后園

营业中

休息中

上次去Odea食完經過見到呢間隱蔽啲中菜館，一直心思思想嚟試下。門口雖然唔起眼，但餐廳內古色古香裝潢，加上別緻嘅復古餐具，我同男友都充滿期待😙餐廳內座位唔算多，週末下午茶時段嚟客人都唔少，先訂枱會比較穩陣。男友鐘意飲普洱茶，$25一個茶位都幾貴下，可惜茶葉屬普通酒樓水準，茶壺表面亦睇落明顯有漬，開始印象分打左d折扣。蟹肉南瓜餃-想叫d特色點心，可惜過左10幾分鐘先講我地知賣晒，試唔到🤷🏻‍♀️蘆筍帶子腸-蘆筍唔多，不過腸粉係好滑，唔錯雪山叉燒包-唔夠熱，雪山皮都唔算好出色，添x運好食d蘋果叉燒酥-外皮好鬆脆，同埋好多芝麻好香口，好似食緊蘋果批+叉燒酥。呢個算最好味！蝦餃-都好大粒，可惜好重味精，一般啦⋯其實唔係好夠飽，不過食左幾款都唔覺好好食，都唔想再嗌了。經理行過嚟問要唔要加野，我哋講完唔駛，好快就有執枱員嚟收晒我地d碗同筷子，但枱上仲有濕紙巾套同紙巾我又唔見佢執埋🤨感覺有啲趕客。唔通唔夠碗用？！4款點心+2位茶錢埋單$400+，性價比屬一般。如果想帶外國朋友嚟感受下古色古香係ok嘅～

💕🦀 精緻點心。1881隱蔽中菜館🌿🙈🍴 后園📍 尖沙咀廣東道2A號富衛1881公館主樓地下我向來係一個點心控，一聽到有點心食就會心思思🤪🤪🤪 今日就揀咗LUBUDS集團嘅旗下，位於1881的后園，過下”點心癮”🤣🤣后園的位置果然位於”后園”🤣，非常隱蔽，喺1881兜咗好幾個彎先搵到😣😣餐廳嘅裝修好靚，而茶具是傳統嘅金色茶壺同有中國特色圖案嘅杯碟，具中式風情😌😌😌🔅 蟹肉南瓜餃 🦀🎃太肚餓唔記得影相❗️❗️❗️粉橙色的南瓜皮包住蟹肉餡，雖然冇乜南瓜味，但係啖啖蟹肉，好滿足🥳👍🏻🔅 野菌素腸粉 🍄個皮好薄，黏黏地，好彈牙、好滑😋😋腸粉餡是不同嘅雜菌如粟米、冬菇，好爽口👍🏻🔅 蘋果叉燒酥 🍎🐷超~熱~辣~辣~🔥佢個叉燒酥唔係焗的，外皮是類似炸蘿蔔絲酥餅，好脆不過有少少太乾，同冇乜蘋果味🤔🤔其實都幾特別嘅，不過我都係覺得傳統嗰款JUICY啲，口感比較好😅😅😅😅😅🔅 百寶荷葉飯🌿呢個要等超耐❗️❗️🥵🥵 不過因為即叫即整，都明白嘅~所以都好有期待，事關有荷葉飯食嘅傳統中式酒樓其實已經唔多😣可惜呢個飯極鹹，粒粒都比油同醬汁包住，根本令荷葉嘅香味滲透唔到飯入邊，好失望😫😫😫食落其實似豉油撈飯，再加幾隻🦐❗️🥲

早前openrice發現尖沙咀富衛1881公館開了三間新餐廳，其實另兩間法菜和steak house都吸引，不過個人偏好中菜，一於試試「后園」。點心方面，蟹肉南瓜餃真材實料，有飽滿的蟹絲，水晶皮很薄；素腸我都係被圖片吸引所以叫，綠色皮都係好薄（其實呢間餐廳所有外皮做得OK），甜鼓油好味；百利酒蛋撻幾重酒味，留意係咪各人都啱食，不過係幾得意的；蘋果叉燒酥係最平凡的一味，如果水果可以酸少少，應該可以更平衡到油膩感。另外，荷葉飯足料，相信夠四人一人一大碗；甜品方面，豆腐凍、南瓜紫米奶凍，以前者比較出色，幾重豆腐甜味，後者比較普通啦。裝修仿似傳統中式大宅，很雅緻；點心價錢跟連鎖茶樓差唔多，所以想靜靜哋食個午飯，呢邊絕對比隔離星光行更加值得。