炊豕店 (加路連山道) (已結業)

大隻仔今次覓食嘅店舖就係💥 炊豕店 💥好可惜嘅12年老店🥲2022年10月31日就會結束營業 大隻仔今日係炊豕店 結業之前把握機會回味咁好食嘅炸豬扒飯多謝炊豕店喺香港12年 嘅付出同努力💪💪💪💪💪大隻仔希望多啲朋友見到去幫襯呢間小店香港少有咁高質嘅炸豬扒飯大家快啲去食啦⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥蔥油豬扒飯 $68人氣推介豬扒飯嚟到已經好吸引，炸豬扒超級大件 疊得高高的，打卡、美味兼備。眼睇份量唔多，細細碗的，但其實飯量一啲都唔少，一個男士必定足夠飽，連大隻仔咁大食，都覺得好滿足。再加埋店舖自家蔥油，用嚟撈飯真係冇得輸。🤤🤤🤤🤤🤤炸豬扒一嚟到熱辣辣脆卜卜，肉質唔乾唔柴，又夠厚肉，十分好食。炸豬扒最好食嘅位置就係連骨位肉質帶少少肥油，超級美味。🔥大阪燒豬扒撈幼麵 $68私心推介，大隻仔覺得大阪燒豬扒撈麵俾蔥油豬扒飯更加好食，沙律醬帶輕微酸酸地，食落比較冇咁肥膩，冇咁滯。至於撈麵煮得不會過冧 ，而且醬汁撈得均勻，夠入味而又唔會過分濃烈，味道啱啱好再加埋餐廳提供嘅辣

今日經過銅鑼灣附近，就睇吓有乜嘢好食。本身就想食拉麵，但係望一望見到炊豖有一個告別告示，做到月尾就唔再做，咁梗係有得食好食再食返一次啦。當然要叫人起招牌蔥油豬扒飯 $68 加雀巢檸檬另外加$6厚切豬扒即炸，鬆脆可口，加上蔥油真係一絕。我最欣賞佢啲蔥油唔會偏咸，同埋蔥頭都幾新鮮。厚切餐肉煎蛋飯 $60 炸蛋過程都做得啱啱好，蛋漿仲可以流出來，但係蛋白唔會話太生，午餐肉就係炸的厚切餐肉，整體感覺都唔錯，不過d飯未熟🥲另外叫咗小食滷水豬耳 $30 雖然份量有少少細，但係襯底的芽菜加咗白醋有幾開胃。鹽酥雞 $48 呢個就一般，太乾冇乜肉汁，正常急凍雞粒既感覺。堂食都爆滿，要等15分鐘先有得入去，加上位置都幾窄

餐廳主打蔥油豬扒飯，門外需排隊進入，可見人氣十足😉但小店內位置唔多，座位較逼😌🍴 蔥油豬扒飯 $64📝評分: 7/10蔥油豬扒飯係依度嘅人氣推介😙大大塊厚切嘅豬扒炸得酥脆，肉質唔會話炸到好鞋，咬落去仲有油香肉汁，配上蔥油炸蒜等配料，撈飯一流👍🏻唔想食飯嘅朋友仔，可以簡撈麵，不過個人覺得蔥油撈飯先係最夾嘅組合😆🍴 叉粒豆角蔥花炒滑蛋飯 $58📝評分: 6/10個飯名已說明一切，叉燒粒豆角炒滑蛋，配上甜鼓油撈飯，正常發揮，係大家想像中嘅味道，但就冇咩特別😂兩個飯份量都幾大碗，食完都幾飽肚🤣銅鑼灣地段黎講性價比算高👍🏻有興趣嘅朋友仔可以一試😊

今晚要去St John港島總區總部 (位於大坑) 上堂，學習一些急救知識，朋友問會否一起食個晚飯，因為朋友不食牛肉，所以我建議去加路連山道一間專食豬的餐廳「炊豕店」，之前去過這間餐廳，覺得都唔錯我們大約18:45去到餐廳，餐廳客人不多，不用排隊已經可以直接入座，以前則要排隊入座我叫了：1️⃣ 蔥油豬扒飯 $68蔥油豬扒飯 賣相OK，但豬扒沒有之前的好味，可能炸漿太厚，而且也不是厚切豬扒，有一點失望2️⃣ 無糖可樂 Coke Zero🥤$6

