一起食堂 (威利廣場)

营业中

休息中

今日來到一起食堂位於觀塘的分店餐廳有種台式風情 掛滿台灣電影海報空間感亦非常足 花雕麻油雞湯麵$79試試這款招牌湯麵湯裡有桂圓、紅棗、杞子等等 很養生麻油的香氣很突出另亦可自行按自己口味加額外的花雕酒我全加了 酒香十足如果冬天來碗熱熱的應該很不錯雞卷肉嫩 雞皮像啫喱一樣烏冬滑溜彈牙 而且隨麵還附有中華沙律、紫薯和蕨餅 很滿足肉燥燙青菜$30外出也要盡量多吃蔬菜 這款是油麥菜呢肉燥份量很多每根青菜也能蘸到醬汁古早檸檬紅茶$25檸檬香味和紅茶結合 消暑又解渴

一起食堂 📍觀塘開源道48號威利廣場地下G5號舖━━━━━━━━━━━━━━━━━━━━━━━━━━━━親切嘅台灣食堂 之前係中環有見過呢間 今次就試咗觀塘店 觀塘分店座位幾闊落 而且唔收加一 都係打工仔之選😆━━━━━━━━━━━━━━━━━━━━━━━━━━━━🍜 花雕麻油雞湯麵 $78▶︎ 烏龍麵底 配上醉雞卷 冬菇 龍眼 紅棗 青菜 係麻油雞湯再加另上嘅花雕酒▶︎ 湯底飲落有好香嘅藥膳同麻油味 加咗花雕酒之後都有少少酒味😲▶︎ 鐘意佢嘅雞卷 嫩滑且有好香酒味 另外烏龍麵麵質都幾彈牙👍🏻好味指數:●●●●◯━━━━━━━━━━━━━━━━━━━━━━━━━━━━🍛 黑糖豬軟骨飯 $68▶︎ 大舊嘅豬軟骨 加上溫泉蛋 青菜 酸薑 蔥花 ▶︎ 豬軟骨煮得幾淋身 細細咀嚼下有油香同少許甜味 ▶︎ 飯整體偏淡 加埋溫泉蛋同滷汁之後幾濕潤👌🏻▶︎ 值得一提嘅係酸薑竟然冇乜我唔鐘意嘅薑味 反而酸酸地好解膩🤩好味指數:●●●●◯━━━━━━━━━━━━━━━━━━━━━━━━━━━━ 🐔 鹽酥雞 $38▶︎ 呢個價錢同分量不成正比🤣 真係好大份 係比較細舊嘅雞塊 炸粉唔太厚▶︎ 入口有胡椒味 鹹度適中 酥脆得嚟

換完身份證想搵間舒服啲嘅地方食晏所以嚟咗呢到叫咗兩個麵、兩個小食，同兩杯嘢飲花雕麻油雞湯麵有杯仔花雕俾你加落湯到 可以自己控制倒幾多呢樣嘢我覺得幾好湯飲落幾舒服 清而不淡 酒香同麻油味幾平衡雞肉卷口感幾好 唔會太嚡/太肥麵身係似烏冬咁 整體食落幾舒服紅燒三寶牛肉麵三寶分別係牛丸 牛𦟌同牛腩個湯係紅燒 行香濃路線 不過我覺得鹹咗少少牛丸好彈牙 有牛味 唔錯牛𦟌偏嚡 我鍾意林啲嘅牛腩我覺得麻麻 雖然佢係有肥有瘦 但分佈唔平均食落啲肥膏好油膩 瘦嘅位就好嚡麵同花雕雞麵一樣嘅 索晒啲湯我就覺得鹹咗啲小食冇影到相 分別叫咗府城蝦卷同台灣腸台灣腸個皮好脆 加埋生蒜好惹味蝦卷本體係南記嘅春卷咁 不過係炸嘅都幾香口 皮脆同入面彈牙可惜我唔鍾意食入面啲芹菜同芫茜Overall我覺得食物都唔錯 環境舒服 坐卡位好好坐姐姐服務好好 提我杯茶可以加熱水飲多幾轉 不過我太飽啦🤣如果喺觀塘返工 應該會幾常嚟食～

