유명진의 육미정담 肉味情談

营业中

休息中

抽風系統勁，食完唔會成陣味👍🏻一坐低，店員會加入泡菜爐邊蛋同芝士粟米🤭食完仲可以refill。另上五款前菜，特別啲既有南瓜蓉同醋醃白菜，南瓜泥粉甜，醋醃白菜開胃脆口。🔸一級五花肉梅花肉拼盤 $428韓國人比起燒牛，燒豬更常見🤭拼盤用唔同切割手法，特顯肉質既優點。梅花肉薄切，肉質軟，脂肪位燒完彈牙，唔油膩。五花肉厚切，慢慢燒到焦香，可配wasabi 醬，辣辣地幾滋味。🔸牛胸肉 $98一碟十片，超搶火🔥證明脂肪較多，口感柔嫩油潤，加檸檬汁食一流。🔸芝士明太子石頭鍋飯 $98芝士份量頗多🧀撈完每口都拉到絲。石鍋夠熱，食到最後仲有飯焦。🔸焦糖布甸 $45甜品相當有驚喜，冇諗過燒肉鋪都食到自家製甜品。布甸滑嫩🍮入口即化，奶味濃郁。🔸芝士蛋糕配雪糕 $55日式芝糕口感濕潤綿密🍰入口較美式芝士蛋糕輕身，忌廉芝士味好濃郁。忌廉芝士既酸配vanilla 雪糕一流。🔸提子梳打/梅子青檸梳打 $42食燒肉必點👍🏻清新既水果梳打可以減低燒肉肥膩感。

今晚去Airside 睇戲🎬睇戲前喺商場搵間餐廳食晚飯😋最後揀咗呢間裝修幾靚，望落幾多人幫襯嘅燒肉😙入到去座位好闊落又舒適🥰餐廳抽風做得好好，冇乜油煙味，唔怕食完成身臭崩崩去睇戲😛落咗單之後，店員好快就送上前菜，款式好多😍仲製作我最愛嘅爐邊蛋同芝士粟米🌽🤤🤤🤤🥩一級五花肉梅花肉拼盤 ($428) 冇諗到拼盤會咁大盤🫢有齊五花肉同梅花肉，一次過滿足哂兩種喜好😆五花肉肥瘦相間，肉質軟熟，油脂豐富🤤梅花肉切成粗條，肉質軟嫰更有口感😋如果有埋生蒜片同生菜就perfect啦🤣🤣🤣🥓牛胸肉 ($98) 牛胸肉油脂分布平均，薄薄一片只需燒兩吓好快食得😁因為肉夠高質，輕輕沾醬汁已經夠襯托出香濃嘅肉味🤤好鐘意肉冇任何醃製，唔會遮蓋肉本身嘅鮮味🤗🧀芝士明太子石頭鍋飯 ($108) 石頭鍋飯好色彩繽紛，除咗有平時必備嘅拌菜外，但有明太子同大量芝士🧀明太子為成個飯提供鹹香，所以唔食得辣只需落少少辣醬都好夠味😋熱辣辣嘅石鍋令芝士溶哂，成個飯都拉絲🤭不過都真係幾飽🤣🍮焦糖布甸 ($45) 冇諗到燒肉店甜品都做到咁出色🤩布甸好滑，每啖都充滿蛋香，而且唔好甜👍🏻🍍菠蘿梳打 ($42)🍇提子梳打 ($42)