影片
更多
2014-06-21
1190 浏览
報工聯會參加啲烹飪示範班就多喇，晌廠廈嘅樓上食材店參與都喺第一次啫，有幸嚟到專賣優質食材嘅Ocean Three 鰂魚涌新店，出席名為「Rougie新煮意」示範班，仲要由米芝蓮一星大廚親自示範，真喺機會難得 。「Rougie」喺一個法國鵝鴨肝嘅品牌，為免被誤會晌度賣廣告，有興趣嘅朋友自行上網都好易查得到！而為咗推廣鵝鴨肝嘅食法，是夜就由米芝蓮一星大廚Cedric Touchard示範3道菜式，跟一啲亞洲食材擦出火花，唔再單單只喺煎鵝鴨肝咁簡單 。因為都唔想此文被評為「食評」，所以，對於菜式嘅味道都唔太多著墨，只喺分享吓煮食嘅話題 。 菠菜香菇伴香煎鴨肝片材料包括鴨肝、菠菜、香菇、乾蔥、黑白芝麻，而調味料有鹽、黑椒、芝麻油、豉油、薑、芫茜粉……等等。簡單嚟講，菠菜打汁，香菇加乾蔥炒香，鴨肝煎至金黃，晌星級型廚手上，三兩吓手勢就完成依道入口油香、脆嫩嘅鴨肝菜式 。（建議餐酒：Verdicchio Castelli di Jesi Superiore D.O.C. Balciana 2010） 香煎鴨肝柚子沙律材料包括鴨肝、柚子肉，醬汁成份有羅望子、椰糖，調味用上蒜頭、芫茜、魚露
「Rougie」喺一個法國鵝鴨肝嘅品牌，為免被誤會晌度賣廣告，有興趣嘅朋友自行上網都好易查得到！而為咗推廣鵝鴨肝嘅食法，是夜就由米芝蓮一星大廚Cedric Touchard示範3道菜式，跟一啲亞洲食材擦出火花，唔再單單只喺煎鵝鴨肝咁簡單 。
因為都唔想此文被評為「食評」，所以，對於菜式嘅味道都唔太多著墨，只喺分享吓煮食嘅話題 。
菠菜香菇伴香煎鴨肝片材料包括鴨肝、菠菜、香菇、乾蔥、黑白芝麻，而調味料有鹽、黑椒、芝麻油、豉油、薑、芫茜粉……等等。簡單嚟講，菠菜打汁，香菇加乾蔥炒香，鴨肝煎至金黃，晌星級型廚手上，三兩吓手勢就完成依道入口油香、脆嫩嘅鴨肝菜式 。
（建議餐酒：Verdicchio Castelli di Jesi Superiore D.O.C. Balciana 2010）
香煎鴨肝柚子沙律材料包括鴨肝、柚子肉，醬汁成份有羅望子、椰糖，調味用上蒜頭、芫茜、魚露、檸檬汁乾蔥、紅辣椒。將鴨肝煎好，做好埋醬汁，柚子拆肉，撈埋便成，晌大廚手上一切都變得容易，不過，確實依道沙律都算易做，至於味道，帶有點點越南風情 。
（建議餐酒：Ramandolo D.O.C.G. 2012）
香辣芒果伴鴨肝材料包括鴨肝、芒果，配料及調味有青檸、椰子肉、紅辣椒粉、黑醋。芒果及鴨肝煎好上碟，加上配料及調味就大功告成，製作精簡嘅鴨肝前菜。清新酸香嘅黑醋及甜美嘅芒果肉，都令件鴨肝食起嚟無咁滯膩 。
（建議餐酒：BOLLAROSA vino Spumante Rosato Brut）
每道菜示範完，又當然有機會品嚐大師手勢，正唔正就唔晌度多講，始終依篇唔喺食評，只喺篇煮食分享。讓有興趣整鵝鴨肝嘅朋友，可以考慮吓以上幾個配搭做法 。
面對唔同嘅鴨肝菜式當然喺唔錯嘅享受，如能配上唔同嘅酒，對識飲嘅人就更加相得益彰啦，靚酒襯鴨肝，認真品味人生，只可惜小弟唔好酒，淺嚐就夠喇 ；不過，淨食既煎得香脆，又味道獨特嘅鴨肝，亦喺一份趣味人生 ！
张贴
