賞島咖啡屋

营业中

休息中

好耐無食Cafe既我，上網見尼間好評如潮，決定相約朋友一齊黎食🤭Cafe 環境裝修簡約木系風，感覺舒適宜人，仲有可愛嘅擺設公仔😍可以同啲食物打卡📸✨蒜油花椒蜆肉意粉 $98少見帶有花椒味既蜆肉意粉，初嚐一口蒜香味濃郁花椒麻而不辣，意粉口感適中油而不膩一啲都唔乾身，配埋鮮甜無沙既蜆肉食，真係停唔到口🤤✨芝士烤雞墨西哥餅 $88餐廳好好已經幫手切件方便同朋友share 食☺️芝士烤雞墨西哥餅香味四溢，餡料搭配青紅椒、洋蔥等，配合埋拉絲芝士🧀令口感味道更豐富，不過唔好睇佢細細份，食完相當之飽🤣✨Honey Grapefruit Tonic $48粉紅色少女心爆發😍原來係紅柚味，唔太甜岩岩好🤤打卡一流✨Bufferfly Pea Lemonade Soda $58亮藍色既蝶豆花遇上檸檬汁會產生變化逐漸變成法紫色非常吸晴🤩 味道酸甜好飲🤤餐廳食物質素高，環境舒服寬敞，服務態度好好，唔會趕客走👍🏻👍🏻岩哂同朋友吹水放鬆下，下次一定留肚食埋甜品🍮🤤🤤

誤打誤撞發現咗呢間Cafe😂 本身係要陪屋企人過去花墟買嘢，行咗一輪行到好攰，就搵吓附近餐廳有咩食～～ 拎住好多嘢又唔係好想行去旺角嗰邊😮‍💨 之後搵到一間Cafe近近地，啲嘢食又好似幾多選擇，好彩係星期日下午已經兩點幾，去到啱啱好有位入🙏🏻行咗成朝已經好肚餓，我哋兩個人都叫咗三樣嘢食～私心第一下已經揀咗個香草烤鴨胸😂 因為我本身都好鍾意食鴨胸！佢呢度煎得好香之餘，配上嘅醬汁令到你唔會覺得好漏😋 而且我特別鍾意佢個薯蓉！！落咗嘅調味粉做得超好，而且係連埋薯仔皮一齊壓落去🤣 食食吓咬到覺得特別香口！另外仲揀埋牛油果三文魚牛角包🥐 芝士烤雞墨西哥餅🧀 個墨西哥餅咬落去入面啲芝士醬超邪惡🤤🤤除咗嘢食之外，我覺得佢呢度個焙茶都好好飲，好濃茶香👍🏻 不過媽咪本身唔鍾意焙茶就覺得太濃～哈哈！但係鍾意飲嘅人覺得好正呢🍵😋btw幾鍾意呢間Cafe靜靜地，環境燈關係暖色設計，有一種柔和星期日嘅感覺☺️ 而且店員都唔會催你，真係可以飲吓嘢慢慢坐吓🤍

中午約咗朋友喺太子食飯，有唔少餐廳座落於花園街，我哋揀咗「賞島咖啡屋」試吓，因為望落餐牌好似都幾啱食😉。呢間Cafe裝修樸實，綠色嘅門面帶點小清新嘅感覺🌿，而室內環境都唔錯，簡簡單單幾舒服。同時，店員亦幾有禮貌。我哋只係嗌咗兩份午餐🍽，但擺埋一齊已經非常繽紛，份量激多，所以價錢稍高都可以接受。全日早餐All Day Breakfast($148)，🍳早餐內容好豐富，包括煙三文魚、🥓煙肉、溫泉蛋、車厘茄、大啡菇、🥑牛油果、沙律菜同埋牛角包🥐。每一樣食材都有處理過，煙三文魚半熟更顯鹹香。成份早餐食晒真係飽到一個點！芝士烤雞墨西哥餅($98)，🇲🇽🌯墨西哥烤餅一客有四件，每件都係加大碼。烤餅餅皮軟熟，中間嘅餡料層幾厚，充滿拉絲芝士🧀同雞肉🐔，味道仲辣辣哋，相當惹味。午餐跟配沙律或精選餐湯，🥗Cafe嘅大部份菜式都配有沙律，所以前菜可以唔使嗌。沙律菜新鮮，配以黑醋汁幾開胃，仲加咗脆麵包同無花果搭伴。是日餐湯係蘑菇忌廉湯🍄，估唔到湯品幾濃郁。佢用上大量鮮蘑菇打製，每啖都飲得出打溶咗嘅菇肉，而且又夠晒熱辣辣，正啊。熱水果茶Fruit Tea($45)，水果茶用透明茶具裝住，用小茶杯飲可以慢慢嘆。🍋

