公利真料竹蔗水

营业中

休息中

以前黎親中環都會黎飲返杯蔗汁, 印像中以前係有堂食. 可以坐入去慢慢飲. 但是日路過已經無左堂食了. 今日同朋友路過. 原來佢地未試過呢度的蔗汁, 所以特登帶佢地黎買蔗汁飲. 一杯飲得好趕. 而且佢門口都企左一班人. 所以我地決定每人一枝可以拎住一邊行一邊飲. 一飲落口. 嘩好甜好甜好甜. 我有印像以前坐係度堂食時, 佢地係拎住d蔗用部機窄汁. 一枝窄幾次. 睇落去好原汁原味. 但今日一飲. 究竟真係本身d蔗係咁甜定落左糖?因為唔止我一個話好甜。 連朋友都話超甜。 若果真係有再落糖的話， 希望店家可以手下留情。 唔好再落咁多糖。 若果係原汁原味的話。 咁以後都係買一杯飲就好。 飲成枝真係甜到無命。。飲完晒先記得影返張相。 

中環呢間老字號小店專門賣竹蔗水、蔗汁等飲品～ 每次經過都見有唔少人買！👍🏼而家雖然冇得堂食，但係外帶番屋企嘅蔗汁同埋蔗汁糕一樣係好好味！😍 蔗汁好清甜解渴，飲落原汁原味、真材實料、無添加～ 蔗汁糕質感Q彈、味道清甜，有淡淡蔗汁味，雪凍黎食好下火！🤩

公利真料竹蔗水位於半山蘇豪區 ，從港鐵站出來後, 大概行多十分鐘到到擺花街, 再上少少就係,其本上我每次去完pmq都會行過去飲番杯解解暑,最喜歡公利果到的紛圍, 雖然我每次只係飲一杯蔗汁, 十幾蚊,但老闆都唔會介意我係入面坐好耐,因為有時行得耐PMQ, 的確好倦, 又要覆下msg, 覆下email咁, 坐坐下就半個鐘,老闆都唔會趕人走, 抵過去飲咖啡啦真係~~講番杯蔗汁, 公利的竹蔗用青蔗, 青蔗雖然性質寒涼, 但因為佢地會蒸熟咗先榨, 清甜得黎仲會溫和D, 所以其實咩體質都岩飲,大熱天時去飲杯凍既真係透心涼~~

嶺南地區天氣炎熱，多雨地濕，故此居民多飲用涼茶清熱去濕，其後逐步發展成日常飲品，上世紀五、六年代更加遍地開花，梗有一間喺左近。甘蔗汁係其中一種普遍可以喺涼茶舖同街邊生果檔飲到。 呢間屹立喺半山嘅老字號，每日依舊門庭若市，舖頭裝修仍然停留喺五、六十年代風格，地方簡陋，座位只有五、六個及木製玻璃面圓枱一張，牆身有一張由「公利竹蔗專家主人」向客人分享竹蔗種植同熬蔗水方法，可見店方對熬製竹蔗相信有信心。 樽裝蔗汁$30縱觀多款涼茶之中，亦唯獨蔗汁遠近馳名。今日特地買枝裝蔗汁同屋企人分享。蔗汁入口清甜順喉，甜味天然，而且無草青火燥感覺，而且飲完無起痰，難怪賣蔗汁者眾，敢稱專家只此一家。

