一生懸麵 (荃灣千色匯I) (已結業)

作為走在潮流末端嘅食評家(自稱)，當然要嚟試已經hit左好耐，hit到唔heat咁濟嘅 — 花生醬雪糕🍦拉麵🤤！聽到咁新奇有趣嘅配搭，男朋友第一反應係…驚慌😰(事關唔好食最後係要佢清)，但大家可以放心，味道係非常正常，各位普通拉麵愛好者可以放💛一試。雪糕🍦夠凍，足夠試晒唔同組合先溶晒；剛上菜湯只有辣味，溶後辣度稍減且有奶香味，再之後越食湯底會越辣🥵三小辣表示最後有少少頂唔順。平心而論，麵質比我鍾意嘅偏硬，但都掛到湯。總括而言，值得一試嘅，個人都幾鍾意，會encore😆箍牙妹有個推薦食法：1️⃣ 一上拉麵，飲頭啖湯，先試湯底2️⃣ 試食雪糕🍦（一細啖已ok）3️⃣ 推鬆拉麵🍜等待雪糕溶，同時可以淺嚐配菜（因到後期，湯底更辣，食配菜只會有辣味）4️⃣ 大部分雪糕🍦已溶，可再試湯底5️⃣ 試食cone（已淋並吸了部分辣汁，喜歡💛軟淋口感的我很喜歡！）6️⃣ 食拉麵🍜7️⃣ 清晒！8️⃣ 如能頂得住辣味，可再試湯底唯一需改善的地方係餐廳有部分座位處於廚房睇唔到嘅死角位，如果店員喺廚房附近做嘢，就會留意唔到客人嘅需求，店員可能要多啲留意👀吓。

見到雪糕拉麵可能有好多人都諗緊，究竟好唔好食㗎，係咪gimmick野咋，當初都係因為唔知好唔好食，好奇心驅使之下就嚟咗食。呢個麵只可以揀小辣同唔辣，我就揀咗小辣，其他野都同平時嘅辣味拉麵冇乜分別，叉燒大舊軟淋，溏心蛋都有流心嘅效果，但個人覺得呢兩種食材都唔夠入味，比較可惜。 值得稱讚嘅係麵條，揀咗硬就真係有硬嘅口感，又未去到唔熟超硬嘅感覺。一上枱嘅時候個雪糕都好硬，花生醬雪糕融咗之後嘅甜味同奶味可以中和到種辣味，個味道就有多啲層次，辣得嚟帶點甜，不過過雪糕筒融咗之後就好淋，似食緊塊腐皮，食到最後個湯都唔會話凍曬。總括而言，我覺得係值得試吓嘅。

記得上年都出過，但當時熱潮真係超級多人食，去到永遠都賣曬😢事隔接近一年，終於俾我食到呢個花生醬雪糕拉麵🥜🍜！！！🌟花生醬雪糕拉麵 呢個係一生懸麵 同想甜嚐甜Crossover嘅拉麵～ 半個花生醬雪糕甜筒 再加上嘅辛辣拉麵🍜真心講，平時譚仔食嘅2小都覺得呢個拉麵都幾辣🌶️🌶️🌶️，但佢隻辣唔係辣椒油嘅辣，而係真係好似加咗辣椒落去煲咁🤣融入咗個湯底🤣🤣不過係過癮嘅～🍦雪糕已經雪到超級冰超級硬，要等一陣先可以融到入個湯底🫣辣味湯底加雪糕可以中和返個辣味，加埋啲花生粒好似擔擔麵～另外雪糕筒浸咗湯之後，好似腐皮咁，感覺好有趣✨🐷叉燒係名乎其實超！厚！切！係有炙燒過嘅香味，肥膏入口即溶，瘦肉部分都唔會鞋口，咬落油脂感大爆發😍味道：4/5性價比：4/5回訪度：60%

每日限量發售的雪糕拉麵一直深受顧客歡迎現在除了花生味 更推出了清新柚子味款式早前終於輪到小編試了٩(˃̶͈̀௰˂̶͈́)و🌟花生醬雪糕拉麵零售價：$98 辛辣魚介豚骨湯底製作還有半支花生味雪糕躺在麵上濃厚香甜花生味為辛辣沾上一點溫和感平衡了湯底的辛辣口感而浸過湯底後感覺像腐皮一樣很有趣的味道體驗🤣🌟柚子醬雪糕拉麵零售價：$98 對比花生味會比較清新而且送上一整支的雪糕建議食法先試試原來的湯底後才混上柚子雪糕味道的分別會更特出 亦能顯出柚子帶出湯底層次的重要性最喜歡拉麵但怕濃厚湯底必試！味道：7/10環境：7/10性價比：8/10回頭度：5/10

🙋🏻‍♂️餓底探員今日去荃灣調查呢間人氣拉麵店，早幾日去過佢另一間分店調查過，原來佢同想甜嚐甜合作嘅期間限定花生醬雪糕拉麵喺荃灣同旺角分店都仲有得食，好開心仲有機會試到⁡🥜🍦🍜 花生醬雪糕拉麵 $98📸表示呢個花生醬雪糕拉麵同之前個柚子雪糕拉麵比較，呢個雪糕得半支，感覺好似差咁啲，不過都好期待，花生醬雪糕配上辛辣湯底會起到個點嘅化學作用🙋🏻‍♂️表示呢個係辛辣湯底湯，飲落好夠辣，唔食得辣嘅吃貨可以要求佢小辣甚至走辣，個雪糕花生醬味唔算太濃，但當個雪糕慢慢融化融入個湯底，令到個拉麵食起上嚟好似食緊擔擔麵嘅感覺，好過癮，兩個限定雪糕拉麵其實都各有特色，但餓底我會偏向呢個花生醬雪糕拉麵多啲，因為本身好鍾意食花生醬😂⁡📈吃貨指數😋好味度 9/10🔙返啅度 9/10