行過見都好多人排隊，應該幾好食，所以入咗去試吓！淨係豬扒都有好多款選擇就試左必點嘅人氣推介@蔥油豬扒飯蔥油超香好食，撈飯一流！豬扒酥脆大件厚切，同蔥油一齊食，好夾👍🏻👍🏻亦都可以配撈麵，但個人認為蔥油撈飯會比較好食！有興趣嘅人可以試吓撈麵😬另外，再試埋大阪燒豬扒撈麵，豬扒嘅煮法都係一模一樣！只係喺豬扒上面鋪上好多鰹魚，加上大阪燒嘅醬汁食落個味道都幾特別，未試過嘅人可以試吓！份量方面，大大碗，食完有飽肚滿足既感覺性價比方面都算高👍🏻👍🏻

一直都好想試下依一間專食炸豬扒飯嘅小店，機緣巧合下就係今日☺️🧡蔥油豬扒飯🧡💵$64依個飯係舖頭嘅人氣之選😜大大塊炸到金黃香脆嘅豬扒，上面加咗一小堆蔥油，望落已經好吸引😋豬扒係帶骨豬扒，啱晒啲鍾意啜骨嘅人～豬扒好厚肉😍雖然咁厚嘅豬扒如果要炸到熟，啲肉質好容易就會過鞋，不過佢又無依個問題😳肉質都幾鬆軟，仲保持到少少肉汁☺️炸皮都好薄好鬆脆，加埋啲蔥油真心正🥰💜 秘製豬扒配胡椒豬骨湯米線（轉粗麵）💜💵$64見到寫住「新出品」，仲要「每天限量供應」，就吸引咗我男朋友去叫😂豬扒都係咁好食，係無咗啲蔥油～而個胡椒豬骨湯米線可以轉其他麵，我哋轉咗做粗麵～份量其實都幾多，粗麵好重胡椒味，後勁仲有少少辣，我覺得食落都幾特別，都唔錯～不過男朋友唔鍾意🤭依層就真係好睇個人口味喇～💕overall💕炸豬扒高質，價錢喺港島區嚟講算親民，推介～

今晚想食得經濟少少，但喺銅鑼灣要搵一間性價比高嘅餐廳真係唔容易，但都竟然比我搵到一間食豬嘅專門店，即刻試試佢🤟🏻🤟🏻一上枱真係俾佢塊豬扒既size嚇到呆左，超！級！大！塊！我哋仲要兩個人有兩塊大個面嘅豬扒，仲要每一舊都係好有厚度，佢嘅份量絕對係窮人恩物！而豬扒都唔會太鞋，蔥油同大阪燒柴魚絲嘅份量都係毫不留手！最後食到要捧住個肚走！大滿足！大食男自己食一份一定食到飽😱😱小食女就建議share食一份或者叫粉麵會好d啦🤪🤪🤪

想試好耐嘅炊豕店！趁住假日要到港島區辦事，終於行到去銅鑼灣分店一試。星期六嘅銅鑼灣人來人往，要食就當然要排隊。等了差不多十分鐘就可以入座了，一個人點了人氣推介嘅蔥油豬扒飯~果然沒有令人失望！主角豬扒厚身之餘，入口香脆，味道濃郁又唔會太咸，又可以保持住豬扒嘅肉汁香濃味道，唔會太油！豬扒上面鋪了滿滿嘅蔥油，加埋甜甜嘅醬汁，好啱送飯，又易入口，不知不覺就成碗飯連豬扒食哂~~

