星星 Pho Cha

营业中

休息中

去完M+肚仔餓，就順道去渡船街附近覓食。四點幾五點呢個尷尬時段唔少餐廳都落左場又未做晚市，行行下見到星星仲開就random入去試試，點知有驚喜。先登場嘅係LA 牛排骨，鐵板上吱吱聲，牛排骨脂肪比例剛剛好，唔算太多骨，份量多四個人每人都食到3-4大塊，加蒜頭泡菜整生菜包食超惹味，一下子就撫慰左空洞嘅肚仔。配Hite 韓國啤酒好爽～芝士海鮮炒飯超邪惡，芝士一路撈一路可以拉絲，係視覺享受。章魚粒為海鮮炒飯增添左不少口感，食下食下已經有八成飽。好耐冇食過人蔘雞湯(半隻)所以order嚟過下口癮，半隻雞唔多但個湯係重點，明明有d飽而且仲有個年糕鍋都覺得要加碗白飯+ $10撈雞湯先心熄。人蔘雞湯仲可以count做午市套餐，+ $5就有樂他咖啡，好抵。星星現做辣炒年糕 (細)一d都唔細，一上碟就知道一定食唔曬，炒年糕走甜辣風，而且有好多魚糕，最後我地KO左3/4好叻，飽到dinner都skip左~環境雖然比較迫但性價比高，非local侍應姐姐態度好好，係個唔錯嘅選擇。(P.S. 我朋友一個星期之後encore左一次)

平時好少會黎到佐敦呢到食野，聽人講呢間韓國野幾好食，有時經過都見到佢地好多人排隊，所以就緊係要黎試下啦～不過溫馨提示，佢地呢間餐廳無得booking，淨係接受walk-in，喺餐廳出面等都幾熱下🥵唔想等咁耐嘅朋友記得要早啲過黎！（我地7點到，都等咗一個鐘到）［星星鼓汁味炸雞 $88］佢地炸雞嘅醬油汁好惹味😋不過份量唔算多，幾個人黎食一人一舊岩岩好🙈［芝士海鮮炒飯 $98］好可惜撈混咗先影相，呢個芝士海鮮炒飯真係十分十分推薦！真係好好食🤤佢地海鮮嘅鮮味十足，撈埋芝士同粟米，唔會好漏之餘又食到啖啖芝士😋我地自己再加埋佢地伴菜比我地嘅泡菜，好好食！🥳順帶一提，佢地嘅芝士焦都好好食！［星星炒年糕 $98］至於呢個炒年糕就同我地有少少出入🤣一開始諗住佢應該係成碗都係炒年糕，但出到黎好似拉麵多過年糕🤣擺耐咗食啲麵都開始漲變咗做成餅野，仲要有少少咸🙈我諗下次黎都唔會嗌呢個🤣總括嚟講，呢間韓國餐廳性價比真係十分高🤤味道好食之餘仲要價錢實惠👍🏻芝士沙鮮炒飯真係好推薦大家！佢地店舖細細，但都有好多唔同野食！雖然係等耐咗少少，不過見佢地仲有好多辣炒同湯飯都好似好好食，下次一定會再黎試下😍

其實喺香港識得食，真係好多好野食，咩國家的菜式都有，仲要係正宗的味道，是日朋友生日要求食韓國菜，抱住try try never die的心態隨便選左呢間餐廳，估唔到有意外驚喜。附送的前菜6小碟，款款各有特色，雖然冇我最想食的泡菜，但蓮藕同蘿白絲都好好味、好開胃！呢個紫菜包飯睇賣相都忍唔住食指大動，飯只有薄薄一層，材料多到嚇死人，都未曾試過咁豐富的紫菜包飯。唔知記時開始，食韓國菜一定要叫炸雞，酸酸辣辣，雞肉好入味多汁，個酸辣醬真心無得輸。我個人最欣賞呢個魚蛋青口湯，有好多隻青口喺入面，鮮味十足，魚蛋又彈牙，好食又好飲！ 邪惡首選！芝士同飯差不多1:1比例，加埋隻半生熟的蛋，撈埋一齊啖啖飯有芝士的味道，不過最尾有少少膩，好在我地4個人share就啱啱好。一碟三款都幾特別，除左平時食開既韓式炒年糕，惟有第一次食粉絲豬，煙煙韌勒，外層幾香口，幾多味，但食完都唔知咩黎😂白雲鳳爪就食得多，黎個辣味湯鳳爪又係一個新嘗試，味道唔錯，再加埋個飛魚子飯團，鮮味有口感，粒粒飛魚子係口到爆開。總括而言，黎餐10分滿分，我比8分！

今日黎開呢頭探朋友，探完之後搵地方醫肚，就黎左呢度~呢間店入到黎好似去左韓國，好地道的感覺~原本這裡剛轉了新menu, 所以與以前的不同，剛好有機會試新野~老闆地道韓國人，親切又熱情~第一道少不了就係我最愛的前菜啦~原味紫菜包飯 $48紫菜包飯(韓文叫Gim Bap)，餡料很豐富，去韓國街頭買來的都是到用錫紙包著原條紫菜包飯，但這樣就切開用碟上，更方便吃呢~呢味有MIX 3款, 包括紫菜包餅, 炒年糕及韓式粉絲豬 $98根據老闆娘解釋，這味MIX 的3款，每樣配料的開頭加起黎就是Kim Top Sun, 是像韓國的女人名字呢~三款都好好味,  我特別喜愛炒年糕呢, 『떡볶이』Dok bo gi, 當年學左韓文, 去韓國最叻係點呢味菜~ 年糕吸收左醬料之後，口感煙韌而又不黏牙，層次很豐富。至於冷面$83 酸酸地很開胃呢~ 芝士海鮮炒飯$98呢味好邪惡呀~好香芝士味，上碟之後撈埋D飯一齊食，好好味~最後當然少不了飲番杯地道韓國飲品啦，錫蘭檸檬茶$13好香茶味又不太甜~下次要同喜歡韓國野的朋友黎先，感受韓國地道人情味同溫暖~