打邊爐海鮮火鍋燒烤店 (已結業)

朋友鍾意食蟹，我鍾意食花甲。平時大排擋炒碟花甲，殻多過肉，今次鍾於體驗到食極都食唔完鋪天蓋鍋的花甲（牆上寫著足兩斤花甲）而我也覺得應該足秤，而蟹是用肉蟹，鮮味多肉（兩隻）。肉蟹配胡椒湯底俾人一種很特別感覺，小小辣但並不會在口腔流連，並能調出蟹的鮮味，再配上芹菜冬菇，如果好似我地咁好彩肉蟹也會有蟹糕。打邊爐點可以少得新鮮手切肥牛，上枱時候一看就知新鮮，肉色鮮紅，完全沒有瘀黑，再配上蟹鍋湯底，非常爽口，焯一焯就可以吃，非常可口，再配蒜蓉豉油也十分理想。去廁所時路過看見這條魚魚，老闆話係沙巴龍躉，如果佢唔話我知我以為係石班，這裏也有提供烤活魚，但這回和佢無緣。打邊爐點少得啤酒

明明開始暖返，又突然轉冷，係時候打邊爐食雞煲辣野暖暖身，去到打邊爐海鮮火鍋燒烤店。看到店內的照片，最吸睛的是鮮活烤沙巴龍躉與花甲蟹煲。先吃個泡椒雞腳，輕微麻辣味好入味，相比白雲鳳爪，我更喜歡這個!鮮活烤沙巴龍躉，魚本身已七成熟，滾起了就可以食用，執底配菜有腐竹、菇、芽菜、芹菜吸滿泡椒辣汁，魚面珠如花甲般大小，實肉又有鮮味，汁料越煮越辣，非常惹味。花甲蟹煲，用了1.5肉蟹及 2斤花甲，可想而知湯底的濃郁鮮甜味，當中加入了胡椒粉，辟腥同時又暖胃。記得要先吃花甲，才吃到爆水鮮甜味啊！蟹殼有預先敲碎， 容易食用，蟹肉煲至最後依然鮮甜無比!配碟嫩綠皇帝菜，吸湯最好不過!再來寒冬必食臘味飯，大大煲，分到五大碗，臘腸，潤腸，臘鴨，臘肉，遠遠都聞到其咸香味，飯粒分明，有點在像吃生炒糯米飯的口感，一點也不油膩。