港島返工嘅人星期五放工當然係去銅鑼灣行下街同搵下野食啦，最後就揀左依間賣炸豬扒嘅小店食飯。雖然門口裝修無咩特別，但係經過一定會留意到，因為長期都一班人排緊隊😆😆😆。鋪頭入面的確唔大，裝修就偏向日本風格，位同位之間就有啲迫，坐得唔算好舒服。————————————蔥油豬扒飯（$64）坐底之後見到台台都一定有人叫佢地嘅招牌蔥油豬扒飯，咁我地當然都唔執輸啦，一定要試下。一上台已經見到塊炸豬扒仲大過個碗，仲要好厚身。炸豬扒一向都好驚會炸到好乾身，但係依間塊豬扒又大又厚仲要食到有汁😍😍😍。蔥油份量好多仲配埋炸蒜，未食之前仲驚會唔會太鹹，不過撈勻之後又岩岩好喎，鍾意食香口野嘅朋友就一定要試。————————————叉粒豆角蔥花炒滑蛋飯（$58）怕熱氣嘅朋友都唔洗驚，可以試佢嘅叉粒豆角蔥花炒滑蛋飯，叉燒配滑蛋一向都係絕配 😋😋😋。同炸豬扒飯一樣，叉燒滑蛋都係滿滿咁蓋過啲飯。雖然外表無炸豬扒咁吸引，但係絕對食到滿滿嘅心機。炒蛋夠滑，啖啖都食到滿滿嘅叉燒同豆角粒。另外仲加左蘋果汁同豆漿解渴 PS. 佢地嘅份量都幾大份下，如果驚食唔曬可以remark少飯😉😉😉

星期六夜晚喺銅鑼灣行完街，諗唔到食乜，於是又嚟炊豕店食炸豬扒飯，之前已經幫襯過幾次。六點幾嚟到都要排隊等咗幾分鐘。餐牌以豬肉為主，除咗招牌嘅炸豬扒仲有豬軟骨、豬手、肉燥等等嘅選擇。另外仲有自家滷水同小食。鍾意食熱氣嘢炸嘢嘅我點咗蔥油豬扒飯，豬扒炸至金黃色，蔥油份量多，賣相好吸引蔥油食落好香，但唔會過份油膩，撈飯一流鍾意食蔥嘅一定要試下。豬扒係厚切，肉質唔算腍，係豬扒應有嘅口感，唔算難咬開，似乎無落好多鬆肉粉。炸粉厚度適中，而且炸得剛剛好，表面脆得嚟裡面唔會乾。另一個秘製豬扒飯(咖喱汁)，咖喱汁係另上，椰汁味香濃微辣，好惹味撈飯食好好味。但係咖喱薯仔煮得唔夠腍，有啲失望整體嚟講食物質素高，價錢合理。炸豬扒好大塊份量好多，一人一碗豬扒飯唔嗌小食都已經好夠飽唯一缺點係坐得太逼唔舒服，坐走廊位係咁畀其他人撞到…

這是經過朋友的介紹下，跟另一個朋友去嘗試這一定的店。這家餐廳在晚餐時段都是滿滿的人流，但等位的時間並不長。同時這家店的員工一直都提供很有禮貌的服務。這次點了店舖的熱門蔥油豬扒飯，豬扒的份量很多，整塊豬扒佔滿了整個碗面，豬扒的質素都很高，不但豬扒的外皮炸得酥香又脆，內質都是充滿水份的不乾。而且餐廳是提供著乾淨又企理的環境給食客，給了顧客弓個又舒適又安全衛生的環境。下次去這家店肯定會嘗試他家其他的食品～

