金華冰廳

营业中

休息中

香港嘅茶餐廳，主要都係分為兩大種，一種係裝修懶靚但收中價嘅價錢，另一類就係一種好噏耷嘅環境，但係主打情懷但仍然都係收中價嘅價錢。金華茶餐廳，就係主打後者啦。你入到去就千祈唔好要求啲乜嘢特別嘅Service，明白香港飲食文化嘅就知道，茶餐廳本身，就係一種原本服務比較草根既飲食文化，食個快餐，飲杯奶茶，快快上班，呢個就係傳統舊式茶餐廳所傳承嘅文化。佢哋嘅蛋撻，曲奇餅底，夠熱亦都唔太甜，食落有一種港式情懷嘅味道。佢哋奶茶非常之傳統，雖然我嗰日order嘅係凍奶茶少甜，但係呢種凍奶茶嘅味道，相當之好飲。其他嘢， keep住一般茶餐廳嘅，水準不過不失啦。最後，舊式茶餐廳嘅特色，就係位於特別窄，夥計服務特別燥，正正就係呢一種唔打唔舒服嘅服務精神，成全左香港獅子山下嘅獨有精神。嗰啲聲稱茶記冇質素服務又差果啲美食家，想要服務嘅話，建議你上橋轉彎，去新世紀廣場，旺角舊式嘅茶記唔會啱你。

話說前晚瞓唔著上YouTube睇茶餐廳食物，見好幾條片都有介紹金華冰廳的菠蘿油，仲俾分幾高下，即刻決左試返。有低消，每個人都要焗住嗌杯野飲，唔係呀我食茶餐咋bor都要咁😅好啦好啦如果真係好食都無所謂。但，成件事都係令人失望的。首先講返個菠蘿油，一來皮焗得唔得鬆化，有啲硬，口味偏甜。二來牛油味好淡，唔純，幾乎無乜香味，日賣上千隻的菠蘿油又點會用到靚牛油呀😅街邊隨便搵間麵包舖嘅菠蘿包都好食過呢間。蛋撻亦都唔多掂，首先蛋黃味好弱，蛋撻無蛋味叫咩蛋撻呀⋯⋯d奶味都係奶粉兌出嚟，人造香甜。又講返飲品，必嗌wor質素應該好過招牌少少啩，點知又係伏樣，嚴重圖文不符😅得返啲威化餅零碎地浮在面上，雪山不知所踪⋯⋯呢杯頹飲都盛惠24蚊。At last，成餐最正常就係個乾炒牛河，味道與其他茶餐廳持平，牛肉幾大片下，炒得都叫嫩滑。食客，總在網紅店裡跌低，但又爬起繼續食。

今日去到金華冰室，一定要試試它的菠蘿油和蛋撻； 但由於我們都還沒食飯，所以先點了是日快餐免治牛窩蛋飯和乾炒牛河。 乾炒牛河很出色；相反，免治牛窩蛋飯有點失色，上菜時竟然沒有蛋在上面，本來打算放棄追問，慢慢食，之後發現到窩蛋真的蝸居了在裡面。最後，一定要吃的菠蘿油。 菠蘿包真的很好吃。 如果不想吃太多牛油，單點招牌菠蘿包都可以試到那個滋味。蛋撻以這個價錢來說已經不錯。場內冷氣很大，所以食物都好快會冷卻，比原來的未那麼好吃。旅客估多數，不過熱辣辣的菠蘿包確實不錯，可惜有最低消費一杯飲品。吃一個菠蘿包跟奶茶都24塊錢了！

金華並沒有被傳聞中的那麼好食，唯一印象深刻一杯凍奶茶，茶底香 味道岩岩好，其餘既西多、撈丁相對比預期遜色。果然係香港既茶餐廳 枱上既食物仲未食曬 1分鐘就已經執左3次枱， 飲緊杯奶茶被問仲要唔要 體驗香港生活節奏快既好地方

一開始如果唔係因為外國朋友來港我自己都未必知道呢間冰廳,馳名gei菠蘿油究竟有幾咁好食呢?答案係:真係真係真係無得輸!當然,好食其中一個主要元素梗係因為佢新鮮出爐新鮮上檯,麵包係熱已經贏一半.好多地方D菠蘿皮薄過紙,但呢度厚度夠,紋理分明,咬落去下下都係脆!但麵包就可以keep到軟熟連綿,加上依然有少少固態gei牛油,三層口感三個味道,叫我食三個都得!唔知大家會唔會同我一樣 次次叫完菠蘿飽都會好想叫西多士呢?加埋奶茶或鴛鴦真係好滿足~所以我同幾個朋友來的話一定會叫埋西多士,雖然佢唔係特別厚特別脆,但呢款正正係細個食的西多士,加埋糖漿邪惡度升級!有次外國朋友想吃蛋撻,我就第一次食,不過我覺得佢無特別,所以大家下次可以集中煩惱菠蘿油後使唔使追加西多士~~~

