唐宮小聚 (荃新天地)

营业中

休息中

特色中餐廳，平日唔駛等位～環境絕不失禮～鳳尾金卷～新鮮炸起，大大隻蝦，脆卜卜黑金流沙～高貴嘅外表飽夠軟，入邊好流心。我最欣賞的手抓餅，配起肉鬆，簡直無敵！！乳鴿仔～細細隻，每人半隻，分量剛好，熱辣辣，好好食。荷葉飯～由於其他點心太有特色嘅關係，顯得荷葉飯平平無奇。影相打卡必備的小豬布丁，打佢pat pat會震騰騰，超級可愛山竹的外表，入邊係蟹肉配龍蝦汁。黑白色嘅黑椒洋蔥雞煎包，外脆內軟炒蝦腸粉～太平凡了，正常貨仔美食不能盡錄～ 環境、座位舒適，適合三五知己慢慢歎

Dinner Gathering，友人推介唐宮小聚，因為友人之前已經食過，覺得唔錯。這晚雖然訂左枱但都要等，但都係值得既，因為我覺得這裡環境不錯，食物無論賣相同味道都不錯。我們4人坐下後就立即選菜，除左友人推介的食物，都要花少少時間去揀選，因為菜單內太多選擇了。結果我們揀吓揀吓，揀左10款。先上枱既係冷盤~黑松露雞同沙薑豬手，黑松露雞係手撕雞，好滑好香。沙薑豬手好爽脆。跟住其他的食物都陸續上枱。☺️荷花蒸飯~外表一般，飯裏有冬菇粒同乾瑤柱絲，略咸。火熖菠蘿~最特別，上枱時會被安排菠蘿被火燒，內裏藏着紅咖哩炆牛肋條，味道偏辣，但辣中又帶甜，牛肋條炆得都幾淋，好味。白玉王鴿~該店招牌菜，皮脆肉滑，啖啖肉，都不錯，不過都係略咸。猛虎咬豬~趣怪的名字，原來用甜的白包皮夾住底部微辣的一塊扣肉，名字吸引之餘又幾好味喎。 😚鮮蝦蒸餃~除左皮上有幾條金色條裝飾外，內裏同其他蝦餃差不多。鳳尾金蝦~整條春卷都釀滿蝦肉，外面超脆，可惜只得3條，我們4人開心share喇❤❤非常山竹~染上紫色的咸水角皮裹住龍蝦汁+蟹肉，上面加枝百力枝，扮到好似山竹，下面仲有涼瓜墊底，外觀靚之餘仲好好味。小蠔煎餅~比較普通，不過

唐宮小聚在香港有數間分店，很久之前已經在 OpenRice 尋找過中環那一間分店，奈何平時真的很少去中環，所以也沒有特意去那間分店。這天母親突然提出到荃灣 CityWalk 那間分店吃吃它的晚餐，我當然立即說好。一進去便看到了不少造型點心，在門口的點心其實是模型，但餐廳又花了不少心思去弄這些模型，用作打卡很不錯！可愛度和像真度都十足。看到有兩個「人」在打乒乓球，既生動又有趣😂然後牆身又有很多個乒乓球拍，不知道老闆是不是很喜歡打乒乓球？想起自己也很久沒有打了，人大了便很少接觸球類活動。據我所知，這間餐廳的檔次雖然稱不上是很高，但裏面的環境竟然非常像高級餐廳，淺淺的金色不會令環境變得太奢華，配上天藍色更是天作之合。黑金流沙包的外型十分適合給客人打卡，現今市面有很多酒樓和點心店都仿效唐宮小聚的黑金流沙，也弄出竹炭包來，而外型當然比不上「正印」。黑色的表面其實沒味道，不過加上金色筆劃上的線顯得奢華，裡面的奶黃確是流心的狀態，十分正呢！裡面亦有一粒粒的奶黃碎，足料。這裡就連雲吞都弄得十分特別，外型就像被包著的包子，表面被炸至金黃色，很是吸引，外皮非常脆卜卜，炸得非常好啊只是裡面的蝦不夠多，份量較

