粵藝館 (時代廣場)

营业中

休息中

呢間餐廳以經典粵菜為本，同時係一間花膠專門店🥢🫖粵藝午市套餐($388/位)💗手藝燒賣(2件)餡料用上豬肉、鮮蝦同冬菇粒，口感爽滑鮮嫩，以黑松露醬點綴🥟💗開口叉燒包(3件)包身鬆軟有濕潤感，叉燒餡充滿蜜汁甜味，但餡料較少🐖💗粵藝老火湯是日係竹蔗腰果紅蘿蔔馬蹄瘦肉湯，湯頭清甜，夠晒火候，真材實料🍲💗西班牙栗子豬焦香叉燒厚切叉燒肥瘦均勻，肉質細軟入味，滲透蜜汁甜味，外皮燒到焦香🍖💗花膠天白菇菜膽 主角花膠扒大大塊，口感淋滑，滿滿骨膠原，天白菇厚身爽甜，茨汁燴得超入味，的確養顏之選🍄💗上湯鮮竹浸翡翠菜心用上湯浸煮，翠綠清脆爽口。鮮支竹、瑤柱絲、蒜頭更進一步提鮮味🥬💗懷舊揚州炒飯揚州炒飯粒粒分明，夠哂鑊氣，配埋叉燒、蝦仁、蔬菜、蛋花、蔥花，非常惹味🦐💗粵藝特色甜品是日係萬壽果雪耳桃膠，滋潤清甜，仲有大大粒爽滑桃膠，超足料🩷

好耐冇同媽媽食飯，想有個靚環境靜靜地食個高質Lunch，揀咗依間位於銅鑼灣時代廣場10樓的粵藝館。餐廳環境唔係講笑😎 真係超！舒！服！樓底高 空間感大 梳化座位舒服最讚係一啲都唔嘈，以飲茶地方嚟講係好靜😌今次試咗佢個午市套餐，點心六選二，分別係：手藝燒賣/晶瑩鮮蝦餃/ 龍蝦湯鮮竹卷/子薑牛肉球/香煎手作蘿蔔糕/開口叉燒包先嚟前菜西班牙栗子豬焦香叉燒叉燒表面有蜜糖甜甜加焦脆 裡面好軟淋然後一人一碗老火湯 足料暖胃冇味精點心揀咗蝦餃同鮮竹卷前者餃皮薄而煙韌 後者鮮味多汁最精彩係個花膠菇菜膽塊花膠發得好靚大塊又厚身 滿滿的膠質套餐仲有上湯菜、炒飯同甜品味道、精緻度、份量、環境都係高質享受粵藝午市套餐 $388/位會員價 $288/位

之前喺Times Square購物然後換咗一堆美食消費券，消費滿$400就可以用兩張$100優惠券兩張🤩。而自己一直想試Times Square幾間餐廳，其中包括粵藝館，今日決定用商場嘅美食消費券去試試粵藝館嘅天下第一豬。麒藝館樓底超高，令客人毫無壓逼感。另外裝潢有別一般中菜餐廳既傳統氣息，麒藝館裝潢時尚，充滿活力。從茗茶已經可以感受餐廳既專業程度，茗茶多達五種，我地揀左杭州胎菊。- 鰹魚醉鮑魚前菜用既鮑魚一啲都唔細隻，爽口彈牙，加左酒同鰹魚別有一番風味。- 瓦𦉘啫啫唐山菜唐山菜非常爽脆，用左蝦醬炒非常惹味，入面仲有大量肉碎同蝦米。不過味道略嫌太鹹，同埋煲底仲有好多汁，唔夠乾身。- 不時不燉湯燉湯入面有金華火腿、花膠、瘦內等等，材料豐富，味道清甜滋補。第一次見到咁薄身既金華火腿，切到好似巴馬火腿咁！- 花膠天白菇菜膽花膠好大片，大到要用剪刀剪開四份先食到。天白菇好厚肉，菜膽亦好清甜。- 金沙鳳尾蝦鍋巴相信設計理念應該係來自蝦多士🤣。鳳尾蝦鮮甜爽口，沾滿鹹蛋王金沙更加惹味，再配上配上脆卜卜既鍋巴，整體味道比蝦多士有過之無不及👍🏻- 一蟹兩藝一蟹兩藝指皇室焗釀蟹蓋同炸軟殼蟹伴陳醋野菜沙律。

