AGE Cuisine Express (已搬遷) 新店位置

觀塘工廈就去得多，但原來對面海同樣有工廈美食😳。我同朋友喺太古行完街，唔想食商場連鎖店，上網一搵之下就見到有間叫「AGE Cuisine Express」嘅餐廳。我肯定自己無嚟過，但又對餐廳名有啲印象，最後俾我醒起佢係我舊公司提供到會午餐嘅承辦商！嗰陣日日食佢都覺得好正，原來真身喺呢度😝，成個感覺好得意，又似曾熟悉。餐廳主打西餐🍽，款式都算幾多。其實本身有諗過食Pizza，但佢成12吋兩條友未必食得晒。再加上今晚唔肚餓，所以只係叫咗一個主食搭兩個小食。慢煮半生M6和牛西冷配黑醋蜜糖芥未醬($138)，前菜賣相色彩繽紛🌈，廚師有花心思擺盤。主角西冷牛處理得唔錯，係預期中嘅半熟，肉身呈粉紅色，食落牛味都算濃，肉質唔韌🥩。18個月巴馬火腿伴芝麻菜沙律($104)，意式風乾火腿鹹香十足🥓，雖然比較細塊，但都能過吓口癮。火箭菜唔重青味，反而仲好似滲出蘋果甜香🍎。另外，伴菜仲有車厘茄同麵包脆糠等。豚肉蕃茄乾菠菜蕃茄忌廉汁扁意粉($118)，意粉幾大碟🍝，每條都掛滿醬汁，佢將蕃茄同忌廉混合為一，所以酸度同膩度都中和咗。扁意粉質感彈牙，加入菠菜同青瓜令口感更佳。🐷豚肉片係豬腩片，如果經煎香定必更香口。

今晚同男朋友食西餐，呢間餐廳係工廈入面，好易搵到。以前住附近都無黎食，估唔到搬左屋先黎食，真係好好食而且服務態度又好。我地叫左一個前菜，兩個主菜，一個加$48變套餐，再散叫個甜品，好飽。辣肉腸蘑菇酥盒熱辣辣，酥盒夠鬆脆，好出色。是日精選餐湯係煙肉薯蓉湯，味道濃郁，好多煙肉，附有餐包。椰香辣醬燒春雞配有大量邪惡既薯條，燒春雞已經一分為二，肉質嫩滑，唔鞋口，十分抵食。香煎紐西蘭原條檸檬鯰魚有驚喜，魚皮煎得香脆，魚肉同魚骨好易分離，魚肉唔腥又滑，仲鋪左層厚身既薯蓉，相當唔錯。精選意大利甜品係雲尼拿醬泡芙配開心果雪糕，擺盤有心思。再叫多個甜品：自家製意式芝士餅，誰叫我鍾意食甜品呢，哈哈。飲品叫左凍檸茶，糖醬自己落。

說故事要用倒敍法，就用一句說話總結這頓飯：負擔得起的價錢享用令人羨慕的美食！看得多飲食節目，那些大大片的黑毛豬火腿、黑松露、西冷牛扒，往往令人垂涎欲滴；但光看是五星級酒店的門牌，也可想而知那酒店級價錢的美食，不是屬於我的。然而大隱隱於太古市中心，竟然找到這家小小店，平民價錢得來，是西班牙級的享受！西班牙白毛豬火腿伴芝麻菜沙律一大盆的Ham和沙律，份量大得很吸引！平時Ham和芝士伴著吃就吃得多，但加入黑松露醬則是份外高級的嘗試。效果是意想不到的有層次，香濃得來沒有蓋過白毛豬火腿的咸香。沙律菜也新鮮爽脆，充滿Fresh的口感！特濃黑松露野菌忌廉湯超粗粒的菇菌新鮮打出濃湯，加上黑松露醬、忌廉、橄欖油，香味滿分，味道也非常出眾。材料豐富足料，但濃湯稀稠適中，要用吃的方式來享用！法國海龍皇湯鮮味留在喉嚨裏的龍蝦湯不容易找到，光喝一口湯便吃得出有蟹肉、龍蝦肉、鮮蝦肉的味道，的確真材實料。舀出來還看見一隻大大的鮮蝦呢！那種深入喉嚨的味道，揮之不去，西湯來說算是令人印象很深刻！安格斯西冷牛扒伴紅酒牛肉汁選用的是Dry aged牛扒，即是乾式熟成牛肉，風乾起碼數星期才進行烹調，牛肉內脂肪豐富且均勻分布，

12月5日, 我們的123週月快樂~ *O* 一直知道北角有間AGE專食dry-aged牛扒, 不過就良久都未抽到時間去試… 今晚諗住喺鰂魚涌附近食飯, 竟然又搵到佢新開嘅分店! 藏身工廈嘅新店名字後面追加咗cuisine express二字, 擺到明主打快餐外賣生意多~ 都expect咗佢唔係好似主店咁fine dining, 但估唔到佢呢到裝修都算唔錯~ 可能因為新開張, 環境仲保持到乾淨企理, 牆色同燈光暗暗地加埋d聖誕裝飾又幾有情調~::: 珍寶蟹脆蟹餅 伴粟米莎莎 :: $68實在係有少少比佢個名搞到誤會咗… 以為個蟹餅係jumbo size… 嚟到發現佢係分成三小個, 每個蟹餅底部有片沙律菜, 上面放上少少粟米莎莎, 雖然比想像中細件但賣相不失精緻. 而且蟹餅確實真材實料~ 香脆外層入面包住啖啖蟹肉~ 伴埋香甜嘅粟米莎莎醬更顯蟹肉鮮味!::: 磨菇, 風乾火腿薄餅 9” ::: $108薄餅係傳統意大利薄餅, 批底厚薄適中而且烤得香脆~ 餡料有蕃茄醬、蒜片、水牛芝士、磨菇、巴馬火腿片、黑松露醬, 本身仲有因為我地唔食所以走咗芝麻菜. 薄餅一上台已經聞到薄薄黑松露香, 佢地d