你對涼茶鋪的印像是？現在的年青一輩對涼茶鋪的印象可能都是懷舊老氣、沉悶老套，不過你可知道在六、七十年代的老香港，涼茶鋪卻是走在潮流尖端，熱鬧的社交場所！在當年唱片機、電視還是奢侈品的年代，年輕人和家庭會在涼茶鋪點些小吃、涼茶，然後在鋪內點唱機點唱聽歌，又一起看電視。可是時日如飛，當年的前衛時氅，變成了現在的懷舊追憶。公利以蔗汁和蔗汁糕出名，其中環店開業六十多年，店內依然裝㶇如昔：全店鋪上淺綠色的格子階磚，天花掛著金色吊扇，「公利」的大招牌下有張鐵皮檯，上面擱著涼茶、蔗汁等多款飲料靜候客人；店中擺放了一隻用來蒸燉的大金鼎，當然還有一部搾出招牌蔗汁的搾汁機。公利的蔗汁清甜解渴，是下火佳品；不過最愛還是公利的蔗汁糕，煙韌的口感伴著濃濃蔗汁味道，吃過後透心一涼！Couple們可以來坐一坐，喝一杯，懷舊一下細說當年喔！食完熱氣野，不如飲杯下火飲料啦！嚟「公利」除了飲涼茶外，記住要試試清甜美味的蔗汁和蔗汁糕！

於 WAFFFLE! 品嚐過一件美味的窩夫後, 也要來到只有一街之隔的公利老店。記得上次到訪的時候, 蔗汁還是每杯 $9, 現在卻已變成 $11, 不得不慨嘆百物騰貴。幸好味道始終如一, 真材實料, 甜度剛好, 冰凍十足, 令夏天的炎熱感全消！

仲夏（雖已立秋），香港的天氣非常悶熱。開完會走在街上汗流挾背，忽然很想念很想念那冰涼甜到入心的公利蔗汁。即使由地鐵站到公利要走一段斜路，亦沒有打消我的念頭。我強拉著三個同事陪我，我說：「真係好好味架！試過你就知！」平日下午三時的公利沒什麼人。我要了最有名的蔗汁，然後四人要了一碗蔗汁糕一起吃。蔗汁很冰很甜，因為外面很熱，第一口喝下去由喉嚨漸冰到胃，超爽！蔗汁糕亦如以往般好吃：甜度適中，黏黏軟軟的，是一道很適合仲夏的甜點。公利雖然沒有冷氣，不過在裡面也不熱。我們坐在角落，東拉西扯 。看到那用上幾十年的牆地磚和用書法寫的「竹蔗栽培種植法」，店主穿著短褲拖鞋，你就知道他們把這店當作家一樣。有人在弄蔗汁，有人在準備蔗汁糕。到處都透著老香港的味道。你會發現，中環除了可以閒坐於連鎖咖啡店以外，公利這間舊式涼茶鋪亦可以給你感受一些失落了情懷。

最近太陽超兇猛......曬到呢.....真係出晒煙 haha如果你咁啱行開中環...不妨去"公利 "呢間老店...坐底飲杯鮮蔗汁...食件蔗汁糕啦 !!蔗汁味道濃郁...清甜可口....沒有添加額外嘅糖粉....原味之選...如果想清淡少少...可以揀竹蔗水 !!不過我就無飲過竹蔗水...因為我鍾意濃味嘢~haha不過佢啲蔗汁唔係好冰凍果隻....如果你一心打算飲杯冰凍蔗汁...可能會有少少失望呢...但係味道的確很不錯喔 !!蔗汁糕就未至於好驚喜......不過食得出係心機貨...好有自家製feel....有蔗汁的清甜味..煙煙韌韌的...挺有咬口...用來送蔗汁不錯的 !幾蚊雞換來的快樂 .....其實開心就係咁簡單 !!

公利可以話係老少號，如果我想飲蔗汁就會係中環搭電梯上呢度。無他因為用料真係蔗，添加物會少D，而且真材實料。間鋪已經好耐，所以都有好多舊擺設，就好似呢個鐘個鐘好舊，仲記得細個學校都有一個一樣的。叫左個熱蔗汁 + 蔗汁糕熱蔗汁係個好似爐度羅出黎熱蔗汁暖暖地，好香的蔗汁味， 呢個9文，如果蔗水就$8，不過山長水又遠黎到，我通常都飲蔗汁。蔗汁糕就之後先黎，唔記得左要食左蔗汁糕先，因為蔗汁糕無蔗汁咁甜。所以朋友一食就問:點解無味...下次一定要記住。雖然無左蔗汁香味，不過蔗汁糕的jelly感覺都好滿足鋪頭由第一次去食到而家個味都無變到，材料一樣。平日下午茶食到咁肥，一次半次都要健康下

