阿夫利拉麵 (The ONE)

营业中

休息中

遠喺Afuri 未插旗香港之前已經喺東京惠比壽幫襯過呢間拉麵店，當時食過佢嘅柚子鹽味拉麵一試難忘。之後因為疫情一直都未有機會回鄉再會呢碗咁獨特嘅拉麵，今次偶然路過尖沙咀決定俾機會呢間過江龍。柚子辣湯拉麵（$108)今次揀咗辣味同埋太麵（粗麵），湯底濃郁，但有獨特清新嘅柚子味，令成碗拉麵一啲都唔覺油膩，太麵食落煙韌嘅口感，加上陣陣嘅辣香，係完美創新嘅配搭。柚子甘露沾麵（$108)今次仲試埋佢嘅冷沾麵，第一次食到咁清爽嘅沾麵湯，用埋幼麵容易掛湯嘅性質，啖啖滿足。自家製煎餃子（6件）（$48)印象中喺日本嘅Afuri冇見過有餃子，見佢係自家製就想叫埋試下。6隻餃子面頭有一層皮，餃子嘅外皮煎到香脆，但係餡料冇太特別。以過江龍嚟講佢算還原到日本Afuri拉麵嘅原味道，下次絕對可以再戰。

最近外食頻密咗，但又想食拉麵，所以想試吓朋友推薦呢間有柚子鹽味拉麵嘅餐廳。因為坐吧台，所以見到廚房嘅環境非常乾淨衛生。餐廳嘅環境亦十分舒服。員工亦十分友善。今日叫咗柚子鹽味拉麵、自家製煎餃子同埋青檸柚子梳打。柚子鹽味拉麵用咗幼身嘅拉麵，湯底唔油膩，十分清新，比起其他拉麵嘅濃湯底食起嚟少好多罪惡感，好適合女仔或者怕膩嘅人。叉燒嘅肥瘦程度剛剛好，不過如果一碗拉麵可以有兩塊叉燒就更好了。青檸柚子梳打亦清新解膩，而且大大杯，天氣熱時飲真係一流。自家製煎餃子上面有一層薄薄嘅脆皮，好特別，同餃子一齊食嘅時候令每啖更脆。整體來說食物質素好好，推薦比想食拉麵又怕負擔太大嘅朋友。

之前喺東京食過柚子鹽拉麵一直諗諗不忘😌但喺香港一路搵唔返同款湯底嘅味道！🍜呢間日本過江龍雖然開咗成年，因為疫情，加上係 IT 企下嘅，一路都無去食😅最近終於破戒試一次🍊好彩無令我失望！呢個拉麵冬天夏天食都OK，就算無咩胃口都食得落！湯底嘅柚子清香，加上淡淡柚子胡椒嘅味道，清新無油膩感🥰不過塊叉燒就有啲肥，冇乜燒嘅焦香。糖心蛋軟硬適中，蛋黃有少少流心，算係唔錯。🥟煎餃皮薄，煎得香口唔乾，🧅但有好重嘅京蔥味🤨整體都係喺東京食比較原汁原味呢！

每次去東京都一定會幫襯Afuri, 都係鍾意佢啲柚子味, 加埋拉麵一齊食有一種清新的感覺, 冇咁油膩。今次除咗拉麵， 都試咗佢嘅炸餃子同埋煎餃子， 兩隻味道都ok， 大家防試下。

呢間冇野好彈👍🏻👍🏻👍🏻唯一係我可以食多碗先滿足完全唔覺口乾 證明真材實料又坐得舒服 冇多餘裝飾🍜豬骨濃湯拉麵..................$108真材實料豬骨濃湯底啖啖油脂濃厚香味小麥麵條彈牙 都幾掛湯不得不讚係叉燒肥瘦適中 啫哩嘅口感入口即溶仲帶有微微炭烤滋味🍜柚子甘露沾麵..................$108大推夏天食酸酸地 帶少少鹹味 特別開胃沾麵一向偏鹹 但呢碗鹹店適中麵質比湯麵更彈牙再配上少少沙律菜口感層次更豐富 又爽又彈牙🍜自家製煎餃子..................$48/6隻餐廳主打拉麵&餃子咁自豪 無理由唔試試佢真章架果然！薄薄嘅餃子皮包住多汁嘅豬肉涵上碟前澆上麵粉 形成薄脆增添口感🍜柚子青檸梳打..................$38呢杯特飲都係餐廳招牌之一好fresh!配上柚子拉麵一於為迎接夏天 黎個柚子盛宴

雖然香港政府呼籲市民盡量減少聚會、避免同陌生人接觸，但實在好難唔剪頭髮。今日出去尖沙咀剪完頭髮後，剛好經過《The One》，見到「Afuri」的廣告，就想起這間最近相當熱門、開業不夠兩個月的日本過江龍拉麵店。「Afuri」居然夠膽在這個時候開業，實在藝高人膽大 ⋯⋯ 究竟真是如此有信心？抑或因為簽了租約，冇得走？又抑或因為「i.t.」時裝品牌有份投資香港分店，所以放膽開張？拉麵店位於潮流時裝品牌「i.t.」店內，佔據了不少空間。裝修風格新派，與傳統日式拉麵店的裝修風格沾不上任何關係；如果不是見到玻璃分隔的拉麵廚房，只會以為是一間輕食西餐廳。其中一幅牆鋪砌了白色瓷磚，上面用一大堆英文字寫了「阿夫利」拉麵的三大原則；就是注重食材質素、講求環保就地取材、將拉麵推廣至美食層次。店員引領入座。安排好座位之後，提示客人記低座位號碼，然後自行購票。如果不懂得使用自助售票機，也可以找員工協助。第一次光顧，當然要揀「阿夫利」推介柚子鹽味拉麵（$98）及自家製煎餃子（$48）。購票完成之後，再坐低慢慢研究餐牌。「阿夫利」創作了柚子味湯底拉麵，在絕無任何味精的木魚雞清湯中加入清新柚子。見到這個介紹，霎時覺