聽聞炊豕店好出名，其中一個朋友推薦我去依間餐廳，咁我就入去試試啦～等候時間唔耐，我等埋朋友黎，當人齊就入得～店內環境雖然有少少狹窄但無阻礙食客等待大碗飯既心情🤤佢地類似拉麵店咁，開放式廚房，可以望下廚師整緊你碗飯未🤣🐷蔥油豬扒飯 $64 （-$1少飯、加$10滑蛋、加$10 一枝豆漿）淨係計碗豬扒飯係銅鑼灣黎講，我認為價錢算平，平時夜晚食個飯都百幾啦，最驚喜係我至愛既蔥好似唔洗錢咁比勁多🤤送埋條小棠菜～豬扒做到好脆卜卜，每咬一啖都覺得好有滿足感🥴而飯配上豉油再將所有撈埋一齊食，令你不停食完一啖又一啖🤤最好笑係我明明寫少飯😂點解碗飯仲咁大碗？我建議2個女仔可以叫1個飯加小食，都好夠飽🤣男仔可能1個人食1碗飯加小食先飽～🐷蔥油豬扒飯 $64（加$8煎蛋、加$10一枝豆漿）整體而言，蔥油豬扒飯價錢既合理又大碗夾好食😋我地開始食既時間，開始好多人排隊食，可想言之炊豕店係幾咁出名🤤正正👍🏻

😋味道：8.6/10📸打卡：8/10🗣服務：8.5/10🏡環境：7/10💵人均：$70-100💰性價比：8.5/10👍🏻推薦度：9/10🏃🏻‍♀️回頭率：50% .🐼想試呢間嘅人氣豬扒飯超級耐了🥺最近開咗間喺長沙灣 不過今次都係去返銅鑼灣嘅老店😙餐廳比較細 好有日本小店嘅感覺 最有趣嘅係佢播咗好多八九十年代嘅歌🤣食物方面佢嘅豬扒真係冇令我失望😋每塊豬扒都好厚肉 好大塊 炸得好香口 性價比好高🥳. （👍🏻為推薦）👍🏻🐷蔥油豬扒飯 $64 (加厚午餐肉+$10) (9/10) 梗係要試吓招牌嘅蔥油豬扒飯 的確豬扒炸得好出色😍再配上香口嘅蔥油 成個飯味道好夾好好食🤩仲有不得不提 加左厚切午餐肉 煎得好香🥰🧆 秘製豬扒飯 (肉燥汁) $60 (8.5/10) 每款飯嘅豬扒都係一樣咁好食🤤呢個就係配肉燥飯 都好高質 每粒肉燥脂肪比例平均 肥瘦均勻😋不過對比起蔥油飯 可能就有啲太漏冇咁夾了👍🏻🌊 沖繩豬軟骨飯 $64 (8.7/10)雖然餐廳主要sell炸豬扒 但呢個豬軟骨飯係好高質同值得試嘅😳佢嘅豬軟骨係好入味 肉質同骨都好淋 如果鍾意食脆骨就唔太啱食 再加埋香甜嘅汁同配料 係非常高質嘅豬軟骨飯❣️

我諗呢間係銅鑼灣食豬扒飯既小店應該好多港島人都識，我亦都食過佢好幾次，每次晚市門口都會排哂長龍🤨 今次7點幾就去食，諗住佢少啲人，點知一樣要排隊🤣 等左15分鐘左右，終於入到去！如果第一次黎呢到食，一定要嗌佢個人氣蔥油豬扒飯😍 佢啲蔥既份量超多，豬扒亦都大大份，差唔多遮哂啲飯咁濟！豬扒食落依然咁酥脆，裏面有少少肉汁，保持到水準👍🏻呢到既環境有啲啲逼，每枱都坐得有啲密，不過佢既裝修好鬼得意，最中意就係佢牆上面果句「我們都是食豬大的」好盞鬼好有共鳴！😚

每逢晚飯時間，炊豕店門外一定有長長的人龍。難得今日未夠六點已經有啲肚餓，炊豕屋唔洗排隊，我同友人就即刻入去試下個豬扒飯 店鋪唔係好大，坐位有點迫， 全店大約坐到廿人，我和友人坐在一邊的二人枱。我點了一個蔥油豬扒飯$62，少飯可以減一蚊 勁多蔥油 😆 豬扒很大塊而且厚身，炸得好脆，不會太干，難怪門外經常有著長長的人龍 而友人就叫左”大板燒”豬扒飯$62豬扒都係好大塊 ，炸得好好味，而且充滿住大板燒既汁同氣味 我同友人都十分喜歡，而且好推薦