湘舍壹號

营业中

休息中

「湘舍壹號」位於灣仔嘅香港華美粵海酒店入面，係間一級嘅商務中菜廳👍，酒店級嘅湘菜（湖南菜）真係令人期待。午市商務2人餐 $388，真係好抵食！餐廳環境高雅大氣，用上黑白相間嘅地磚🖤🤍，配藍色的枱布💙，菊花茶清新淡雅🌼，餐前小食係紅薯片，香脆得來好有口感！湘舍商務二人套餐（六道菜：前菜、主菜、小菜、主食有幾個選擇，湯＆甜品固定）💛涼拌腐竹🪷筒子骨燉湖藕：呢個湯真係超正和滋補🥰，湖藕夠粉和拉絲！🐄十八秒牛肉：好嫰！幾辣但惹味🌶🧡芙蓉鎮米豆腐：用米漿製作的豆腐很特別，係特色湘菜💚時令蔬菜🔷️青粿餅：口感煙煙韌，特色地道美食，趁熱食好正！🍧時日甜品：雪耳糖水

國內好有名氣嘅湘菜館「湘舍壹號」早前喺香港灣仔華美粵海酒店開咗分店，餐廳裝潢以黑色同寶石綠為主調，頗有格調。入座後首先係選茶，普洱、霧尖同菊花之中揀咗菊花，菊花清香、杞子微甜。小食有紅薯片，因為係焗製所以冇咁熱氣。點咗午市二人套餐：兩份前菜、四樣主菜、一樣主食同一款甜品。 涼拌黑木耳酸辣爽口嘅黑木耳非常開胃，醋同辣椒嘅比例剛剛好。 燒椒皮蛋初次接觸呢樣菜色，好特別。將皮蛋壓成蓉，撈埋燒過嘅青辣椒，鹹鮮可口。 芙蓉鎮米豆腐用大米磨成米漿熬煮成「米豆腐」，陣陣米香。加上辣肉碎，增加層次。 農家小炒肉青辣椒炒肉片，鑊氣十足。肉片脆口，青辣椒肉厚香甜。 煙燻臘肉今次係用辣椒乾製作，筍絲索晒醬汁，非常惹味。有機花菜椰菜花炒得好嫩，唔會太腍。 小米青稞餅煙煙韌韌，口感軟糯，好香米味。 是日甜品食完咁多辣味菜色，最後食埋個甜品可以中和味覺，清甜得嚟夠滋潤。

灣仔 - 湘舍壹號 清燉湘舍甲魚🐟🍲香港好少食甲魚，當湯上黎，我都有一絲疑惑：甲魚食得既？不過見佢奶白既魚湯，就膽粗粗試下呢個招牌菜。湯好清澈，味道好鮮甜，魚肉除左個殼，都有肉藏係入面，魚肉偏結實，似食緊瘦肉，加上唔腥，相信大人小朋友都接受到呢個湯。（細心位係有火盆座住熱湯）芙蓉鎮米豆腐 🌾🫛用匙羹一畢，見到佢動L動L，呢個唔係豆腐，係米漿凝固做糕狀，再切件，配肉碎醬油辣椒炒，口感似軟糯版既蘿蔔糕，呢個調味會重d，需要加白飯食。酒釀湯圓 🍡🍡都係一個暖lup lup 既甜品，配小小既芝麻湯圓，酒釀唔會太甜，當食完鹹食既米豆腐，用呢個清甜作結束係唔錯選擇，幫助清除口腔既味道。依家周末好多人北上食中國菜，依家係香港都有得食湘菜，辣既湘菜未必人人食到，反而呢幾道傳統湘菜俾到我有新既體驗😋📍灣仔駱克道57-73號香港華美粵海酒店1樓