蘭芳園

营业中

休息中

今日去咗大館呢邊參觀，完咗之後就同朋友嚟呢間係香港都算出名，位於中環結志街2號地舖噶蘭芳園，遊客同本地客都幾多下，開頭都要搭檯，之後再轉細檯，侍應姐姐都幾好，肯比轉，入來當然不能錯過區噶奶茶啦！於是倆人即刻點左奶茶，再加倆個蔥油雞扒撈丁。招牌絲襪奶茶，茶味香濃唔澀，奶香絲滑，要左茶走，奶茶來到就可以直接攪勻入口，真係好滑，真心推薦。蔥油油雞扒撈丁，蔥油超香，喜歡吃蔥噶朋友仔，呢個就唔好錯過啦！雞扒煎到焦香，好惹味。香港老字號

已經好耐無食蘭芳園，對上過次係上環食完有啲失望。今日lunch諗唔到食乜又黎食吓。門口有幾個人等緊但我一個人所以即刻有位。呢間啲侍應好好招呼，會主動過黎解釋餐牌，又無吹我落單。茶記黎講服務算係非常好lol。地方都係好乾淨。叫左個招牌雞扒撈丁，今次送多左隻蛋。整體味道ok，覺得蔥油少左啲。奶茶好飲。

成日見咁多遊客排隊，見到今日難得無人排，即刻二話不說同男朋友去試吓啦。同一對台灣嚟嘅遊客搭枱，見到佢哋睇住本旅遊指南介紹嚟。我同男朋友叫咗個蔥油豬扒撈丁同蔥油雞扒撈丁，大家都覺得豬扒香d，另外蔥油唔夠多，個麵有d乾，不過個蔥油好好味，我記得以前落好多油，油多過蔥，搞到油淋淋，而家改良咗，油同蔥比例洽到好處，不過唔夠多。不過總括嚟講，唔知係名不副實定自己唔識食，個撈丁真係好普通，可能外國無，所以遊客覺得咁特別，不過香港人就覺得麻麻地。反而奶茶好濃好香滑，好有舊式茶餐廳嘅奶茶味，如果為咗杯奶茶就值得去

我從來都有個句講個句，好食嘅要讚，真係唔好食嘅，幾馳名幾出名嘅都係假！今日同女友黎到中環扮下文青，係石板街影下相，再行過去嘉咸街睇下壁畫，行到攰攰地，趁着下午茶時段，黎到呢一間有60多年歷史嘅蘭芳園。外觀上，係間鋪嘅外面見到有個綠色帳篷，再走入去之後，係間舊式嘅茶餐廳感覺，開箱片換咗譚詠麟嘅唱片封套，一個非常懷舊嘅裝修同設計。我哋2:20左右入到去，聽佢哋講兩點半有下午茶，叫我地等多陣先至嗌，食嘅嘢差唔多，但係價錢就爭小小。比大家睇一睇餐牌先我哋兩個人叫咗一個豬扒包分其實冇乜驚喜，讚嘅係佢嘅豬扒都咬得到嘅，唔會好似其他嘅豬扒包咁硬骨骨，不過豬扒嘅size係偏細塊，加上又冇其他嘅配料，麵包嘅軟熟程度亦都麻麻地，我相信大家自己喺超級市場買返嚟整，點都會好味過佢！另外亦都叫咗一個奶油豬「香脆奶油豬仔包」餐牌上係咁寫嘅。見到佢加左一大舊又係上面， 但都唔覺好香，而煉奶嘅份量好似得個小小，相信奶油豬落嘅煉奶係好重要嘅一環。論到「脆」，我完全食唔到有脆口嘅感覺，只係硬骨骨，要好用力先可以咬得開佢。完全係失敗之作！蔥油雞扒撈丁用蔥油來撈麵係比較特別嘅諗法，除咗蔥油之外，都有見到佢落醬油既，不過就比較

