窩子

营业中

休息中

今日約左個好耐冇見嘅朋友一齊食下午茶，由黃大仙站出發，行大約15分鍾，黎到大受好評嘅窩子。店內嘅裝修比較簡約，懷舊歐陸風格，色調輕營。餐單都係以輕食為主，有意粉、意飯同窩夫。我同朋友各嗌左一個窩夫，等左大約10分鐘上齊枱。1. 蛋沙律窩夫三文治我喺all day menu點嘅窩夫三文治，非常大份，我諗個份量可以畀女仔做正餐。蛋沙律落左好多蛋黃醬，蛋白切粉，滑得黎好有口感；窩夫就有4大舊，好鬆軟，食完有d濟。整體味道比較淡口，不過都好正常，唔太適合係鐘意食甜嘅朋友。2. 輕型窩夫(焦糖香蕉)朋友喺下午茶點嘅輕型窩夫，有三款口味，朋友揀左焦糖香蕉。呢款下午茶窩夫份量恰到好處，有原條焦糖香蕉、Oreo磨、兩塊窩夫上有一個朱古力雪糕球。焦糖香蕉甜度適中，唔會好溜；窩夫鬆軟；雪糕冰冰涼涼，為温熱嘅窩夫添上多一層口感；Oreo磨碎後口感亦都好新奇，都有豐富口感嘅效果。3. 橙汁跟下午茶餐嘅餐飲，感覺係鮮榨橙汁，唔會好似預製品咁好甜好多糖，反而覺得好清甜，十分可取。埋單每人80蚊含加一，個人覺得價錢有點兒貴，不過食物質素有保證，幾好食，有閒錢可以返食！

窩子前幾日上網睇下新蒲崗有咩推介就見到呢間cafe見到佢主打食窩夫同意粉自己都幾鐘意食窩夫 所以就去試試佢啦佢1200開門 諗住1215去到應該都唔使排好耐啦點知！我排到1305先入到去 排足50分鐘🤧 真係覺得自己好有耐性🤭為左佢個窩夫而黎 好彩都冇令我失望！🔆蛋沙律窩夫三文治 $88原本我係想試甜窩夫既 不過lunch都未食又好似冇理由食甜品先佢呢到好左係有咸窩夫選擇我就揀左蛋沙律跟窩夫窩夫有4件 配黑椒調味既蛋沙律仲有少少沙律菜個窩夫好香好軟熟 味道唔錯蛋沙律就唔太重沙律醬味 反而俾黑椒蓋過左🤧不過夾埋窩夫食就幾好味😋味道: 3.6/5賣相: 3.8/5🔆野菌松露油忌廉意粉 $88呢個真係必食推介！ 尤其係鐘意食松露同蘑菇既一定要試未食已經聞到好香既松露味食落口梗加不得了！ 係好creamy既忌廉但同時有好重既松露味我自己就好鐘意😍意粉既軟硬度適中 好掛汁😋不過食到最後都係有少少漏😂始終都係忌廉意粉但真係好好食既！🌸味道: 4.3/5賣相: 3.8/5P.S. 呢到既食物質素唔錯！不過入座既安排就有待改善啦 有人去到係店出面排隊 但原來係拎飛排隊既 店員又冇適當既指示 排隊好混亂

一對為食嘅母女最鐘意就係一有時間就周圍去覓食cafe？試！台灣嘢？食！酒店afternoon tea？GO！甜品？放心 仲有第二個胃去食！呢日去到新蒲崗嘅窩子 雖然話新蒲崗無地鐵 好似有啲隔涉 不過原來係鑽石山地鐵站有小巴過嚟 所以都幾方便舖頭位置唔難搵 係小巴站後一條街 落車行5分鐘就到 星期六都幾多人嚟食 所以都要等吓位 15分鐘左右 都可以接受呀嚟到 決定同媽媽share一個鹹點一個甜點 所以就先叫咗個蛋沙律窩夫三文治蛋沙律窩夫三文治 叫果陣媽媽其實都幾擔心窩夫同蛋沙律唔夾不過一試就即刻冇晒呢個顧慮啦窩夫上枱個陣暖笠笠 配上凍凍地嘅蛋沙律 異常地夾窩夫仲要唔係一味硬掘掘 鬆化得嚟又有蛋香 真係正呀(如果蛋沙律再多啲 就perfect池啦！）去到甜品時間我一直相信要試到一個甜品係龍定鳳 一定要試原味！所以一場嚟到 不得不試就梗係佢個 原味梳乎厘Pancake原味梳乎厘Pancake一上枱見到佢都幾fluffy 就估應該唔會差得去邊話晒食梳乎厘Pancake就係貪佢好似食空氣個個口感呀嘛一入口果然不出我所料 濕潤得嚟不失空氣感 又夠柔軟蛋香十足 搽牛油/cream/maple syr