媽媽之前講左n咁多次話要同我地食乳鴿，因為佢同老友食過呢間，佢話好味道，今晚我地幾個就陪媽媽黎試。之前打電話想訂座， 訂座原來只接受6位之上，我地6點半到達，大把位， 裝修佈置好得意，有d馬拉feel。 坐低枱面都好靚靚，茶壺杯杯碟碟都特別。叫左3隻乳鴿，果然係招牌菜，真係好味道喎。 猛虎咬豬，包夾住件東坡肉，其實係好味嘅，但我本人包麻麻，同埋好怕肥豬肉。荷葉飯幾足料，份量夠，好味嘅，但好似濃味左少少， 蒜泥白肉就一般，感覺譚仔果個好味d😅😅。肉鬆抓餅都幾好味，肉骨茶吾係星加坡用胡椒果隻，係馬來西亞有藥材香味果隻，香味夠，但味道吾夠。埋單500蚊都算抵食! 會再來試下其他野，眼見周邊枱都有好多吸引嘅菜色🤔

適逢彼氏家兩老結婚週年紀念，近近地想喺荃灣搵嘢食，搵到呢間新派中菜，星期六夜晚決定去試一試佢。提早Book咗位，去到等咗10分鐘左右就入得去。 提提大家，Book位分5:30及8:00兩個時段，如果想其他時間就要提早去排隊喇。喺門口等緊嘅時候已經可以畫定張點心紙，所有都係散嗌，不過就好在可以每樣試啲，5個人都試左10款以上唔同嘅菜式。一坐低講真係有少少比個碗嚇親，就算食食下都有時會汪阿姐上身，個心離一離。只怪碗上面嘅烏蠅做得太逼真！貼心嘅係，預咗你會食王鴿，每人都有一份手套同濕紙巾。8點幾先食晚飯，都餓喇，先講小食：脆蝦多士、沙薑豬手、小聚拼盤（麻辣香腸、辣味花螺、上海燻魚）叫做有嘢落吓肚，味道唔係特別突出。黑金流沙 非常唔錯，奶黃好香，而且真係有流沙，唔係得個名小小蘋果 如果唔好肉桂味或蘋果枇嘅都唔洗嗌喇，留返個胃試其他仲好黑白無雙 即係黑椒洋葱雞煎包，比較油，味道亦唔特別蛋黃魚皮 鍾意食黃金乜乜的話 一！定！要！試！ 好香嘅蛋黃味，好香口，食到停唔到口啊～嚟到比較似主食嘅部份：荷花蒸飯 蒸得好香，夾雜啲火鴨、雞丁、瑤柱，好在唔算重口味，唔會太咸 肥牛叉燒 燒得好靚嘅叉燒啊！兩老都

呢餐家庭飯，既喺慶祝姨仔完晒個課程，可以甩難，又喺補祝我老婆嘅生日，而用餐地點，就由姨仔發辦，佢喺荃灣地膽。佢之前試過荃灣店嘅「唐宮小聚」，專登推介我哋一齊嚟試吓，仲問有無人試過，為免掃佢雅興就無特別出聲，其實，兩年多前曾同老婆光顧過中環店喇。主打摩登中菜嘅「唐宮小聚」近幾年越做越出色，所以，呢晚星期日嚟到，門口已經有唔少人晌度等位，入到裡面，更可以用座無虛席嚟形容。雖然枱櫈拍得有啲密，但因為樓底比一般餐廳高，未至於太侷促。而一室湖水藍襯白，拼上琥珀色雲石餐枱，加上柔和嘅暖黃色燈光，整體予人感覺摩登得嚟又親和。而入門口位，擺放咗好多店家嘅招牌公仔點心，雖然都喺睇得唔食得，但都夠晒趣緻得意。得意嘢唔止啲點心，枱上嘅餐碗都好搞嘢，一眼望落去啲碗惹晒蟻喎，哈哈哈，其實碗底嘅黑蟻喺假嘅，只喺畫上去，但就呃到唔少人架。講到食物，呢度有唔少選擇，而且，改名都花過心思，全部食物都喺「四字詞」（飲品除外）。除有「金獎之選」及「必食之選」外，分類為小潤、小吃、小點、小炒、小菜、飯麵、小甜、口渴，全部都喺得兩個字，真喺唔易諗架。順帶一提，茶芥$8位，另收加一服務。有機豆漿 $19有黑豆豆漿或黃豆豆漿可揀，