今日同朋友去開中環，忽然好想飲奶茶，就決定去蘭芳園。係餐廳出面排左一陣隊，好快就有得入去。餐廳既服務態度真係一般，我地舉左好耐手叫侍應哥哥黎寫野都無人理我地，一係就望下我地然後就走左去，再唔係就係好惡咁叫我地「等陣啦！」然後又無左回事，可能真係太忙做到燥燥地？最後我地坐係到等左差唔多10分鐘先有人黎寫野。我地叫左佢最出名既蔥油雞扒撈丁同凍絲襪奶茶，上茶速度都算快。對佢既蔥油雞扒撈丁真係好失望阿。雖然佢廚房擺滿左一箱箱出前一丁，但個麵底又乾又硬，好似啲普通公仔麵咁難食，我同朋友都懷疑過個麵到底係唔係出前一丁黎。蔥油份量真係好少，根本唔夠用黎撈麵，好失望。而豉油就好多，令到成個麵變左好鹹，根本就係食緊雞扒豉油撈丁拌蔥油。反而值得一讚既係雞扒煎得唔錯，雞皮夠脆，入面既雞肉都算嫩滑，有肉汁唔乾，而且雞扒好入味。佢既馳名凍絲襪奶茶真係唔錯，入口順滑，茶味好濃，又唔算好澀。餐廳既食物真係偏貴，而且服務態度一般，見到個侍應哥哥忽然大聲喝幾個遊客，叫佢地坐返好啲同放返入啲個袋，有啲得人驚，如果可以改善下就好啦。

食完嘔血!!!未試過食飯食到咁嬲，不吐不快!!!!星期六係附近買完野，難得唔使點等位，同朋友一齊去神化左既蘭芳園。（p.s. 係中環番工既我第一次食）呢個蔥油雞扒撈丁真係不得了，基本上係等於食燒味飯，蔥油同雞扒完全唔夾，不過只係將d飯變成煮到淋哂既公仔麵，加杯奶茶就要49蚊埋單，貴都算!!重點係服務奇差！我叫個餐都要受人氣，只不過係叫錯左都要俾面色你睇。我：「我想要個芝麻牛肉汁...都係唔好，我想改番做蔥油雞扒撈丁，唔該哂！」侍應：「小姐，你究竟想叫咩，我寫左落去改唔到！」我：「我想要葱油雞扒。」侍應開始黑面。之後到我朋友每講一個餐，佢都係用非常輕挑既語氣講「哦、哦」。終於朋友頂唔順，問「你依家究竟係咩態度？」「對唔住lor，唔好意思lor，咪幫你落緊單lor，想點姐？！」係茶餐廳我唔會要求所謂既服務，大家都係想快快手食完，但呢次完全係受氣，點解我仲要貼錢買難受，而且味道相當一般!!!!!

返工之前大少帶咗我去醫肚，其實明明係佢自己想食由於行去都需要上一段斜路，所以去到既時候都差唔多熱死仲見到門口有一條短既人龍，好彩係等外賣唔係大少已經拉左我走入到去都好多人呀雖然好飽，但係無想像中咁好食

話說星期6同女朋友過開中環(因為好日都唔會過去的)當然要去搵D好野食下啦咁我女朋友就建議不如去食蘭芳園啦(真係失禮~本人真係未食過 -_-")於是就去左果度一去到我見到個門口檔已經覺得好有風味搞到我仲以為要坐街邊食tim點知原來有得坐入去既~裡面真係人頭湧湧呀~不過又好彩喎，我地入到去就岩岩有位坐因為已經餓到死既關係~所以第一時間叫野食需然我已經知道呢道有咩最出名，但係都要拎個Menu望下既原來都幾多野食架喎，仲有飯食tim不過其實望下D價錢，呢間野都算唔平無計~鬼叫呢度出名！野食未到周圍望望啦~除左見到好多人之外D牆上面貼左好多校長既舊舊舊CD Poster係度喎呢度到底同校長有咩關係呢？？？第一樣到既呢個咖央西多咁樣睇落去同普通西多無咩分別但係食落去之後就發現裡面果層咖央好香而且唔係太甜同一般既花生醬比係幾特別既！跟住就到主角出場喇！蔥油雞扒撈丁講起撈丁其實係唔同既地方都有食過尖沙咀既芝士撈丁都好讚架！講返呢個先！佢蔥油既味道好香~我本身都好鐘意食蔥岩晒我~再配埋佢個汁~真係好好味佢唔係普通既鼓油~應該係佢地既秘方黎既再配埋塊外脆內嫩既雞扒真係無得輸呀！至於呢個心多多撈丁都有佢既特

多年前, 在一個公開比賽裡面, 蘭芳園可算是其中一個環節有幫助勝出那個比賽的,因為它始創的雞扒撈丁和咸檸7確實在本人中學時紅極一時~ 但不知怎地, 這麼多年來也找不到機會回來再嘗美食...再次回來, 名氣依舊... 在外面排了15分鐘才可進內... 理所當然, 二話不說就立刻落單!!! 確實不清楚它的咸柑桔是怎麼製作的, 因為除了它...在其他地方已找不到這既經典又好飲的咸檸七... 一句說話---就是茶底又清又靚 飲過太多茶餐廳出現那些不知所謂的奶茶,所以特別珍惜這杯!! 西多士強差人意, 賣相差, 味道也不出色... 鮮茄湯底未夠濃, 豬扒靭, 通粉太淋... 唉... 差!! 估唔到, 又再一次上演希望越大失望越大的戲碼... 已經食唔到多年前的美味...雞扒沒有雞味, 口感亦差, 連最普通的出前一丁都....失望... 失望... 再失望...估唔到蘭芳園只保留到飲品嘅水準, 而食物已經回復不到當年勇...