有日去太子聯合廣場行街，之後路經呢間，坊間出名嘅米芝蓮茶餐廳。咁啱有些口痕，二話不說就買些少野食。5蚊雞一個酥皮蛋撻 — 話平唔平，貴又唔係最貴(泰昌餅家賣$6)。餅皮: 咬第一啖，酥皮好鬆化帶些少脆口。食落唔會好油膩。 正餡料:蛋嘅部分都好滑; 但唔夠蛋香同埋唔夠甜。 唯一要彈嘅就係唔熱佢仲扮到啱啱出爐，仲喺個焗盤拎出嚟！

第一次食金華，看見食評大部分評分都是大讚菠蘿油，所以不得不試。面對這個菠蘿油，實在又愛又恨。菠蘿包真材實料，內裡不是空心啲。外皮很鬆脆，比起很多大型連鎖店的麵包店好味得多。鮮油不算太厚，但亦能滿足我食菠蘿油的慾望。另外還要了一個蛋撻，酥皮不算很出色，但熱騰騰的蛋，配合鬆化的酥皮，令人難以抗拒。

今日同家喺勝利道食飽LUNCH後特登過黎買蛋撻食飽仲要去買蛋撻？因為要去搵兒甥女呀！買左半打蛋撻再加一個菠蘿包，個菠蘿包超熱辣辣呀！蛋撻都係一貫水準！好味個菠蘿包未黎得切影已被人放左入肚LU個包包拎到返屋企都仲係熱架！NICE

本人以遊客身份分享金華冰廳相信沒有一個香港人不懂，也是經過朋友介紹才安排到這家享用早餐。老實說我們一行11人一起用餐其實這的有點困難。當天遠遠就看到有人在門口排隊就知道是這間了，進去一看既然滿座。有位哥仔上前問了我們幾人很快的大概5分鐘就安排我們入座兩張桌子。在這樣的早餐店也不懂要點什麼吃。這位哥仔知道我們是遊客很快的就說我們就只是點飲品就好吃的就讓他替我們安排。大家沒有意見之下就這樣決定了首先上桌的是椰撻，這個我就覺得普普通通好像沒什麼特別，再來就是蛋撻這個我就很喜歡可能剛剛出爐蛋撻外酥內熱真的很好吃來到的話一定要吃。跟著就是來了菠蘿包和菠蘿油其實兩樣也沒什麼分別只是菠蘿油內加了一片牛油，菠蘿包是原味。我比較推薦的是菠蘿油因為口感和味道都很好。就是那種表面脆脆裡面軟軟的加上很香牛油味。再來就是4碗餐蛋面每碗在附送一粒雞蛋，香腸，火腿。。。。就是很普通的公仔面值得的是因為他有另加附送食物。其實吃到這裡也開始有飽感了以為所有食物就沒了。可是最後還上了一碟金華公司三文治可是這碟三文治賣相已經很好很有一股要吃的衝動就算再飽。其實裡面只是一些雞蛋，火腿，生菜，午餐肉，沒有配上任何醬料也一樣的好

下午茶時間黎到，真係超級多人！等外賣的人排晒隊，店入面都坐滿人。不過好彩無人等位，岩岩好就有兩個位，搭檯都係一定架啦，其實呢種氣氛都幾特別！我同男朋友兩個人，叫左兩個菠蘿油、一個蛋撻同一杯熱奶茶。本來想叫雞翼蛋撻下午茶餐，不過唔想食太飽，下次有機會再試。蛋撻（$4）：好好食！我平時唔食酥皮蛋撻，但都覺得好好食。個皮好酥但又唔會漏，上檯時亦熱熱地，所以好好食。菠蘿油（$6）：幾好食，但比蛋撻遜色，亦唔係特別好食。可能因為新鮮出爐，包上層皮好脆，唔似有些層皮淋既。食到有少少檸檬味，係因為牛油？不過因為個包熱，牛油溶得好快，我鍾意食牛油一半溶一半唔溶的菠蘿油熱奶茶（$12）：唔係特別好飲，個人認為有點怪，可能都係飲慣西式的奶茶。價錢唔平，蛋撻貴出面一倍，菠蘿油同熱奶茶都比其他冰室及茶餐廳貴。下午茶時段咁多人，服務普普通通，至少伙記們都無話開口叫人走，相比起其他好食但服務其差的店舖，這裡已經好很多！而且伙記們好厲害，好似記得晒所有單咁！［by女朋友］

其實不用我多說已經有好多食家介紹過~~~但我每次都是和老公仔拍拖去地方好迫 (不論是什麼時候去都係好多人)要等位就預算在內會好d