呢間主打台式菜，也有日系菜式，例如鰻魚飯之類。台灣餐廳必備的台式飲品，他們都有，仲有台式甜品芋圓系列，有熱有凍。雖然位置吾係觀塘中心區，偏向近海旁位置，相對黎講係寧靜的一角，給人的感覺是遠離繁忙的地區既同時，亦容易到達。今次叫左冬天限定的麻辣鴨胸鴨血湯麵，凍冰冰的天氣食返啲熱辣辣既湯麵，簡直係令人身心舒暢，當然食得辣既朋友仔先好試呢個湯麵，辣度都有返甘上下（我食到大概四至五小辣的程度）鴨血嫩滑好味，有三、四大件，鴨胸意外地都係嫩滑的，通常食親都有啲柴口，今次食呢個切的厚厚，嫩滑，有鴨味。麵條包裹著辣湯，使人味覺上的刺激之餘，心理上也滿足，食食下都辣到出汗。朋友叫左招牌花雕麻油雞湯麵，花雕酒係自己鍾意落幾多就幾多，我朋友一下就落曬😂😂我淨係飲左啖湯，都覺得佢個花雕酒味道好重，接受到重花雕酒味既朋友可以落曬落碗麵到。小食方面，我哋叫左鹽酥雞同烤台灣香腸，鹽酥雞係好抵食，三十幾數一碟係滿既😂😂然後我一個人食左好多粒鹽酥雞，實現鹽酥雞自由😂😂炸的香脆，味道都吾錯，上到檯係熱辣辣既。烤台灣香腸係切片既，份量相對無鹽酥餅雞甘多，隨碟仲附有生蒜片。飲品方面，台灣菜緊係要飲珍珠奶茶🧋啦！飲珍珠奶茶為咗

觀塘上班族注意！位於開源道尾的一間小店，店面的確不是Eye-catching，有種小店Feel，但係我確實推介佢哋的花雕麻油雞湯麵！花雕麻油雞湯麵足料超香！滋味好吃仲好滋補添！濃濃花雕酒香，而且加入不少藥材例如金針、雲耳、紅棗、杞子等配料，麻油雞湯頭不會太油膩，另外再配上令人微醺的米酒，不過的建議落少少就夠！另外帶皮無骨的雞肉捲也煮得入味，啖啖肉好爽！麵底是烏冬，口感上滑溜又帶Q彈口感，不過如果係配店台式嘅白麵就更加好喇！麻辣鴨胸鴨血湯麵麻辣湯底也不錯，少辣少麻，食落過癮！一碗麵配上三大舊鴨血都很不錯，鴨血飽滿多汁，而且大大舊很滑溜～而麻辣湯麵係配台式麵條（類似台灣牛肉麵嘅麵），感覺好夾過烏冬！

沿開源道直行到差不多尾段，比較近海濱公園，食飽可以去散步。🔸豆乳雞烏龍麵 $78少見既湯底‼️呈奶白色，中間有絲絲腐竹，飲落順滑。雞卷厚切，皮薄肉滑，中間帶脂肪位，咬落軟嫩。🔸花雕麻油雞湯麵 $78 ‼️推薦‼️好岩冬天食‼️ 另湯底加入唔少藥材去煮， 如：杞子、桂圓同紅棗，但飲落唔會好苦。另附上一杯花雕酒，花雕加麻油就係香氣十足，飲落滋潤暖胃。麵底同樣係烏龍麵。🔸酥炸地瓜條 $38 ‼️推薦‼️有別一般美式蕃薯條，比較挺身帶脆。台式炸法令炸衣酥脆而且薄，入面好似變左蕃薯蓉咁，入口即溶。🔸府城蝦卷 $28黃豆外皮卜卜脆，饀料魚漿軟彈，證明冇加好多麵粉，但如果可以比多條就好🥹🔸芋圓燒仙草 $32都幾大碗，兩人都夠分。煮熱仙草到快溶狀態，飲落温暖甘甜。芋圓份量多，超級煙靭😂最中意芋頭味，食到芋頭顆粒，原材料味道較出。🔸黑糖薑母茶 （熱）$18薑味適中，容易人口，仲加入桂圓去煲，又係冬天必飲。🔸仙草冬瓜茶（凍） $24仙草佔左三分一杯🤤冬瓜茶唔會過甜，仲要成杯冇冰，只係雪凍，勁抵飲。

