616牛肉火鍋專門店 (積富街)

营业中

休息中

覺得牛呢種食材好神奇，明明都係牛，唔同部位都有唔同味道。適逢天氣轉涼，想食牛又想打邊爐，所以去咗試試616嘅打邊爐。以火鍋店黎講裝修非常靚同有香港特色，有好多唔同嘅裝飾。好得意嘅墊枱紙，推介牛部位，同埋教客人唔同嘅牛部位要淥幾耐先好食。飲品叫咗三款，最鐘意玫瑰洛神花茶，完全唔酸，加咗蜜糖好味道。覺得呢款橙味汽水比大牌子嘅好飲。飲咗半支嘅菊花桂圓露，幾清新幾甜。主角湯底係鴛鴦沙牛，一邊清淡一邊濃郁。左邊清湯入面有芹菜芫茜同蘿蔔牛展，配牛肉食唔會喧賓奪主；沙嗲湯底配響鈴、公仔麵，索完湯一齊食無得彈。每碟望落去都非常靚。右二嘅係蘇格蘭雪花胸肋，係我全餐最鍾意嘅牛，油脂分布平均，牛香十足。包住豬肉涵嘅蛋餃，非常特別。牛駝峰一樣牛香十足。牛橫隔膜我比較少食，相對其他部分冇咁油，肉質口感好好。難得見到有賣牛骨髓嘅鋪頭，當然都要試吓。唔腥呢點相當抵讚，配沙嗲湯好好食。加點一份雙層肉，可能近牛肚腩，好多油脂，相對前幾款牛肉係食肉香，佢就傾向食油脂嘅香味。整體而言非常滿意，食物非常美味，感覺到絕對唔係交行貨。環境又乾淨，地板冇預期中嘅痴笠笠。雖然價錢貴少少，但真係值得。

食牛肉火鍋最鍾意嘅一間舖🤤🤤除咗佢嘅沙嗲湯底同牛肉之外，佢嘅午市精選套餐都好吸引💖.🥘咖哩牛筋腩飯（包自家製飲品）HK$48牛筋同牛腩都好腍、幾入味，細舊薯仔一夾就爛，真有火候👍🏼咖哩味都幾正🤔唔知係咪錯覺，有少少沙嗲味。重點係$48咁大份量，仲要食晒啲飯都仲有一兩舊肉剩真係好正！.🍵菊花桂圓露（午餐附送）食完咖哩飲菊花桂圓露清熱氣無得頂💕飲完之後連原本🤏少少火氣都無埋～（唔知我心理作用定點XD）

之前都去過屋企附近既616打邊爐，同同事講起佢都有去過大圍呢間食! 😮咁我地就話不如lunch搵日過來食，牛肉麵好似都好唔錯咁😛原來呢間走既懷舊風同我去黃埔個間又有少少唔同，個間似涼茶舖，呢間似雜貨舖😗😝哈哈，虧佢諗到! 未有野食都會忍唔住打下卡! 原來午餐個menu好簡單、得3款揀😂不過價錢好實惠wow，48連飲品同甜品！👍🏼👏🏼👏🏼我地就叫左芝士牛肉麵同個湯飯試下，芝士🧀牛肉🐮麵🍜好香! 佢將D芝士刨到絲裝放係牛肉上面好似蔥! 但有熱湯所以好快融左落塊牛肉度，真係色香味俱全!🤤🤤牛肉係用左牛肋條，一D都唔韌，但又好有口感同牛肉香🐮🤤🤤湯底都夠哂香、有少少辣令到成碗麵更惹味，但正正有芝士又會中和返個辣味。但最讚既係個麵🍜呀，好有口感同埋甜甜地咁，同個湯、牛同芝士都超夾!!!!牛四寶湯飯🍚都好唔錯，比起個麵，呢個就係清甜之選！湯入面有好多款🐮🐮🐮🐮有牛仔骨又有牛筋牛展同牛肉，滿足哂你所有願望😆怕食濃味人就啱食呢個，佢個湯底就好清甜好潤，有D紅蘿蔔🥕同西芹，令牛肉既鮮甜味道提升👍🏼我地加個油麥菜仲連個牛上湯，點菜食超甜呀🤤👍🏼佢D飲品都似自家製、仲有個跟餐送既菊花冰粉，呢個我就覺得有少少

呢個店舖平時做開晚市火鍋，最近做埋午市主打牛肉麵，大圍呢到餐廳最多，而且佢位置唔太近地鐵站，等我試下佢如何先😋午市去到見到有啲西裝人士食嘢，但大圍無office，我估係地產或者銀行放lunch嚟食，對於有番工人士嚟食，感覺起碼一定唔差先！芝士紅燒牛肉麵第一次食有芝士嘅紅燒牛肉麵，啲芝士係舖滿哂成個面，湯麵嘅熱力令到芝士溶晒痴咗係啲牛肉上面，所以之後每一啖牛肉都充滿芝士🤤 麵質正常，湯底淡淡的帶肉嘅鮮味，唔會好濃好鹹咖哩牛筋腩朋友試呢款嘢食，配飯嘅，呢款餸菜平時茶餐廳都有得食，但呢到牛筋腩都煮到鬆同易咬，咖哩味道香濃不會膩，朋友覺得呢款比得上芝士紅燒牛肉麵～菊花桂圓露裝修以懷舊為主，入面放咗一啲舊式餐廳嘅物品，例如竹筲箕、水壼、瓦煲等等，全新嘅裝修配合舊時用品，感覺似係由現代進入咗時光隧道，回到七、八十年代。呢到午餐價錢相宜，如果款式再多啲相信一定更多客人幫襯🤤