My Burger (東廣場)

营业中

休息中

夜晚經過，聞到陣香味，好耐前食過，覺得幾好食，咗岩又見有位，就入去食。點左個煙燻牛肉漢堡加薯條，再加多杯奶昔。漢堡size都 ok，幾多汁，醬汁都唔錯，幾好味👍👍不過汁太多，攪到包紙都都濕埋，小心食到爆汁😆😆😆薯條份量唔多，約m記細包size，不過係原條切，加上新鮮炸起，好脆，好快就食哂😋😋奶昔幾大杯，但係呢。。。明明圖中既奶昔有埋cream，但係我既就冇cream😱😱😱，問佢地，佢地就咁答冇喎。。咁即係點？係冇哂貨定係一開始就冇？呢樣我真係幾不滿🤬🤬🤬🤬🤬剩係呢樣已經扣哂分😡😡講真，佢地啲野係唔錯，不過奶昔問題，我諗都要隔好耐，心血來潮先會再去。

東廣場嘅homemade burger小店, 座位唔多同埋比較逼, 午飯時間通常都要排隊等一等. 餐牌有好多款漢堡選擇, 揀左得洲煙燻烤雞漢堡同經典牛肉漢堡, 新鮮熱辣大大份見到已經夠吸引, 用意大利軟包呢個我覺得幾特別又好味, 炸雞大大件夠juicy, 配埋微辣燒烤醬配搭好惹味經典牛肉漢堡扒亦都夠厚同juicy, 有芝士同烤洋蔥都好好味, 每個包再加多廿蚊就有野飲同薯條/薯角/水牛雞翼等等, 我比較鍾意食佢嘅薯條, 除左熱辣辣剛炸好, 厚度同大小都岩哂我, 而且勝在價錢親民, 值得推薦.

觀塘出曬名多工廈，但除左工廈之外呢都有唔少美食，今次介紹觀塘一間食物水平高既漢堡店，佢既價錢亦都唔算太貴，值得一試。😈-✨德州煙燻牛肉漢堡 $65（跟餐配薯條&餐飲$20）漢堡既size岩岩好，一啖可以食到曬所有材料。煙肉煎到非常之脆，牛肉係用坑紋鐵板黎煎，有少少焦香味，就咁睇都仲可以見到啲坑紋😋，牛肉唔算好厚但係肉汁好豐富。配料除左有蕃茄、生菜仲加埋德州辣醬係入面，惹味得黎亦都好夠辣。-✨芝士烤雞漢堡 $52雞扒烤得好嫩滑，味道方面岩岩好，又唔會醃得太過咸。配埋沙津菜同芝士幾match，配料仲有煎蛋同番茄，食完成個唔會太膩👍🏻另外，薯條炸得幾脆，但薯肉唔夠多，有唔少條薯條食落都好似空心咁，唔係好滿足。餐飲方面，是但叫左兩杯熱飲黎試，用現成茶包沖既，麻麻地但解油膩都唔錯。-依間漢堡店既食物水準算係幾高，而且漢堡既選擇都非常多，又有雞、牛、豬、海鮮等，甚至仲有埋素食漢堡🍔。野飲小食亦都係有好多選擇，人均消費大概$70到，經過觀塘既朋友不妨試一試。

12-1-2019 (Sat)晏晝,同老公行完海濱公園,o黎o係呢個商場o既Luna Cake攞開心果芝士蛋糕時,經過呢間,嗅到廚房煎o野o既味道,攞完返轉頭,同老公商量食唔食,因為已經5點幾了.最後梗係食,否則點會有呢篇食評出現?我o地只決定要一個漢堡餐,就要$49.00o既咕嚕豬堡,加$20.00要薯條同飲品,飲品menu左邊$22.00o既熱飲至下面罐庄飲品都係免費,其他就加原價o既一半就可以.由於呢日比較熱,我o地就飲汽水啦.俾完錢後,等8分鐘,薯條到o黎,細細兜但粗身,熱騰騰,薯味好濃又唔太鹹,睇真喲,有啲有薯仔皮,即係原個薯仔做o既薯條?味道: 5分過多3分鐘, 咕嚕豬堡到o黎喇,大大個,有番茄,原片菠蘿同羅馬生菜,件豬扒係吉列o既,唔見咕嚕汁o既?食落,吉列豬扒外脆,雖然內裡肉汁唔多,但幸好未至於乾柴同o鞋口,而咕嚕汁呢?我就食極都食唔到,要食到好後好後,至食到少少,我老公就話食到,但都唔多.我覺得叫得做咕嚕豬堡,咕嚕汁就唔可以少,就算唔係多到流出o黎,都起碼要成件吉列豬扒o既外表沾滿,我重以為我o地買錯吉列豬漢堡.味道: 1分服務野食到齊但冇俾汽水我o地,我同老公講,要

