峇里餐廳 (已搬遷) 新店位置

「唔好追，追唔到都無辦法」，呢句野係我落單後半個鐘，第一次要求跟單既回應，這店確實係經典店，又分享下。其實黎之前既途中都睇過食評知道要等得耐，都心有懶野feel，不過真係都等左差唔多半個鐘，見遲過我落單既隔離枱都有野上，真係好難忍唔追下睇下有冇落漏單，換黎係我估係老闆的一位回應唔好追，追唔到都無辦法，確實係有型。又講下食物，之所以黎呢到，主要係想試下個蜜糖雞翼。蜜糖雞翼係全翼，不過無左雞腿部份，究竟點解要斬左個雞腿呢，我唔明白，不過講返雞翼，金黃色，蜜糖下得夠重手，有強勁既蜜糖味，不過未算係甜到漏果隻，係幾好味的。沙爹少不免係印尼餐廳會叫下，個串燒有烤味，不過d肉有點老，醬汁係沙爹既重點，個人就唔多覺得似沙爹汁，麻麻地既沙爹。酥餅薄薄兩塊，算不上油，算不上酥，點汁食效果幾好。燒雞飯，雞係凍，醬汁酸酸澀澀，飯都只係微暖，這個完全唔收貨。見樓下有人提到d碗碟好舊，我反而覺得d碟係集百家之大成，很有趣，有中式小炒碟(沙爹果隻)，日式放題(雞翼果隻)，同茶記多士碟(酥餅果隻)，望真d，個餐牌都係經典野。呢到運作真係好奇怪，雖然個雞翼好好食，不過其他都真係好一般，上菜足足等左四十分鐘先有第一樣野

睇見食評, 真係好想試下因為之前冇Book枱的關係, 黎到門口都一樣冇得食今次又係突然想黎試下, 係旺角打個電話睇下有冇位, 竟然有位喎!所以即刻飛過黎!!!我地跟食評推介點左巴東牛肉, 粟米餅, 蜜糖雞翼, 另外點個蝦醬通菜巴東牛肉好香口, 調味好好, 牛肉又夠稔, 餸飯推介!粟米餅唔覺得好食, 我地一人食左一舊就冇再食, 上枱時係暖, 唔夠脆, 味道古怪蜜糖雞翼一碟四隻雞翼, 勁甜又醬, 可能我唔中意食甜野, 我覺得好一般, 絕對唔係餸飯配搭蝦醬通菜好大碟通菜, 鑊氣差左少少, 唔夠香口, 但送上枱時都好熱, 出晒煙!我相信峇里餐廳食物係好好食, 但可能甜野唔岩我地食, 下次會再黎過!

在半年前, 好姊妹已對峇里餐廳讚口不絕, 可惜我一直未有時間到這餐廳食飯. 終於, 我們可在聖誕前到這裡食飯了.這裡的裝修比較殘舊, 而且地版都有點污穢. 但都有很多顧客, 所以我估應該真的好好味.我們食了:蜜糖雞翼: 好姊妹說她每次來都一定會點這款食物. 這碟雞翼有六隻, 而且每隻雞翼是連接雞翼尖的, 所以食雞翼的時候有點困難. 這雞翼好味之處在於每隻雞翼皮每一寸都有蜜糖味, 很香很甜 值得一提, 侍應只會給你叉子和湯匙, 但由於我想用筷子食雞翼, 所以我就問侍應拿筷子, 他們也提供給我.粟米餅: 老實說, 雖然粟米餅很大件, 但有很多炸粉和麵粉, 粟米真的不多. 粟米餅有六件, 炸得很脆, 食的時候還很熱, 是剛剛炸起的. 如果可以增加粟米的份量會更好.印尼炒飯: 好姊妹告訴我, 很多人都話巴東牛肉飯好好味, 她之前每次來都一定必食, 因此她未試過其他的炒飯. 而我, 去過印尼食印尼炒飯, 對那裡的印尼炒飯一直念念不忘, 所以今次我就order了印尼炒飯. 哇太好味了. 這碟炒飯的配料有粟米, 青豆, 蝦(連殼), 蛋絲, 洋蔥. 這碟印尼炒飯中的香料味同我在印尼食過的差不多.