夏日炎炎，來到人來人往的觀塘覺得份外悶熱，我們就選了一間有飯、湯麵以及拌麵的台灣菜食午餐。花雕麻油雞湯麵($78)最有趣的地方就是以一隻小木杯另外擺放花雕，根據自己的口味來調教。由於我們喜歡花雕，想都沒有想就把整杯倒進湯裡。雖然把所有花雕都倒進去，但是味道比我們想像中淡得多，只是輕輕飲到雞湯和酒味，是很輕盈清爽的那款，而不是濃郁暖胃的那款，是有點失望的。雞是以雞扒製作的雞卷，包得紮實肉質滑，正常。基本上口水雞冷烏龍麵($78)的雞肉以及麵底都是跟前者一樣，不同的只是加入辣椒醬變做冷拌麵。冷拌的烏龍麵比湯的更爽口彈牙，而辣椒醬是走麻辣風格，只加入少許辣勁已經夠厲害，整體來說是一款幾適合這個天氣食的一道菜。我們還另外點了一客小食酥炸地瓜條($38)，份量都不算少。地瓜條表面的炸粉非常薄脆，地瓜香甜，即使吃多了也不怎麼覺得熱氣，是一款不錯的小食餐廳環境整齊乾淨，店員都有禮貌，食物來說就正正常常吧，沒有甚麼特別的地方，特別是在食肆林立的觀塘來說則有點兒遜色了；但倘若在附近不知道吃甚麼，位於地舖的此店是方便的。

這個觀塘區搵食永遠都係人頭湧湧，識搵嘅行遠少少會有意想不到嘅收穫。好像這間「一起食堂」提供親民價嘅台式料理，環境也有點似日式食堂，樓底高，座位唔算好迫坐得幾舒服。古早滷水拼盤非常吸引，有牛展、雞蛋、豬耳和雞翼。牛展大大塊夠厚軟稔又入味，滷水蛋同樣入味。古早嘅滷水味甘香不會太鹹。仙草奶茶（半糖）可以自選減糖或走糖。茶膽味道唔算濃郁，仙草入口清爽。蔥油雞肉乾伴麵蔥油好香，加入雞肉、大量炸蒜、蔥撈勻味道非常唔錯！選用了烏龍麵，煙煙韌韌的。每款主食會連同三款前菜，更加豐富！甜薯香軟，中華沙律清爽，竟然還有甜品～厥餅😋花雕麻油雞湯麵店家招牌菜，湯底滲滿藥材香味，表面嘅麻油令烏龍麵更滑溜。雞卷超大件，肉質嫩滑。旁邊一小酌花雕酒讓客人自己加入麵中，增添酒香。落了三份一左右會啱啱好，否則酒味太濃會影響麻油雞湯味。吉列炸蠔又估唔到佢嘅吉列炸蠔咁出色，即叫即炸，外皮入口鬆脆唔硬，蠔肉鮮味😋

一起食堂主打台灣菜式，以優惠價錢及食物質素提供給觀塘上班人士～室內木系裝潢偏台式，牆上掛著台灣電影海報，頭頂上掛滿紙吊燈，很有氣氛。下單需要在座位上的紙自行填寫，然後呼叫店員過來收取～店員們都很好人啊～🍜A01 花鵰麻油雞湯麵 $78附上一小杯花鵰汁及三碟前菜雞卷肉質嫩滑彈牙，麵條是烏冬吧既厚身又彈牙，湯底帶有花鵰酒味道，香濃而不膩不會醉的啦～很健康的一碗麵～前菜：紫皮蕃薯仔、中華沙律、抹茶蕨餅🐟B23 原條蒲燒鰻魚飯 $118超大條鰻魚！鰻魚肉質嫩滑超級的肥美啊😋配溫泉蛋，是一顆水汪汪的溫泉蛋，一吉開爆出蛋黃汁混合白飯一起吃超香口耶！珍珠飯上也有鰻魚汁～不會太乾很易入口🍱C25 古早滷水拼盤 $68拼盤四合一包括3塊牛腱、3隻雞翼、豬耳、1隻滷蛋牛腱滿口都是肉啊！雞翼肉汁都流出來了～豬耳爽口彈牙～滷蛋健康之選～🧋E45 紅豆奶茶 $24 (Lunch +$12)可選無糖/半糖/正常半糖真的沒那麼甜耶！紅豆還是一顆顆在底部，如果紅豆可以軟腍些就更加好啊～