當天於APM行完街後，打算到東廣場食個飯。東廣場的餐廳因為價錢實惠，食物質量好，所以一向人流很多，但當天卻完全相反，可能是復活節假期的關係，少了上班族。我與朋友兩人叫了一個德州煙燻牛肉漢堡加餐($22飲品一杯及雞翼兩隻)，另外再加了一位炸薯條。先說說My Burger的漢堡包，即叫即整，份量足，女生的話，一個已很飽。漢堡味道亦很地道，牛肉夠juicy，與煙肉、芝士、辣椒及醬汁配搭得很好。$66的漢堡來說，只能說他物超所值，CP值滿分。跟餐的雞翼也沒有令我們失望。雖然是烤雞翼淋上辣醬，但雞翼咬下時很脆。醬汁的味道有點似韓式辣醬，但不太辣，真的很好吃。本來我們還擔心熱情果茶會有點酸，結果卻讓我們很驚喜。濃郁的熱情果味，味道得清新，一點也不酸。在食這些油膩的煎炸食物同時，搭配一杯熱果茶，既解膩，亦較汽水健康。真的十分推薦！薯條亦係即叫即炸，建議大家失放置5至10分鐘，等水份蒸發後，薯條會更脆，亦唔會辣爆嘴。餐廳是取用先付款，後送餐的服務，與大部分東廣場餐廳一樣。環境方面，My burger算是東廣場中裝修得比較好的，走美國西部風，連檯檯凳凳都有襯好。最後，如果要雞蛋裹面挑骨頭，餐廳的座位密道

每次來到東廣場食午餐，本太子都喜歡先把廣場巡一圈，因為𥚃面的好選擇有不少~今次食這間漢堡店相信對年輕一輩有不少吸引力呢! 這間店舖空間不多，繁忙時間會擠滿人，幸好早早先來到坐下。本太子點了個煙三文魚堡餐，配薯條和柚子茶。漢堡看上去很好味～可以看到餡料十分充足，加上鮮菜和醬汁，咬下去香脆鬆軟質感很不錯啊～如果漢堡可以再大點就好了至於薯條就係標準美式餐廳的粗薯條，愛薯之人必吃!吃得這麼熱氣，怎少得一杯茶滋潤一下。飲一杯潤澤心脾，絕對充滿柚子味。至於價錢方面當然沒麥記那麼平，但偶爾吃一餐這樣的漢堡是不錯的。

My Burger 經常都坐滿人, 眼見個個burger份量都幾大, 今次一於試試係咩真係咁正先!!! 煙三文魚漢堡 ($49), 揀得煙三文魚, 心裡都預設係平時夾三文治一片片凍食嗰種,. 呢間嘅驚喜位係將三文魚條先煎香, 令呢個煙三文魚burger味道更香濃真實.  整體好食但略為有啲油, 如果印走面層少少油會更好!大隻佬漢堡 ($68), 一睇就知肉食男士嘅最愛, 有牛肉、煙肉、蛋、芝士、沙律菜, 仲有少有會用到嘅紅菜頭.  呢個burger我都咬咗兩啖試試,  牛肉漢堡好濃郁, 肉汁多到會流哂落手度, rich到爆 配套餐加$20有薯條+飲品, 薯條熱辣辣出爐好脆口, 薯仔味道好豐厚.  雖然平時係會食薯條, 但唔係話好鍾意嗰種, 但呢個薯條好香口, 真係會忍唔住係咁食

幾次行經東廣場都見到有不少小食店，但都收得七七八八。今日趁住假期嘅最後一日一於就去試下😻其實大約七點半左右都收左好多鋪，但係唯有呢一間美式漢堡店都仲好旺埸，仲有五六個人等外賣，就決定一試。 俾完錢就坐低等食啦✌🏻️ 兩個人食大約就係呢個價錢啦漢堡加二十就有薯條加罐裝飲品 首先黎左個德州牛漢堡，裏面有兩塊煙燻左嘅煙肉，個包有少少辣但係都幾惹味。 之後就黎左呢個經典漢堡，就香港黎講食材都算幾新鮮，所有野都啱啱好👍🏻 薯條就真係新鮮炸嘅好食，而呢個薯條上嘅時候真係又熱又脆，正呀👍🏻 最後就要講下呢個oreo奶昔，好滑但係唔夠濃稠同凍，如果加多小小雪糕打就應該好好味啦。總結來說，價比性係高，食物質素，環境同服務都不錯，比起中環新開的漢堡店好得多，之後觀塘又一個好去處😜