我和兩個朋友總共三人, 又係慶祝小弟生日飯, 於是食飯前一星期訂位,我地叫咗幾款嘢食, 包括有蜜糖雞翼, 拼盤, 串燒雞, 粟米餅, 印尼炒麵+紅豆冰首先嚟過蜜糖雞翼, 勁快上到, 因為之前食都要等兩三個字先到,今次咁快到, 好明顯係整定冇人要比我地, 所以冇之前食咁勁熱咁脆皮, 入口感覺係暖的, 唔夠熱同脆皮, 如果夠係熱同脆皮, 就PERFECT 啦!再上拼盤, 由於拼盤有好多種嘢食, 但係每樣都係得二份,再加上全部都冇特別! 以後可能不叫!又嚟雞串燒, 因為峇里餐廳串燒最好食係雞, 其他串燒味道一般,雞肉串燒味道好香濃仲有炭燒香味, 感覺軟滑, 再點上沙茶醬, 簡直完美呀, 好得!*(MUST TRY ITEM)之後嚟個粟米餅, 感覺好軟, 味道剛好唔肥膩, 再加上酸醬配合, 100分呀!最後上個印尼炒麵, 麵帶小小油膩, 但係還可接受, 配料簡單,有火腿/雞蛋/白菜/芽菜/蘿蔔絲, 整體好好唔錯!*(MUST TRY ITEM)*總括嚟講唔使等位, 卡位多, 懷舊FEEL, 伙計多數係印尼人, 大家值得去一試!

難得同舊同學食飯, 又想搵地方慢慢坐傾計 而d野食又要ok既...於是諗起呢度..好耐之前都經過但由於入面太暗所以都冇咩留意...後來開飯網見到咁多食評 而又聽人介紹就試下...可能星期3關係 所以7:00pm 到時只是一半滿座..選了卡位後3人就開始研究餐牌內容....印尼餐老實講係香港都唔算太盛行所以平時都好少機會接觸到..今次對我地來講係新嘗試..所以我地選左d大路野蜜糖雞翼, 黃薑飯,粟米餅,串燒,印尼炒什菜!邊等邊傾計 當然都有留意d環境, 真係好古舊有d 感覺去左d 古董店一樣@_@ 連職員都盡是老派人物, 什有江湖味..整個格調同現代社會有點格格不入..但又不令人討厭! 要是非繁忙時間 真的適合聊天聯誼~~食物總結:蜜糖雞翼: 大隻香口 而且甜而不賦 可惜雞皮令人肥>..<黃薑飯: 頗有特色的飯,旁邊的配料 配合飯更惹味粟米餅: 有點兒失色..內裡粟米不多 而且不太熱..串燒: 肉質不硬 易入口,略嫌份量太少印尼炒什菜: 簡單好味 清腸胃整體感覺良好.可以番轉頭

同哥哥&爸爸去試d特別d ge菜式~約7點9去到仲有唔少位點左蜜糖雞翼、栗米餅、黃薑飯、GADOGADO、印尼煎餅、雞羊串燒、珍多冰、菠蘿冰蜜糖雞翼一個字!正!!!真係必食之選!!!!栗米餅我覺得好好食!!真係好有栗米味,又唔會好甜~而且外面脆脆地~~好好食!!!黃薑飯:我地都覺得麻麻~舊巴東牛肉真係幾好食...但得一舊我覺得下次應該叫巴東牛肉飯算GADOGADO:我見到唔少人都話佢個汁好食,,所以叫黎試下但個汁我覺得勁難食仲要係一食就想嘔,我接受唔到不過唔關個食物事~係我食唔慣遮~印尼煎餅:其實個餅冇咩特別~精髓在於個咖哩汁!!!點汁食,,好味!!雞羊串燒:一般,冇咩特別珍多冰:我見唔知咩黎~所以叫黎飲下,一入口超甜= =我覺得唔好飲要慢慢等舊冰溶左~淡左先ok...菠蘿冰:話說本來哥哥係想叫蕃茄汁~跟住個落單ge叔叔話飲蕃茄汁!?自己番屋企榨啦!!跟住哥哥就叫菠蘿汁!!個叔叔又話紙包個d黎ga wo!!自己買都得la!最後我幫哥哥點菠蘿冰個個叔叔真係好老實!!杯菠蘿冰好好飲..我杯珍多冰冇得比總結而言~我覺得個到ge服務態度非常好!!d野又好食!!當然有d因為我始終食唔慣而覺得難食

