲quota食多一兩個餸，或者小食仲好。

永年士多耐唔耐都會去，多年來都保持住質素，今晚突然又好想食車仔麵，因為真係快靚正🥰🥰咁又去永年度食啦🤗店舖環境乾淨企理，夠晒光猛，而家仲有自助落單機，好方便👍大碗麵 $72 幼麵・加配 #炸魚皮 +$13・墨魚蝦卷 +$13 每次去必叫呢碗，因為唔使揀，咩都有，兩人share都夠食。餸有10款，包括有雞翼、雞翼尖、豬腸、豬皮、豬紅、蘿蔔、魚蛋、紅腸、魷魚同菜。今次轉左食幼麵，幼麵份量同其他粉麵一樣足，麵條細滑彈牙，因為都鍾意食炸魚皮同墨魚蝦卷，所以每次都加配左黎食🤣🤣湯底香濃，豬腸洗得乾淨， 顏色夠深，夠晒入味，入口軟腍；豬皮爽口；白蘿蔔好清甜🤗腐乳通菜 $25永年腐乳好惹味，帶一點微辣，又唔會過鹹，通菜好脆口，份量足夠。樽仔烏龍茶 $28 (套餐價 $17)之前飲過幾岩自己口味，同埋唔知係咪最近太熱，自己一個都飲左2樽，茶味香濃微甘，可解食物油膩。

大碗麵$72豬紅$22樽仔奶茶$17腐乳通菜$25好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：很久沒吃過車仔麵，知道銅鑼灣開了我喜歡的永年，就把握午飯時間，走到銅鑼灣吃車仔麵。有選擇困難症的我，好多配料都想試，所以要了大碗麵。大碗麵有10款餸，包括邪惡豬大腸、彈牙魚蛋、豬皮、入味雞翼尖、大隻又juicy的雞中翼、紅腸、夠腍又夠清甜的白蘿蔔、豬紅、魷魚🦑、濃郁麻油味的菜。麵要了油麵。湯底香濃但不太覺有味精。腐乳通菜好惹味，但又不會過咸或辣。感覺永年的腐乳醬是特別調製。樽仔奶茶比想像好，不太甜，奶味不會太重，茶味夠香。永年多年來仍保質素，怪不得坐無虛席，而且繁忙時段有人在門外排隊！另外，好喜歡店內的壁畫，把富有香港🇭🇰特色的東西都加了進去，包括車仔麵、中環摩天輪、電車、新光戲院、人力車等。

疫情過後開始同朋友出返黎食野，太耐無約，咁我地約返響老地方食😂，價錢好似無點變，都係差不多，銅鑼灣區黎講緊係夠哂平啦！太耐無食，又想樣樣試下，最後就決定每樣叫啲，可以share多啲，始終咁耐無食，可以試多啲唔同款式嘛！我地叫左大碗麵，咖哩三寶，腐乳通菜，咖央多士，樽仔奶茶同抹茶紅豆冰。大碗麵 $72包含10款基本餸嘅車仔麵，豬腸、魚蛋、蘿蔔、豬紅、豬皮、雞翼、雞翼尖、魷魚、紅腸、菜，麵底自選，可辣可不辣，咁耐無食，當然食個唔辣試下原味先，我地叫左米粉，湯底依然係以前嘅味道，米粉索哂啲汁先黎食，夠哂入味。咖哩三寶 (蘿蔔，魚蛋，豬皮) $28可能太耐無食喇，叫小辣食食下都覺得好辣😂，但果浸咖哩味依然咁正。車仔餸黎講，最愛都係佢用陳皮魚蛋，又彈又韌嘅質感同陳皮味，響其他地方已經好難食到。蘿蔔就夠煮得夠淋又夠甜，無根。本身就對豬腸麻麻，但呢度就整到味唔大，但又保留少少味，又夠粉，都食得過。咖央多士 $18一件兩啖食完，味道係南洋咖央味，若果更多醬會開心啲！😆腐乳通菜 $18其實佢仲有菜心，生菜選擇，加腐乳就貴少少。通菜鮮嫩翠綠無變黑，食落爽脆可口！樽仔奶茶 單價$28 跟麵$17每次黎到都會

放工唔知食乜好，食碗車仔麵快靚正🥰🥰以前食永年要入到元朗，而家係銅鑼灣都食到。店舖裝潢主要用綠色為主調，而且光猛明亮。大碗麵 $72 👑轉 烏冬 +$2 | 加配 炸魚皮 +$13 | 墨魚蝦卷 +$13 有雞翼、雞翼尖、豬腸、豬皮、豬紅、蘿蔔、魚蛋、紅腸、魷魚同菜。唔使揀，包羅萬有，突然口痕想食烏冬就轉左烏冬，仲加左炸魚皮同墨魚蝦卷🤣🤣陳皮魚蛋經典製作，蘿蔔好清甜入味又腍身，魷魚好爽脆，雞翼同雞翼尖都入晒味同肉質嫰滑🫶炸魚皮又厚身炸得酥脆，墨魚蝦卷煙韌彈口，仲有粒粒墨魚有嚼頭生菜魚肉 +$18 (套餐價)用左鯪魚肉整成魚丸，份量好足，生菜底都好多，仲有好濃郁既麻油味🙂配埋胡椒粉，更惹味。鹵水雞翼尖 $25雞翼尖煮得好入味，雞皮肉質嫰滑惹味，份量仲好多腐乳通菜 $25腐乳甘香醇厚，通菜嫰滑無渣，夾埋通菜一齊食，回味無窮。紅豆冰 +$15 (套餐價)有1/3既軟腍紅豆，傳統港式紅豆冰❤️樽仔烏龍茶 $25一樽樽好方便，飲唔晒都可以拎走，茶味香濃微甘，可解食物油膩。

十月星期一晚上下班後，銅鑼灣。之前經過銅鑼灣，看到有家餐廳取名「士多」，有點好奇是吃甚麼的，決定在旅行前跟友人來試試。永年士多這名字我是沒有聽過，但是對於住在新界地區的朋友來卻非常有名，在上世紀六十年代，永年已經在元朗起家，經歷三代人後變成擁有三家分店的車仔麵店。所以之前決定去吃的時候，很多朋友也跟我說真的非常值得一試。店內光潔明亮，比起一般吃車仔麵的地方，裝潢多了一份新派時尚，放棄傳統人手寫單，門口有服務生專門用機器下單，減少出錯機會，點餐後跟號碼自助取餐，很方便。點一碗店家招牌的大碗麵，裡面料非常多，有豬大腸，清理得乾淨，肥美沒有怪味；蘿蔔味道不錯，沒有吃到渣；雞翼跟雞翼尖的表面像鋪了一層膠，有一股怪怪的味道；豬紅挺入味，口感滑實不鬆散，紅腸跟咖哩魚蛋不論賣相，味道也沒有甚麼特別，很普通。麵條方面要了幼麵，彈牙爽口，吸收店家的秘製辣醬，香濃惹味。友人的是豬手蝦籽撈麵，蝦籽份量不算多，不足夠把每條麵都拌勻沾上，試一口粗生麵，友人說有點膠膠的味道，我倒是覺得麵質過硬。再吃一口豬手，味道著實是不錯，煮得夠軟腍，綿密夠黏口，撈麵跟豬手味道的平衡要改善才行。附送的蔥花湯，除了味精就是味精，喝