假日下午，觀塘工廈區人流較平日少，同朋友可以慢慢食個lunch傾下計👭🏻🍜花雕麻油雞湯麵 花雕以另一小杯盛載，可按個人喜好添加適當的份量🍶麻油嘅香味同花雕嘅酒味配搭得宜，湯頭味道甘甜😌麵就係幼身烏冬，口感煙韌。雞肉食落嫩滑，配埋紅棗、杞子、小棠菜，增添一份養生感。🦀蟹王冷烏冬 天氣炎熱，唔唔想食熱辣辣嘅湯麵，可以試下呢個清涼嘅冷烏冬😋 蟹至蟹肉鋪滿烏冬上面，鹹鮮味突出😆烏冬質感軟滑有咬口，加入蔥花同埋醋，酸酸地就更加開胃🤤🐓鹽酥雞 外層炸到卜卜脆嘅鹽酥雞，炸粉唔會好厚。內裏肉質唔會太乾。每粒都係bite size，份量亦唔算少😚🍨芋圓鮮草凍 三色芋圓煙韌，配埋紅豆及鮮草，食落透心涼呢！份量都幾多，啱哂兩個人一齊share🤗🥤檸檬多多 檸檬的酸🍋加上益力多嘅甜，喝起來味道很夾又清爽😛🍍愛玉鳳梨綠茶 清甜嘅綠茶🍵加入酸酸甜甜嘅鳳梨，飲落唔會太甜。再配埋Q彈嘅愛玉，很有咬口😝

今日同條佬去觀塘行街食lunch，醒起之前有位喺觀塘返工嘅朋友有提過呢間「一起食堂」，話係唔少觀塘打工仔嘅飯堂，價錢親民又食得飽，都值得去支持一吓🙌🏻入到去個感覺好日系餐廳，木系裝修，牆上掛咗唔少台灣電影海報，如《海角七號》、《那些年，我們一起追的女孩》等，充滿回憶啊😸 坐低一陣無幾耐已經全場full哂🙊 餐廳主打台日式便當，有湯麵、飯、定食、小吃、甜品&飲品可以揀。點選任何主食加$12就可以揀一杯$25以下飲品；加$16就有自選燉湯一盅👀❤️ 花雕麻油雞湯麵 $78爽彈烏冬配上四嚿雞肉卷、菇同菜，湯底足料加咗麻油紅棗杞子龍眼呢啲滋補材料！碗隔離仲有一細杯花雕酒可自行添加落嗰湯度，加完好重酒味好香😚 雞肉卷嫩滑，入口啖啖肉，唔錯！❤️ 紅燒三寶牛肉麵 $88有牛𦟌、牛肋肉及牛丸，全部都好入味，牛丸彈牙多汁，牛𦟌及牛肋肉又厚肉又腍！湯頭偏甜唔會過鹹，麵底用上烏冬，索哂啲湯汁😛❤️ 鹽酥雞 $38鹽酥雞一口size，分量都唔少，口感酥脆得嚟唔厚粉，唔會炸得太乾👌🏻 每粒都食到椒鹽粉，調味好平均😽❤️ 烤台灣香腸 $28見到Menu有台灣香腸就一定會叫一碟！香腸甜甜地有蒜味，仲有得配生蒜片，正！係正

花雕麻油雞湯麵 $78 本身自己都鐘意花雕既味道而尼碗湯麵 附上既花雕油係另上你可以根據自己既喜好加多加少都得 雞肉偏軟身，啖啖都係肉，又冬茹好入味成個配搭以尼個價錢黎講係CP值高

日頭嘅觀塘好恐怖，多人到核爆但夜晚就梳爽好多，唔使點逼就揾到開源道一間日台餐廳食個麵花雕雞湯麵就食得多，但麵底係烏冬就未試過，超Q彈咧咁有麻香嘅湯底真係超級驚喜，倒埋啲花雕酒落去，簡直係新世紀配搭，香到無倫雞肉勁滑，差啲嚼唔切就吞咗落肚入秋當然要食蟹，胃民話呢碗撈烏冬太有蟹味，計大胃話佢如果唔重蟹味先唔正常蟹膏蟹肉落到足，想冇味都幾難記得撈埋醋食，超神奇嘅化學作用，正難以形容嘅美味鹽酥雞炸得好酥脆香口，咬落嗦嗦聲滷牛腱幾入味，筋肉均勻，作為前菜都唔錯佢地嘅仙草凍質感同出面好唔同，滑到極度考驗咀嚼速度，或者根本唔使點嚼已經食咗落肚跟餐加$12就有嘢飲，仲要幾特別嘅飲品食台灣嘢當然要飲珍奶，有得揀糖度認真貼心