今日好高興可以同母親大人一齊食飯，由於佢好鐘意食中菜，今日就搵間帶佢食餐好。門口已經見到師大燒緊豬，已經好想食。不時不燉湯燉湯可以話中菜不可或缺既野對女士黎講 燉湯養顏又茲補。今日個湯仲係花膠金華火腿燉螺頭十分補，而且一滴油都冇。食到只有足料既材料味道。 鰹魚醉鮑魚先叫個凍食既醉鮑魚，酒味好濃郁，鮑魚亦好好食。完全吾會太硬，硬度黎得岩岩好花膠天白菇菜膽佢花膠菜膽好多款，分別有不同頭既花膠。今日e 款隻膠都好大，太細隻既花膠根本做吾到主菜，相反只有大隻同厚度十足先做到，否則會溶或者吾好食，佢個汁亦好香。骨膠原十足。即燒無火果天下第一豬其實係門口已經見到師傅燒豬，天下第一豬，每台都必叫。個個豬本身即燒，皮脆，但裡面亦不是油膩，反而係層油花食得出濃濃豬肉香。即使沒有沾乳豬醬，你都會食到豬肉香。一蟹兩藝包括野菜沙律蟹件同一個釀焗蟹蓋。個蟹件就脆炸，冇太多調味，但相當重蟹味。而個釀蟹蓋更是無敵金沙鳳尾蝦鍋巴金涉咸蛋黃既香味好香。幾乎除左個蝦球，都可以沾滿左成個鍋巴，鍋巴夾咸蛋黃其實好合適。 如果有4個人，一人一件會好合適。啫啫唐生菜啫啫生菜向來香口好味。加埋肉碎，其實配飯一流。

如果我以後每天只可以揀一間中菜館去，我會毫不猶豫答，粤藝館。 餐廳食物好味不在話下，店內環境，侍應服務態度，上菜速度都滿分，而且配合餐廳的會員優惠、商場的消費優惠及泊車優惠，可謂物超所值。一入店舖的大堂已經煥然一新，門口的羅漢松在射燈的照射下，配合天花的大型吊燈，顯得格外有氣勢。鏗魚花醉鮑魚，鮑魚做到入味但仍然肉身爽脆，恰到好處。紅杞花雕雞，雞肉滑而且無多餘肥肉 ，味道清新健康。花膠鮑魚雞湯，此湯非常足料，令人眼前一亮，火喉夠，湯渣也有半碗。即燒無花果天下第一豬，鎮店之寶。皮香脆，色澤光潤，肉滑甜軟，滿分之選。金沙鳯尾蝦球，由蛋黃的外層，包著新鮮的蝦肉，下面放著米通，好味道。花膠天白菇菜膽，花膠厚身大件，入味好吃，主廚應該是有把花膠先用上湯浸發。芡汁是傳統的古法料理，不會太濃而遮蓋花膠本身的味道。瓦啫啫唐生菜，是最後的一菜，但沒有令人失望。唐生菜非常新鮮爽脆，用燒滾紅了的瓦窩上菜，配合一點點的蝦乾吊味，正！最後值得一讚的是員工的服務態度，餐廳雖然是中菜，但是員工的服務態度及傳菜手法可以媲美法國餐廳，餐廳經理說話誠懇, 說話時身體半前傾，半鞠躬。

