金公館 (康怡廣場北座)

营业中

休息中

逢星期三都係百貨公司嘅周三特價日，陪A姐喺康怡廣場嘅超級市場掃完貨，我哋拎住一袋二袋三袋同四袋，所以今晚嘅晚餐最緊要坐得闊落又舒服！所以今晚晚餐選定太古嘅金公館，順便回味一吓佢哋嘅北京填鴨啦。呢度嘅二人餐好抵食，仲已經有埋北京填鴨，CP值超高。香蔥雞蛋豆乾粒前菜係香蔥雞蛋豆乾粒，份量超多，豆乾味好香，好開胃！青城山杏汁白肺湯呢個湯係金公館嘅招牌湯水，連一向唔鍾意杏仁味嘅A姐都話正！淡香嘅杏汁，令湯水呈奶白色，而配料都唔少，有雞腳、菜乾同排骨等等，好滋潤呀！烤北京填鴨重點推介當然係北京填鴨啦！同出面嘅填鴨好大分別，師傅先將肉同皮分開，然後將皮下嘅脂肪切走，所以食得夠晒健康，而皮就好脆，配上唔同嘅醬汁同配菜，食到唔同嘅口味。勝瓜炒雲耳金公館標榜少鹽少糖，所以呢個勝瓜炒雲耳清清淡淡，夠晒健康。芙蓉賽螃蟹賽螃蟹大大份，加上帶子，好綿好嫩呀！味菜豉汁炒豬青肉成餐飯呢個都算重口味！味菜配上豉汁，夠晒惹味！餸飯一流。（記住Like同Share畀朋友）By A姐M佬

今日去到太古想食中菜就入左黎呢到試一試。腿茸杞子扒津白 芡汁鹹淡適中，平時最驚食到d津白芡汁又咸又杰，但佢一d都唔會有呢個問題，最後潵上少少金華火腿茸食落更加有咸香咸香味。芙蓉賽螃蟹 蛋白炒得幾滑又唔會太油，仲有帶子粒，增加口感同鮮味，加埋d醋之後味道更加有層次。今日叫左個起屋企好少做會煲既青城山杏汁白肺湯，個湯夠哂Creamy，杏汁味好濃好足料，飲落好潤咁，岩哂呢d天氣可以滋潤一下烤北京填鴨 一共有四款醬可以選擇-甜面醬桂花糖醬 冰梅醬 胡麻醬，其中桂花糖醬最特別，烤鴨加上桂花既清甜味，感覺好清新，但最鍾意都係傳統既甜麵醬同烤鴨係最夾。總結呢到食下京菜感覺都算舒服，服務態度唔錯。

是日喺北角放工，就去太古同家人一齊食飯，因為我突然好想食片皮鴨，太古友人就推薦康怡呢間新開既粵·川菜餐廳--金公館。大約七點幾到，嘩已經好多人等位,,,我地喺等既時候就把握時間望下menu 先，真係幾多菜式選擇，想食川菜又得，廣東小炒又有~~正首先大家一人叫左一個湯:成都竹笙菜膽湯 $48 +杏汁白肺湯 $48 湯味道清甜，竹笙再加冬茹白菜，清清地好味，另外既白肺湯，味道濃，同樣高水準飲完湯就再黎個前菜鴨舌 $48 我見我老媽起勢咁食，我地就知一定不得了，佢話好入味，依家爭咁支米酒咁話haha熱情果籠仔蝦球$138，睇食評個個都話要試呢個!! 六籠一籠一隻蝦~係幾有gimmick~ 蝦球炸得香酥蝦肉彈牙加上好似果蜜味汁好正~~之後又就係酸菜桂魚片 $198魚肉新鮮大大塊好嫩滑，但點嫌湯有啲過咸，而且辣度可以再加重啲~~蒜片牛仔粒 $78  牛仔粒份量夠多，牛肉唔un，再加埋蒜片入口，感覺一流。食左好多肉，終於黎番碟菜先~~腿茸杞子扒津白 $78：津白放上杞子同金華火腿蓉，一清一咸感覺很好再黎個芙蓉賽螃蟹 $128賽螃蟹加埋帶子，瑤柱炒，細滑軟彈送飯一流! 仲有因為老媽鍾意田雞，所以我地

中秋節一家大細去了太古的金公館食晚飯，可能大家都出來做節，全場爆滿而且超多人等位，本來訂了8點，但最後等到8:30才有位。涼拌雨花海蜇海蜇爽口帶點麻油香味，再伴上雲耳，很清新的前菜。蒜泥白玉喜歡蒜香的朋友一定要試，中間的蒜蓉山有濃郁的生蒜香，帶點辛辣味，配上青瓜及夾著的豬腩片，完全不覺油膩。青城山杏汁白肺湯白肺湯完全無味精，湯清且甜，有淡淡的杏仁香味，清甜潤肺。熱情果籠仔蝦球炸蝦球外層粉漿又薄又脆，蝦仁大隻且爽彈，十分新鮮，帶點酸甜味。翠湖紅燒豆腐豆腐表面炸至金黃色，裏面軟滑，另外表面舖上生根及菜心，以蠔汁燴過，簡簡單單的一味素菜。芙蓉賽螃蟹看似簡單但一定要有返咁上下功架，因為火喉及時間必須要控制得很準確，而這個菜式蛋白走油時間剛好，所以蛋白幼滑，淋上鎮江醋可減輕油膩感。炸饅頭半打炸至表面金黃，饅頭裏面鬆軟，醮上煉奶後帶點奶香。