一葉台灣料理

营业中

休息中

來到台菜食肆，先來一杯珍珠奶茶，還要加黑糖的，這樣才是潮嘛。這裡的甜度還可調校，感覺更佳，而味道當然也不錯。台式的擔擔麵賣相與上海的差不多，但卻不會太辣，花生味濃，重口味的也很吸引。配上軟軟的白麵，麵香與花生香相襯，美味。再加鹽酥豬扒，少少咸香，香脆的外層包著美味的鮮肉，肉汁直流。與擔擔麵一起吃是很好的配搭。最後來一個蚵仔煎蛋，很特別的是這裡的煎蛋較乾身。這樣更能吃到蚵仔的味道。加了薄荷葉來炒，令味道更多了一層。

今日放工約左上朋友屋企玩狗，上之前就落左去佢屋企樓下的這間台灣料理，估唔到餐廳的家常菜都幾有驚喜。我地叫左炸花枝丸、蚵仔煎蛋、金沙嫩魚塊同兩杯黑糖珍珠奶茶。個人覺得蚵仔煎蛋較普通，可能因為比較易整，味道上唔會好有驚喜，不過值得一讚蚵仔非常鮮甜。個人最欣賞的係金沙嫩魚塊，簡單來講係用咸蛋鋪面、然後同魚塊一齊炸。基本上魚肉係算嫩滑、而每啖亦有濃濃的咸蛋味。至於炸花枝丸味道上唔同餐廳都唔會有好大分別，所以都係好食的，值得一提的係個奶茶，有濃濃的黑糖味卻唔會太甜，而且珍珠亦有好多。

今日約左朋友係鰂魚涌附近做運動，我地係做運動之前決定係附近食啲野先，於是就揀左呢間台灣餐廳黎醫肚。餐廳既食物同飲品既種類都幾多，我同朋友最後揀左一個口水牛肉拌麵，一個台式葱油拌麵配雞扒，另外加左個蚵仔煎蛋做小食。飲品方面，我地叫左一杯黑糖珍珠奶茶同埋一杯蝶兒飛飛。口水牛肉拌麵上面有酸菜，青瓜絲同蘿蔔絲，先將拌麵撈均，然後再吃一口麵。一入口拌麵就比左我一種麻辣既口水醬汁既味道，但係佢並唔會好持久咁刺激你既口腔，麻辣味散得好快，反而之後有種麻醬既味道漸漸散出來，帶到一種夏日既清爽感出黎。牛肉方面用上左牛腩既部分，除左同醬汁好夾，亦都好冧，非常好吃。台式蔥油拌麵食落則有好香既葱油味，麵上面有香葱。麵質食落煙韌有彈性，同葱油撈均後十分好吃。炸雞扒方面雞扒炸得十分香脆，炸粉一啲都唔厚，雞肉嫩滑多汁，配埋餐廳提供既醬汁黎食，十分好吃。小食方面，蚵仔煎蛋份量好大，蚵仔份量多，一啲都唔腥。另外煎蛋入面仲有香葱，煎出黎十分香！飲品方面，我哋叫咗一杯黑糖珍珠奶茶，一杯蝶兒飛飛。黑糖珍珠奶茶唔會太甜，茶底幾香，珍珠都幾有彈性，幾好飲。蝶兒飛飛即係荔枝溝乳酸再溝梳打，佢乳酸既份量岩岩好，令到杯特飲既甜度唔會過

朋友在鰂魚涌返工，相約在一葉一聚，他曾在一葉吃午餐，CP值高。晚上七點，已經坐了幾枱熟客，老闆細心推介新菜式，老闆見我第一次光顧，就問我「想吃什麼？能吃辣嗎？」，我很喜歡台灣牛肉麵，老闆說他們的牛肉麵很地道，然後朋友推介我吃蝦，他知我好喜歡蝦，他說「唔會點你」，餐牌有很多選擇，台式小吃、麵、小菜紅燒牛肉麵的牛肉好夠諗、好入味，粗麵條配得剛好，未食已經聞到湯香味，好有台灣風味蝦球有好多款，金沙、左宗棠、糖醋、鳳梨、冰梅，最後我揀冰梅，8粒超大蝦球，蝦肉非常爽口，配上冰梅醬汁，好野味蚵仔煎蛋煎得非常香口，內裡加了九層塔，令蚵仔更鮮味差不多每枱都飲台灣啤酒、傾下計，少店有小店的好，絕冇限時用餐，好自在

今日有親友請食飯，近近地在佢屋企鰂魚涌附近搵嘢食，諗住搵間中式小炒就返老人家胃口， 我阿姨就推介一間台式料理， 佢以台式小炒為主，但位置比較偏僻，就在鰂魚涌地鐵站對面近太古坊一條橫街內， 呢條街平時人流唔多都幾隱蔽。我哋一行七人，本身擔心店內座位不多好難就，幸好我哋早少少霸位，好好人的店員姨姨為我哋安排咗四張二人枱拼埋，姨姨態度親切還推介了幾款受歡迎菜式比我們。 最後叫咗八碟餸，特別推介係金沙炒苦瓜，梅子排骨，小炒王，三杯雞， 無論賣相味道都唔錯， 食得出廚師嘅用心，絕無取巧，大家也滿足飽飽