京都勝牛 (Tower 535) (已結業)

京都勝牛 @kyotokatsugyu.hk📍銅鑼灣謝斐道535號Tower 535地庫B01號舖.日本京都吉列牛扒專門店「京都勝牛」，除了主打吉列牛扒，最特別係用上190度高溫大豆油快炸60秒將麵衣炸至酥脆金黃，牛肉內裡維持著三成熟鮮嫩熟度，仲可搭配上不同調料，包括醬油、山椒鹽、咖哩、和風沾醬等～.🥩 極上和牛M9後腰脊* $318: 呢個套餐簡直冇得輸！M9後腰脊肉質柔嫩，帶有豐富油脂，冇肉筋，牛肉味亦好濃郁，同埋外皮炸衣一啲都唔厚，仲有日式溫泉蛋伴飯食，必試～🦐 名物翼板伴大海老套餐* $198: 揀唔到食牛定係食海鮮嘅話，可以揀呢個套餐～ 翼板油花豐富，分布均勻，肉質有咬感，輕輕喺烤盤上再煎數秒，牛味更香濃juicy；炸海老外層炸至酥脆，蝦肉紮實，食完好滿足～*套餐均附麥飯、椰菜沙律及味噌湯（可續加）🤎 元祖牛排炸串（3串）$52: 外層炸到好香脆，內裏嘅牛排肉仲保留到好嫩滑同juicy～🦪 炸廣島生蠔 （2隻）$52: 廣島生蠔炸至金黃色，粒粒都好飽滿，脆炸後都能夠保留肉質鮮味～🍟 黑松露薯條 $52: 薯條熱辣辣又香脆，面頭灑上黑松露、鹽、紫菜絲，夠哂惹味～🩵 藍柑荔枝味有

太耐冇返鄉下喇～於是去咗呢間日本過江龍——日本關西第一炸牛排專門店，食下吉列牛排去思思鄉😆！餐廳嘅門面以至內部都裝潢得非常和式，感覺就好似去咗日本咁😚～.🔸 (HK$198) 呢個套餐嘅雙味就係翼板牛排、菲力牛排，仲有可以無限添加嘅麥飯、椰菜沙律、味噌湯。而餐廳採用日本正宗技術，用一分鐘炸出三成熟嘅牛排，表面香脆，內裡粉嫩😋。翼板牛排油花均勻，食落肉質較彈，而菲力牛排油花較少，食落肉質較腍滑👍🏻。值得一提～套餐附上多達9種嘅醬料😍，例如：七味唐辛子、山椒鹽、玫瑰鹽、黑松露鹽、牛排醬、綠芥末、咖喱醬等，可因應自己口味，沾點唔同嘅醬料，配搭出不一樣嘅吉列牛排風味🤤。如果覺得三成熟會太生嘅話，亦唔使擔心！店內備有燒爐、鐵板，只要店員講聲就會端上，咁就可以自己控制牛排嘅熟成程度🤗。.🔸 (HK$148) 呢一個套餐就揀咗炸里脊豬排，同樣有可以無限添加嘅麥飯、椰菜沙律、味噌湯。炸里脊豬排炸得香脆，肉質保持粉嫩，食落一啲都唔柴😉。隨餐附上一碗芝麻，俾客人自己即席磨碎，然後可加入特製醬汁，炸豬排沾點埋呢個醬汁，格外滋味😋！.🔸 (HK$52) 小食之一。炸廣島生蠔共有2隻，每隻都好大隻。炸衣並唔厚，