餐廳環境舒服，燈光柔和有冬日氣氛。主打西式料理，亦有咖啡、餐點提供。食物款式唔常見，就連小食、side dish都唔一般。海膽味噌蟹肉意大利麵($168)，一送上枱就聞到好大陣海膽味，超濃郁，令到每條麵條都沾滿醬汁。蟹肉鮮甜，菇菌炒香後沾醬更好食。海膽一坨入口即溶，唔苦唔腥，單食/伴意粉一樣美味極致。蜜糖香草烤鴨胸($128)，慢煮方法既保留鴨肉幼嫩肉軟，亦令顏色帶粉嫩，口感唔會老韌。一咬油脂位置，口腔充滿鴨油香，但完全唔覺油膩，一口接一口食無問題～伴碟既薯蓉有驚喜，薯蓉混有薯仔皮，有d好碎薯粒，兩者加起增添口感，仲有蟹籽作點綴。小沙律加入無花果、士多啤梨，非常有誠意，顏色更鮮艷。芝士烤雞墨西哥餅($88)，烤雞汁已經流哂出後，爆汁爆餡～一客有3大塊餡餅，手撕烤雞肉多汁，嫩口。芝士拉絲，雖然餐牌上印有辣椒仔圖案，但唔辣，餡餅吸哂d肉汁及醬汁。龍蝦湯($48)，超級鮮甜，用上大量龍蝦熬製。而且龍蝦肉份量亦唔少～烘脆過既麵包粒浸軟後，吸湯。整體，別出心裁既西餐，從賣相到味道方面，都誠意拳拳有準備。而且環境舒服，情侶撐枱腳、朋友聚會傾計，都合宜。

一間注重細節唔馬虎嘅cafe，好適合放假約埋三五知己過嚟打下卡、Chill下。位置十分方便，由太子地鐵站步行數分鐘到達。雖然正值星期六下午茶時間但人唔算太多，無需要等位。店員好nice，每個人面上都帶住笑容，見我哋喺度打卡，仲特登擺放好多公仔俾我哋影相，而且啲餐具非常之靚。今次同朋友試左三碟菜式加兩杯野飲，食物味道雖然唔係話好驚艷，但細節同擺盤為佢加左唔少分。伴碟嘅沙律菜好多Cafe都只係加少少醬汁，但係呢間Cafe除左醬汁仲放咗士多啤梨同藍莓點綴擺得又整齊又靚，而意粉碟上面嘅空位就「沈」左芝士粉同埋果仁，睇得出廚師嘅用心。今次試嘅三款食物入面青醬帶子螺絲粉最為出色，帶子就唔使講啦睇相都見到煎得好靚，而且廚師一啲都唔孤寒，青醬十分足夠，意粉入邊有多種蔬菜，加上果仁，口感好豐富。飲品方面選擇多，但今次試嘅兩款就真係唔算好好飲，要下次再試多啲先可以比到評價。可惜今次太飽冇試埋甜品，希望下次再嚟會帶到更多驚喜俾我哋啦！