之前睇"蘇good"嗰陣見到阿蘇去公利,令到我都好想試吓. 之前試過幾次都覺得唔錯,於是今日便走去買兩杯飲 公利冇乜裝修,但好清潔. 一如以往要一杯蔗水及一杯蔗汁,店員說蔗水是熱的,但我覺得只是暖的. 而蔗汁的凍的. 蔗汁 $8 蔗汁冷熱同價.公利的蔗汁keep得住水準.蔗汁有香香甜甜的蔗味,又唔會有糖的"痴笠笠"的口感,值得一讚. 蔗水 $7 蔗水只有暖的可提供,而無凍的.暖的蔗水淡淡的,有好香的蔗味 總括來說,我會再幫襯,但如果有凍的杯裝蔗水供會更好.

天氣炎熱，剛巧經過公利，於是入內飲番一杯純天然的蔗汁，再加埋蔗汁糕。呢度的裝修仍然保留着50~60年代的懷舊感覺。蔗汁是天然鮮榨的，沒有任何香料或人工色素，夠晒健康。而蔗汁糕也很好味，味道不太甜，也很健康。喝了蔗汁後，整個人的悶熱感覺全消。

閒逛中環偶遇公利甘岩有散子8蚊試下出名既蔗汁真係好甜甜到好似有落糖甘~不過佢話冇落...都只好相信它吧~

不知80年代後出生的,嚐過在戲院裡咬蔗沒有?不知有否記錯,大大碌黑黑紫紫外皮,批皮後可以揸住食,在戲院門外烚熱賣的叫甘蔗,青青綠綠幼身只用來搾汁的叫竹蔗.通常一截蔗裡面會分兩、三支節,支節數量愈少價錢就愈貴!因為不懂如何用牙去咬掉那個支節,所以去戲院睇戲時只會買蔗汁.近十多年己沒試過有一間喝完後腦海中會出現好味兩個字的蔗汁.這天飯局前特意上來一試,一喝就終於出現返呢兩個字!清甜無渣無起沙,喝完不喉乾不痕!可惜來得太晚蔗汁糕已賣晒!賣足半個世紀的蔗汁果然厲害!

逛完公司，老公帶我到其讀書時期，常去的涼茶鋪飲蔗汁，順道懷偭一番。可是，他發覺以前在店內的點唱機不見了。我們點了蔗汁和蔗汁糕。原先我們覺得蔗汁雖有蔗汁味，但卻較以前淡，但其後卻越來越甜,可能是糖粉沉殿的關係。至於蔗汁糕,我們就真的覺得味道較淡，感覺好一般。

食完麵, 好友食家"乜都放入窿"見機不可失, 加上機會難逢, 所以決定帶師傅黎呢間老鋪, 飲杯野食個甜品咁啦!入到去, 冷氣都冇, 身水身汗都幾熱幾惡定, 於是二話不說, 師傅就揀左一杯凍嘅蔗汁, 而好友食家"乜都放入窿"就柯打左個細嘅龜苓膏, 本來想要多客蔗汁糕, 點知沽清, 師傅只好嘆一句有緣無份!一轉眼蔗汁同龜苓膏就擺左喺面前, 師傅唔理咁多, 即刻飲啖先, 發覺蔗汁好甜, 不過都好清, 好明顯係冇另外加糖, 飲後口感唔會覺得好黏, 係師傅飲過最好嘅蔗汁, 好嘢!總括黎講蔗汁完全係非常出色, 環境係非常懷舊, 服務算係一般, 而價錢都唔貴, 七蚊一杯蔗汁, 絕對抵飲; 師傅覺得呢度嘅蔗汁可能係世界上最好嘅蔗汁, 可惜蔗汁真係不能飲太多, 皆因好鬼甜, 對身體唔好, 但如果有機會, 師傅相信下次一定會再黎飲杯蔗汁, 食下個蔗汁糕啦, 笑臉值得一比!