十二味 (LADDER Dundas) (已結業)

突然間好想去食下辣嘢，上網見到旺角樓上鋪有間食酸菜魚幾好食，所以就去試吓啦！➡️ 人見人愛酸菜魚+最佳拍檔寬粉 ($208+$22)一嚟到已經聞到好香嘅酸辣味，魚嘅份量都唔算少，食落個味道好香酸菜味，而且好香花椒味，麻麻辣辣好開胃！本身我哋怕太辣食唔到，但其實唔會好辣，反而佢酸酸地幾頂引。➡️ 蔥油拌麵 ($38)份量唔算大份，食落唔油膩，麵質又好煙靭，推介。➡️ 熱情果蘇打 ($28)好清涼好解渴😃十二味功夫地址📍: 旺角彌敦道575號LADDER Dundas 2樓.............................. 味道😋: ⭐️⭐️⭐️💫環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️

話說有一日，有朋友話不如去試吓呢一間新野，所以一行四人，咪去試吓囉！去到環境佈置都唔錯，可能係夜晚關係，啲服務員比較少，只得兩三個人，但地方唔算大，應該都足夠啦。至於嘢食方面，如果閣下係食辣之人，就有定心理準備，可能會有少少失望。如果閣下只係想食少少辣，咁就一定滿足到閣下所想了。總括嚟講，依一間食店，小弟一定會再來光顧🤗飄香毛血旺-淨係睇個樣，都足以令你唔敢起筷，但係食落去，小小辣，非常之易入口，啲材料亦都入晒味，值得一試。水煮牛肉-其實同之前毛血旺差唔多，只不過換咗係牛肉，不過佢加咗水晶粉底，食完片入面啲牛肉，去食個水晶粉底，簡直一流👍🏻霸王辣子雞- 啲雞斬得比較碎，好似係骨多個肉，每次搵件雞，都好似要瓦礫中尋求生還者一樣，雞肉比較乾，辣味一般啦。大盆花菜-我哋選擇唔辣，免得碟碟餸都係辣味，炒埋一碟嘅菜花，雖然唔係太突出，但總算好味。酸辣魚-我哋已經叫小辣，但係辣嘅程度已經好犀利，嗰種酸辣程度，直頭令你回味再回味，真係必食推介👍🏻👍🏻糖醋排骨-呢碟餸一上枱，我仲以為叫咗咕嚕肉，味道平凡，只屬一般，但總算過得去，只係覺得好似改錯名😅回鍋肉-呢碟餸同糖醋排骨一樣，唔知係咪改錯名呢，叫時菜

星期六晚我又同朋友周圍覓食，係旺角行完街，又中意食辣既朋友今次有口福喇，呢間十二味功夫新開係小米附近既彌敦道575號2樓，裝修新穎得黎保留左中國特色。我建議大家叫佢地既經典香辣鍋黎食，可以自由配搭配菜，辣度又可以自己揀，唔食得辣既可以叫佢既秘製醬香鍋。個人覺得必配既材料係萵筍、寬粉、娃娃菜、鮮腐竹同肥牛，太岩我口味喇，而且好大鍋（話夠四個人食都唔誇張），同朋友兩個人完全食唔曬，最後打包返去繼續食🤤飲品我要推薦桂花冰釀$28好好飲，停唔到口，極香桂花味，易入口，又解辣，黎到一定要叫丫！蔥油拌麵$38又係份量大，呢道菜其實簡單得黎好考功夫，要香得黎麵唔痴身又唔油膩，呢度係做得到既～熗炒土豆絲$68無辣不歡既我地，問左可好揀辣炒，土豆絲切得好幼身爽口，師傅功力真的不錯！服務都親切，會主動幫客人添水（係檸檬水，唔係白開水）菜單係自己剔，成個落單環節方便快捷～

魚香茄子這個魚香茄子很惹味，茄子、肉碎份量夠多。而且不太多油。佐飯一流。每逢到餐廳或大排檔吃飯，總會叫一煲魚香茄子，香辣開胃。小時候總以為魚香茄子煲內是有魚的，十分抗拒。可是，自從試了第一口，就愛上了，後來才知所謂的魚香，其實只是加入了切碎的鹹魚，是整道菜惹味的主要來源。乾煸四季豆以大火快炒，四季豆燒至表皮略帶焦黃，乾身而不失原味。夫妻肺片四川最經典的小吃之一。這道菜有牛舌、牛肚。辣而不辛、麻而不嗆。蔥油拌麵熱辣辣的麵條，香噴噴的蔥油四溢。紅糖糍粑糍粑是用糯米蒸熟搗爛後所製成的一種食物。慢火煎香，蘸紅糖糖漿同食。完美!

有時候好想食辣野，不過因為佢唔食得辣，所以只有多人飯局才可以和其他朋友一齊分享下。不過今日佢一反常態話可以試少少，實在有點驚喜。好啦，一於試一試這間新開的麻辣鍋。由於是樓上鋪，所以座位都較為寬闊，菜單十分簡單，一張紙過去落order。主打係鍋物，不是火鍋，只需要order一些配料，廚師就會炒香然後放落鍋一齊食。既然佢話可以食辣，當然要個麻辣鍋啦。之後再添加一個口水雞和蔥油拌麵。口水雞是水準作品，因為肉質鮮嫩，辣度適中，不會搶去雞的鮮味。蔥油拌麵就真是值得一讚，因為它的質地是煙靭有勁，但係不會好油膩，每一口都是濃郁芳香。主菜來了，揀了五款配菜，入面有豆腐皮，雞翼，雞軟骨，萵筍和魚腐。雖然選了小辣，但係辣度仍很強大，看到他吃得辛苦頻飲汽水的樣子好好笑。其中最好味是雞翼，因為她是一字骨的所以十分之入味。雞軟骨也是不錯，不會太硬咬崩牙咁。鍋物份量其實都頗多，要打包回家！這裏亦有其他菜式例如酸菜魚可以叫，下次也要來試一下。