有無人都好鍾意食乳豬！今次專程黎到銅鑼灣嘅粵藝館，一嚐猛火燒人手轉嘅芝麻皮乳豬！一抵達粵藝館，就見到師傅係到燒製乳豬，吸引左唔少途人嘅目光~ 餐廳裝潢有氣派，寛敞舒適，氛圍唔會太拘謹。海港城分店亦已開幕，好似仲有維港景添▪️即燒無花果天下第一豬 $348/例牌人手即燒嘅乳豬超靚仔！外皮呈密密麻麻嘅小氣泡，咬落脆到卡卡聲。下層嘅肉嫩滑唔乾柴，腩位更帶油香。醃料份量恰到好處，唔會搶過肉味，基本上唔洗點醬都好好食。▪️無花果蜜絲咕嚕豚肉 $168見其他人都有拔絲嘅效果，但我夾起個下。。少失望。好彩食落味道都唔錯，外層keep到香脆，肉質較為紮實有咬口，甜度唔會太高。▪️一蟹兩藝: 皇室焗釀蟹蓋及炸軟殼蟹伴陳醋野菜沙律 $168一蟹兩食！焗釀蟹蓋外層薄身酥脆，內𥚃絲絲蟹肉 加入忌廉同芝士營造creamy口感，但食落難免有少少膩。炸蟹腳同樣香脆，肉厚多汁，調味十足，略嫌有少少油膩。不過底下就配左陳醋野菜沙律，酸酸地可中和其油膩感。▪️鰹魚花醉鮑魚(2隻) $148鮑魚爽滑彈牙，咬勁十足，酒香唔算太重，面頭加有鰹魚作點綴。▪️涼子十八斬 · 話梅醉乳鴿 $148乳鴿肉質軟腍，入味帶酒香，有啲位幾重話梅味

紀念日放假逛時代廣場用吓消費劵，期間經過粵藝館見幾多人等候入坐，後來仲見到有師傅即場燒乳豬，於是被吸引咗入去食晚飯嚕。點菜梗係留俾付款嘅某人啦，今次祇係負責食咋。頭盤食隻酒香撲鼻嘅醉鮑魚，口感爽滑，加埋鰹魚絲又幾特別。花膠響螺燉西班牙黑毛豬火腿湯，湯水清潤順喉帶微微咸香。花膠有點厚度又大塊，某人話呢度花膠唔錯，又一道骨膠原菜式出現。花膠大大塊又厚又滑，要用刀叉切開嚟食，翠綠菜膽甘味爽口。叉燒肥瘦適中酥軟蜜味，中間放有魚籽响蔥絲上，矜貴又好味。鳳尾蝦上菜時已經香噴噴，金沙包裹住大蝦，肉質爽脆滿有咸香，鍋巴香口鬆脆。呢個一蟹兩藝好有趣，脆卜卜炸蟹件啖啖肉，配埋陳醋野菜沙律解膩又開胃。皇室焗釀蟹蓋係軟殼蟹嚟，外脆內軟仲有忌廉餡，幾得意。熱辣辣瓦罉上枱時唐生菜未熟嘅，要用鋼匙翻炒幾吓發出啫啫聲，瓦罉熱力就把菜灼熟了，配埋蝦米肉碎好惹味。食完飯要食個糖水結尾，滋潤養顏又好味。昨天逛海港城發現都有粵藝館，下次可以試試。

今晚在時代廣場吃飯，這家中餐廳裝潢得體，空間感十足，最適合宴客或聚會。粵菜手工菜是家人最愛，聽說尖沙咀新店還有日式粵菜，有大海景，有機會再去。前菜是水晶花膠凍，加上啫喱醋，入口冰爽。⭐️瓦罉啫啫唐生菜一大鍋唐生菜，加上肉碎伴，唐生菜新鮮爽脆，加上肉碎更惹味。⭐️鰹魚花醉鮑魚 鮑魚熬煮得軟腍，入口軟綿綿的，不俗。⭐️一蟹兩藝: 皇室焗釀蟹蓋及炸軟殼蟹伴陳醋野菜沙律炸軟殼蟹炸得很香脆。皇室焗釀蟹蓋外面同樣炸得香脆，裏面是焗釀蟹蓋，外脆內軟。⭐️即燒無花果天下第一豬 我最喜歡就是燒乳豬，乳豬外皮卜卜脆，配上無花果醬汁，又香又脆，必試。⭐️不時不燉湯花膠肉湯味道清甜，大大快花膠，十分滋補。⭐️花膠天白菇菜膽 花膠配上香菇和菜，簡簡單單，健康美味。⭐️金沙鳳尾蝦鍋巴 另一道出色的就是黃金蝦配黃金米通。我很喜歡吃鹹蛋黃入饌的菜式，這道蝦肉味道濃郁鮮味，配上米通，既香又脆。⭐️楊枝甘露最後是甜品楊枝甘露，加上芒果粒，味道香甜。