前陣子發現荃灣開了分店，看食評時總見賣相造型特別又可愛的包點，也見到網友推介不少抵食又好味的餸菜，相約友人一齊去試試看。單看店鋪門口，只看到小桌幾張，以為不能容納很多客人，轉個彎，原來比想像中大很多，桌子亦算寬敞，座椅亦舒適，甫坐下便替客人送上熱茶，十分快手我們點了幾款菜式，大部份味道和賣相都十分討好，只是部份菜式略為濃味和較熱氣，不要緊，飲啖熱茶讓喉嚨舒緩一點。白玉王鴿大大力推介，由於特價，每人限叫一隻，板脆肉嫩，好味荷花蒸飯淡淡荷葉香味，好好味，推介!三小碟人少少又想試試不同款式的小食，可點三款拼盤或五款拼盤，我們點的是醺魚、花螺和青芥木耳，味道都不錯，尤其花螺和木耳，味道清新，有少少驚喜黑金流沙雖有黑色造型，包包卻意外地鬆軟，流沙甜度適中，不錯!無咁簡蛋（辣子雞）辣子雞但不算辣（我不太食辣，但都食到），雞塊配合特製汁醬，味邊幾特別，因為汁醬味道太突出，略為蓋過辣子雞本身的味道。若不醮汁，雞塊較熱氣，味道一般。大部份菜式好味，菜單上還有想試的特別菜式（例如火燒菠蘿）應該會再去光顧啊！

好耐無試過一家人飲茶，傳統酒樓略嫌嘈吵，大家又想試下新派點心，就一於一早起床去唐宮小聚取位，由於平時太多人排隊，所以我們特意在店舖開門前到店拎籌取位，再行一陣街，於開門前十分鐘等候安排入座。店內環境優雅，像置身於酒店中品嚐英式下午茶般，唯一美中不足的是有90分鐘時間限制，不然就可更悠閒一些。白玉王鴿乳鴨醃得入味，上枱時非常熱辣辣香噴噴，而且皮脆內嫩很juicy，果然是此店的皇牌。雞絲拉皮拉皮很透薄很滑，配上紅蘿蔔絲、青瓜絲及雞絲再加上香濃的麻醬，有水準。糟滷醉蝦蝦爽口彈牙，酒味入晒蝦裏面，配上少許菜苗，好清新。黑金流沙軟綿綿的竹炭包配上熱辣辣流沙奶黃餡，絶對睇得又食得。松露香菇外型有質感十足十花菇般，一咬開松露的香味撲鼻，然後熱辣辣的松露菇菌滿滿流出。麻辣燒賣非一般的燒賣，內餡是麻辣糯米，麻辣味不錯，糯米亦軟熟。但我們對傳統豬肉燒賣的味道太根深柢固，若它改叫另一名字，或許令這道菜式加回不少分數。珍珠蝦餃一口一粒，皮薄蝦彈牙。若然每粒可以大多少少，更貼合我的口形，更佳。 麻醬抄手賣相像外賣腸粉般，麻醬香滑，配上芝麻及葱花，唔錯。鳳梨咕嚕咕嚕肉外脆內嫩，酸汁調配得剛好，配上燒到有格紋的菠蘿

星期日黎飲茶! 11:30 才開門 , 醒目地15 分鐘前攞飛 唔使點等就入得，餐廳佈置好靚呀, 個碟有D蚊仔好得意呀 ..擔擔拉麵是朋友的, 她說不錯! 大家最期待嘅黑金流沙 $39/3隻, 個包身軟熟唔厚皮, 唔會好似某D酒樓咁好粉, 流心黃雖則唔夠蛋黃香但都好好食.. 而小小蘋果 $39/3隻籃上真係做得好神似, 望到都食指大動 .. 入面嘅蘋果蓉唔會好甜 ,同個包一齊都幾清新呀之後怕大家唔夠飽叫個荷花蒸飯$89 撐下胃 , 入面有鮮蝦, 火鴨, 雞丁, 瑤柱，份量都算多可以分到三四碗, 飯粒乾身味道不錯 👍🏻 依間茶館裝潢新穎有別於一般舊式酒樓, 而且點心有趣精緻味道唔錯 , 比到新鮮感唔會悶新大人細佬哥，最緊要係坐得舒服, 非常推薦 👍🏻