大圍小館

营业中

休息中

💪🏻 琵琶鵝 ($880)(需提早預訂)琵琶鵝同普通燒鵝唔同，會將切開一半，再秘製醬汁去醃同吊乾，之後先再拎去燒，外觀就似一個琵琶，所以非常花功夫，心機小菜。燒鵝燒得個皮非常脆身，而且鵝嘅肥膏都好厚，鵝油味香濃🤤 即使減肥都要試一舊連皮🤣 而且肉質都燒得啱啱好，肉質嫩滑多汁😋 佢個酸梅醬都偏酸，所以可以中和番燒鵝嘅油膩。但食得太多都會覺得濟。💪🏻 腐乳流心蝦丸($218)呢個蝦丸比較特別，用腐乳醬做餡，腐乳味同蝦丸都好夾，唔會覺得奇怪，腐乳味香😝 不過腐乳醬偏稀，個人認為如果杰身少少就可同蝦丸一齊食得更好。💪🏻 意大利黑醋肉排($208)意大利黑醋好香，酸味突出，所以食落甜甜酸酸好開胃😋 肉排唔多骨，啖啖肉，而且冇特登炸脆外面，唔會食到粉漿。💪🏻 大良炒鮮奶($168)呢個小菜有少少失望，炒鮮奶冇奶味，調味都唔足夠，偏淡，感覺似食賽螃蟹，唔推薦！💪🏻 勾魂叉($188)呢個勾魂叉特別之處，係會係食之前再用陳皮南乳百花蜜醬搽係叉燒面，之後再用火槍燒燶佢，呢個過程打卡一流🤣 呢個蜜醬聲稱用15年陳皮製成，食落有淡嘅陳皮香味，但如果點太多都會偏咸。叉燒剛燒完就即刻食，帶有少少焦香，非常香口，

「大圍小館」是一家主打保留傳統香港粵菜的小型餐廳。餐廳的環境簡單而溫馨。米芝蓮推介前，已經常被人推薦，因此訂位情況非常受歡迎，需要提早訂位，否則很難有位置。今次一行4人，點了是日老火湯、勾魂叉燒、蘿蔔糕炒蟹、炒桂花翅以及瑤柱蛋白炒飯。首先是是日老火湯，湯底濃郁而滋味濃厚，裡面還有豐富的食材，包括豬骨等等。接著是勾魂叉燒，肉質鮮嫩多汁，外皮烤得香脆，醬汁帶有一點陳皮香味。蘿蔔糕炒蟹的蟹肉鮮美，蘿蔔糕也炒得香脆可口，將蟹的精華全吸收，整體味道非常滿足。炒桂花翅是一道非常經典的菜式。最後是瑤柱蛋白炒飯，米飯煮得剛剛好，配上豐富的瑤柱和蛋白，味道十分清淡而美味，附上上湯，可作湯飯食，另有一番風味。總的來說，「大圍小館」的菜式非常出色，每道菜都非常精緻，味道也非常美味，並保留了傳統港式菜的精髓。

好少平日跟朋友在大圍晚飯，今日朋友提議去試一試這間新開的餐館，有很多選擇，試了幾道菜都好滿意，唯一只是自己少人不能叫更多菜式，唯有之後搵多啲朋友及家人一齊試多幾道菜式🤤😋

朋友新居入伙，踩場後帶我地落樓食飯賀一賀佢!見附近一帶都係茶記為主，唸住求其食完就閃點知原來有間餐廳幾好係附近店員推介紹招牌叉燒，唸住叉燒咪又係甘，見職員落力推介，就試下啦，點知真係幾好食，燒到小小焦香，食落juicy,有d意想不到!另外點左蘿蔔糕炒蟹，見炒蟹加蘿蔔糕甘特別個汁真係好好食，用嚟送飯一流，蘿蔔糕沾滿蟹汁真係好香，蟹就淪為配角仲有叫左碟炸鮮奶，據聞好考功夫，所以唔多地方有得食，食落外脆內軟，而且甜度較低，有少少拉絲，可以一試係大圍食厭左快餐，可以去試下

無喇喇走入大圍食飯，完全冇諗過會入到呢間中菜館食飯，見到路邊有位泊車，就入咗去食。開頭都以為係一間平平無奇嘅中菜館，但食完之後係有驚喜，最重要一點。食完唔好口乾。唔會好有味精感覺。餸菜係另外有驚喜，值得同大家分享一下！