麵匠風龍

营业中

休息中

相隔一陣子沒吃日式拉麵，某日突然興之所至，前赴一間人氣拉麵店。我們兩人同樣選擇蝦味噌拉麵餐，配的是沙律。碗裡浮著不少櫻花蝦、粟米粒、青蔥，一塊紫菜，以及一顆蛋，叉燒是另上的。味噌湯滲著淡淡的蝦香，毫不油膩，可以放心喝。煎叉燒夠香口，雖然少肥，肉質卻不柴。拉麵屬幼麵，爽爽的沒有煮到過腍。最美妙的正是那顆溏心蛋，蛋白涵得入味，中間的蛋黃是流瀉出來的，美味程度，不言而喻！兩款沙律分別為小龍蝦蟹籽和芥末蝦：小龍蝦蟹籽屬於啖啖肉，以紫菜包裹送入口中，食到龍蝦肉及粒粒蟹籽的卜卜脆，挺有趣。至於芥末蝦是切得細細粒的蝦肉混著芥末醬，下面墊底椰菜絲，十分清新，又是另一番境界。單點的煎餃子即煎即上，餃皮薄肉餡足，蘸點汁，被我們瞬間掃個清光！店子提供的食物品項簡單，除了豚骨湯拉麵之外，我們經已叫盡店內所有食物，認真專注！

上星期終於試咗呢間拉麵，估唔到星期六中午都要排隊，佢只有2款湯底，豚骨同蝦味噌，不過可以跟餐會多d野食，所以我地就跟餐~跟餐有沙律或者餃子，沙律有2款可揀，芥末蝦沙律同小龍蝦蟹籽沙律，芥末蝦係刺身，爽口半帶微微的芥末好回味，而小龍蝦沙律雖然被沙律醬包圍，但入口每啖都係蟹籽同小龍蝦肉🤤而拉麵方面佢地做得好仔細，個碗會預熱，保持拉麵同湯嘅溫度，拉麵係幼身得黎都好彈，比想像中好，而蝦味噌湯底比豚骨更加濃郁，連埋麵一齊食好正! 而叉燒係有厚度唔係薄切，仲要即燒個隻，雖然覺得乾身咗少少，但隻蛋甜甜地仲會流心，補返數啦😁

每次經過唔係已經收舖，就係食飽先再行過黎今日終於可以一嚐味道啦黎到一人一碗拉麵當然唔少得啦前菜既芥末蝦沙律，蝦有少許彈牙，但唔係好新鮮，芥末味比較清淡，可以再重多啲芥末味令人食慾更加提升我叫左蝦味噌拉麵，用豚骨湯做基底，加上蝦味噌既濃厚，湯面再加櫻花蝦提升香味，一個好正既湯底不過拉麵偏軟，無左拉麵既口感，仲有少少糊口有輕微敗北叉燒會另上，切得比較厚身，經過滷製，再經過煎香，有獨特既香味餃子睇落煎得唔錯，可惜食落未夠脆皮，水份未收乾就已經上枱我黎既時候已經大約9點半，人客唔算多，其實食還好既，不過作為開放式廚房，所有動作，做法，衛生都比客人望住，因為清潔衛生乃係首要，我可以清晰睇到拉面水漬到處都係，連抽氣罩上都仲有拉麵黏住