這天吃的是蘭芳園,也是觀光客必到的地方XD之前早上來過一次,才知道書上介紹的撈丁要傍晚才有,為了彌補上次沒吃到的缺陷,這次專程帶朋友來吃撈丁~蔥油雞扒撈丁請原諒我是個很不喜歡蔥味的人,原本我以為夾掉蔥油就不會有味道了,沒想到蔥油味已佈滿了整盤撈麵所以....我只能說,雞扒算是滿嫩滿夠味的,但撈麵沒有我期待的美味,還可以就是了~心多多撈丁這是朋友點的心多多撈丁,沒有蔥油,所以我更愛這盤XD心多多撈丁是由雞翅+五香肉丁+蛋+青菜+撈麵組成,但不是很喜歡五香肉丁的味道,感覺是罐頭肉,不過雞翅很好吃很入味!!!我覺得在香港很多店家都把雞翅做得很美味,以前在台灣不愛吃雞翅的,來了香港卻狂吃XD另外,半熟的蛋也是我的最愛,加分~

在中環返學的其中一個好處就是方便緬懷以往在中環的美食，今日一站正正是蘭芳園。早起的鳥兒有蟲吃果真沒錯，我只要等三分鐘已入得，沒想到食完一出門口已見大排長龍，蘭芳園依舊人氣鼎盛。今天，坐下想都不用想，我叫的依舊是蔥油雞扒撈丁，配熱奶茶。時間上有點失準，奶茶先到，原以為撈丁好快有得食，點知都要等一段時間，還好今天唔趕，可以慢慢嘆。蔥油雞扒撈丁炒得依舊乾身，雞扒也依舊煎得香而不肥，配少少豉油蔥油，依然令人回味。不過今天蔥油稍嫌淡味了點，要知蔥油可說是這撈丁的靈魂，不然我可能會叫心多多撈丁。熱奶茶是這裡的金漆招牌，味道依舊，但我其實不覺得這裡特別好飲，要數好飲的奶茶大有人在，但這裡唔難飲就是了。今天的蘭芳之旅，絕對滿足了我的「撈丁癮」，蘭芳園咁多年味道都無特別差到，但人心總覺得以前較好。下次再黎應該是同老婆黎的了，期待到時可以回到全盛時期的水準。

這次又回到讓我朝思暮想的蘭芳園當然是給他點我最愛的絲襪奶茶$18嚕~這次也給他嘗鮮的點了叉燒汁豬頸肉撈丁$22蔥油雞趴撈丁$22我們比較偏好雞趴撈丁~醬汁很特別豬頸肉的反而還好不過讓人覺得有趣的是牆上的報導寫到「以前蘭芳園老闆覺得中午用餐時間的OL很多，所以推出吃不飽的雞扒撈丁，沒想到大受歡迎，搞的日日排長龍，光是中午用餐時間就賣出兩百盤的撈丁麵....」真的是命中注定要爆紅

今次來，又是去完 ABC 餅店。其實我本打算吃旁邊的新景記的，只見店內空無一人，都係唔敢入去，改為拜訪蘭芳園老店一圓我吃撈丁的心願。午飯前時間竟然無咩人（我想人潮未到啫），即來蔥油雞扒撈丁餐要奶茶 ($37)。撈丁應是繼口架央西多之後此時最多人吃的一味，不一會即上桌。撈丁據說是用原包出前一丁麵（只要麵餅）預先灼熟大半然後冷藏, 到有人order 之後就拿出來用特製鴨湯灼熱，再撈以特製鹵水汁而成的。麵條尚算彈牙，但還有少少部份纏結成塊，鬆番少少就好了。雞扒炸的有點過火，故有些太乾，但跟蔥油和鹵水汁撈埋一樣都是幾惹味的。可是碟麵和雞肉的份量是比較細小了，其實就只那麼一個麵餅囉，賺死佢。R&D cost 都應該沒有那麼多吧 ?! 奶茶也是奶味佔重，所以茶質香滑, 不過個人較喜歡茶味重的版本。不少人也吃口架央西多，我就不敢吃了。結論：名大於實，又是吃老店的環境氣氛，喜歡那個老式鐵皮屋奶茶檔。