阿女話想食日本嘢我又話想食台灣嘢呀♥️竟然畀我哋搵到呢一間又可以食台灣嘢又可以食日本嘢嘅餐廳🤣😂花鵰麻油雞湯麵 $78麻油雞湯麵，有四件圓碌碌嘅雞、 冬菇、菜、 紅棗、桂園、最重要係有杯細細杯嘅花雕酒呀👍店員好細心咁講解，花雕酒係隨意加落去個湯麵入面嘅，睇下啱唔啱自己份量同埋味道👍咁我加咗半杯落去呀😋真係好大浸花雕味㗎😋😋我仲將啲雞點花雕酒泥食添呀，woo真係超級正👍👍呢個真係值得推介，最正個湯仲可以飲埋暖身呀冬天♥️♥️日式咖哩炸雞飯 $68嘩👍啲炸雞好似韓國嗰啲炸雞咁㗎😋唔乾㗎好juicy好多肉有少少肥膏好正👍👍嗰個咖哩飯唔辣㗎小朋友都啱食😋有好香濃嘅咖哩味正呀♥️仲叫咗d台式嘅小食酥炸池魚仔 $38真係未食過乜嘢係池魚仔，你哋睇下啲魚仔真係好細條😋炸到脆卜卜成條擺入口冇骨㗎👍👍佢仲好窩心咁畀埋個沙律醬畀你點泥食咁就更加好味啦😋呢個一定會encore囉💯鹽酥雞 $38呢一度啲鹽酥雞真係好入味喎😋好酥炸嗰種味道，而個椒鹽味好濃好正呀👍👍真係好好味呢個鹽酥雞又抵三十幾蚊咁大兜，唔係度度啲鹽酥雞都咁入味嘅仲脆卜卜啲肉又唔韌軟淋淋酥炸地瓜條 $38炸地瓜條好耐冇食過啦♥️好脆卜卜炸到好似薯條咁呀 😁

之前係觀塘做野都唔多覺呢間餐廳，原來係食台式日式料理！餐廳裝修幾雅緻，有少少居酒屋feel，牆上貼滿好多台灣電影海報，而且座位數目都幾多，唔怕等好耐位！▪️鹽酥雞份量都幾多，新鮮炸起，食落脆卜卜，炸粉唔厚，就算係炸物但食落都保持肉汁，仲食到啖啖肉，做餐前小食啱哂▫️炸雞皮餃子🥟好耐冇食過，記得第一次食佢係喺日本嘅居酒屋，估唔到係香港都食到同日本一樣質素嘅雞皮餃子！外皮炸到非常脆口，食落唔會油膩，咬落入面好有肉汁，口感非常唔錯！ ▪️花雕麻油雞湯麵麻油雞件有四件，都幾厚切，口感嫩滑，食到麻油味，餐廳亦好細心，另外仲附上一小杯花雕酒，可以加埋落去令成碗麵更加濃郁！配菜仲有冬菇同菜， 兩粒冬菇都好大粒！麵條係烏龍麵，好驚喜，麵條好滑而且好Q彈！口感非常好！▫️紅燒三寶牛肉麵三寶即係牛丸、牛肋肉同牛腱，好足料，每件配料都好大件，特別係牛肋肉同牛腱，牛肋肉整到好腍，好入味；而牛腱都幾厚切，口感一流！配料仲有紅蘿蔔、白蘿蔔、小棠菜同酸菜，十分豐富。而麵條同樣係烏龍麵，湯底濃，好味！▪️芋圓仙草凍芋圓有三款，芋圓、紫薯同蕃薯，份量都多，而且都幾Q彈，唔錯！仙草好滑，仲有紅豆，口感豐富！價錢唔貴，仲幾大碗，啱晒