過江龍京都勝牛係日本黎既炸牛排專門店，日本有五十幾間分店。主打菜式吉列牛標榜只係炸60秒，酥口香脆之餘保留牛既香氣同口感嫩滑。香港暫時有銅鑼灣同將軍澳兩間分店。.今次約埋朋友幫襯佢地銅鑼灣店。勝牛既裝修應該係參考番總店和風設計，地方闊落以卡位或四人位為主，四周都係日系味濃擺設到處都有打卡位。.餐廳除左牛之外仲提供左好多選擇，吉豬、海鮮甚至精巧既兒童餐都有。但一場黎到吉列牛扒專門店，同同行者都唔願意放棄牛呢個選擇所以兩份主食都係吉牛系列。.元祖炸牛排套餐 💲158 ⭐️4.3/5霙花翼板牛排套餐 💲168 ⭐️4.3/5套餐會附上麥飯，椰菜沙律及味噌湯，仲有份漬物。.京都勝牛標榜用高質牛肉位置，瞬間用高溫揸到外層金黃鬆脆，而牛肉都仲可以保持喺三成熟。餐廳仲提供咗好多唔同嘅醬料，醬油、傳統牛排醬、山椒鹽，我個份仲有咖喱醬俾大家配搭唔同口味。.兩份其實都係翼板牛排做主體一樣唔分開寫，分別只係霙花翼板牛排有埋蔥花蘿蔔蓉同埋汁，多咗一層食法。服務員講，如果食得生，三成熟建議可以直接食，牛味更香會更加嫩滑。不過當然都可以用鐵板煎香，有需要可以通知佢哋提供鐵板。.頭幾塊嘗試直食嘅風味，牛排面頭炸粉焦脆，

銅鑼灣一帶美食多籮籮，今晚想吃日式餐廳，晚上六時，餐廳還沒有很多食客。餐廳以大地色為主調，加上木製桌椅，感覺溫馨舒適。餐牌上的選擇很多，除了炸牛扒，還有炸豬扒、炸海鮮等等，值得一提的是甜品也很吸引呢。套餐包括椰菜、燕麥飯和麵豉湯，都可以免費添加⭐️元祖炸牛排套餐$158炸牛排已經切好，一塊塊細細長長，我們要了一塊烤板，再輕輕一烤，入口更有溫度。吃起來嫩嫩的，肉味慢慢咀嚼出來，如果味道濃郁一些，還可以沾咖哩醬。⭐️霙花翼板牛排套餐$168霙花翼板牛排小小一塊，上面鋪滿了蘿蔔蓉，口感較元祖炸牛排紮實一些，味道也是相當不錯。咀嚼起來牛味突出，清爽的蘿蔔蓉帶走肥膩感。椰菜加上柚子醋和芝麻醬很美味。⭐️藍柑荔枝味有汽特飲$36這杯特飲非常給正，彷彿給了你一個海底世界，頂層是透明，最底是深藍色。喝起來有淡淡的荔枝味，很清爽。⭐️日式柚子茶$28一大壺柚子茶，除了有柚子的香味，還有茶的味道，解膩不錯。

無得去旅行嘅呢一年，好彩仲有唔少過江龍餐廳，讓味蕾滿足一吓我哋返鄉下嘅願望啦！今日嚟到銅鑼灣嘅京都勝牛朝聖，試吓名物元祖炸牛扒啦！呢度嘅套餐仲可以無限追加麥飯、椰菜同麵豉湯，真係好滿足呀！元祖炸牛排套餐吉列豬扒就食得多，吉列牛扒都真係第一次食。餐廳選用美國及澳紐牛肉，炸到金黃色，外脆肉嫩，肉味濃郁，非常juicy！特別留意係牛肉只係炸到三成熟，可以自行透過枱面嘅鐵板，將牛扒煎到你喜愛嘅熟度。至於醬汁就有醬油、山椒鹽、咖喱醬、芥末等。我A姐就鍾意加上少少山椒鹽，帶出牛肉嘅鮮味。香脆炸里脊豬排除咗元祖炸牛扒套餐，我哋亦叫咗香脆炸里脊豬排套餐。豬扒炸到金黃色，非常香脆鬆化！豬扒厚切，肉味濃郁，夠晒軟腍。白桃蒟蒻冰茶呢杯冰茶唔會太甜，白桃微甜，令冰茶好解渴；加上蒟蒻就更有口感。藍柑荔枝味有汽特飲一杯藍色嘅特飲真係好summer呀！有汽嘅飲品就最解喝，好好味。（記住Like同Share畀朋友）