三個女人一個墟?三個女生總是談個沒完沒了，無邊際的話題，化妝品、時裝配搭、明星八卦新聞等等....我們都愛聊。這晚，我們享受著歡樂時光。其中一位朋友很愛吃這裡的蜜糖雞翼，於是我們便選了在佐敦的峇里餐廳。一年365天的聖誕節及生日會裝飾，不知好笑還是可愛。踏入店裡，空氣漓漫印尼香料的氣味，朋友有點吃不消。蜜糖雞翼趕快的點了最想吃的蜜糖雞翼，一份有六隻，是看到我們有三個人嗎?哈哈哈!不知道，只記掛每人可以分到兩隻。雞翼是連著翼尖部份的，吃起來有點小不便，用刀叉有點做作，直接用叉吃，轉彎部份又會觸到臉上來，哈哈! 很狼狽...最後我不顧儀態的用手拿，和女生吃飯就可以豪邁一點。雞翼外皮燒得蠻香的，包裹著蜜糖的外層，甜蜜感覺滲入雞翼裡，很滋味。朋友點的...好像是粟米餅。蘸上中間的甜酸醬吃，還算可口，但口感有點空虛，又不像故意的，粟米棵粒份量很少，質感有點糊口，吃吃就好。黃薑飯集合不同印尼菜式於一身，淺嚐細味。甜酸魚柳，名副其實甜甜酸酸的口味，很合夏天。咖喱雞，未經證實，但我80%覺得是咖喱雞的味道，雞肉很軟嫩，但急凍雞肉都比鮮雞欠缺一點鬆軟滑溜，此時咖喱就發揮最大作用。巴東牛肉，選用的是牛展部

月前已留意到峇里 很少(很可能是從來沒有)吃印尼菜 又見各食家對這裡的食物的評價不錯 便令我對峇里起了興趣 但總不能單挑造麼多招牌菜 機緣巧合下有了是次生日後聚會 當然想也沒想就提議到這裡來 峇里的位置很就腳 位於舊泰林附近 六時多 內裡只得一枱客人一入內 已有一種「很印尼」的味噗入鼻 翻開餐牌 食物的種類及選擇甚多 幸好我早有準備而來 最後我們點了:蜜糖雞翼肥美雞翼的外表極為吸引 一嗅之下有很香的甜味雞翼比平常吃到的為大濃稠甜汁緊緊包裹著整隻雞翼 可惜雞肉似沒有什麼調味(後來到晚飯時間 我們發現幾乎每枱都會點這道招牌菜 )黃薑飯黃薑飯份量不大 算是剛好一人的份量配菜有蛋 四季豆 肉鬆 巴東牛肉 牛展 雞槌 青瓜 魚塊非常豐富 其中以巴東牛肉及雞最為討好 肉質較淋 而飯薑味比預期中輕 更合心意 ;)我們三人都大舉拇指 吃印尼菜怎少得印尼煎餅薄餅不算太油 配上醬汁味道不錯 不算特別是一個飽肚之選串燒要了一半豬肉一半牛肉肉很鬆軟亦很入味沾上醬油更捧 B-)而另一名物粟米餅外層香脆內層軟綿綿最讚是餅內的粒粒粟米都非常甜美很新鮮 那天人客不算多 吃完繼續坐著聊天都不怕被側目 : p最後多謝友

見食評唔錯，又有咁多個笑臉，今日決定一試。星期六既晚上，可能仲係6點幾既關係，人唔算多，可以坐到埋牆既卡位，如果坐中間就有D逼.....2個人嗌左:蜜糖雞翼 - 果然係招牌野，雞翼皮有少少脆，個汁好甜好好味，最難得係可以咁大隻，兼且肉質一D都唔梅串燒 - 3牛3豬，但都等左一段時間先有，唔知係咪漏左單，串燒真係唔太得，全部都好淋，完全冇肉味，仲燒得有點燶黃薑飯 - 一般，肉鬆撈飯最好食，其他配料都麻麻地，可能食唔貫唔太啱口味薄餅 - 應該係即叫即整，上到枱仲熱辣辣，配少少咖哩汁，唔錯菠蘿冰+紅豆冰 - 2杯都唔掂，只係飲緊糖水咁，早知嗌啤酒好過其中有一個侍應伯伯好好笑容，幫我地落單既時候好Nice，仲介紹我地食乜野，Good ~下次有機會再去，雞翼必定翻啅.....

好耐都無同一大班朋友去聚會, 所以今日特登帶佢地黎呢到食好野..呢到我之前食過一次.. 已經覺得好好食, 所以今次再去!差唔多8點鐘到左呢到, O個時餐廳都仲未坐爆..有位好好人既伙記走黎問我地食乜野.. 介紹我地食乜食乜咁樣.. 蜜糖雞翼 - 我覺得呢到最好食既蜜糖雞翼, 熱辣辣又甜甜地, 好正!串燒 - 呢到串燒一定要試, 夠晒香口.. 3串起計, 有豬,牛,雞,羊串供應.. GADO GADO - 當沙律食, 我自己就覺得個汁幾好味, 蝦片夠晒脆粟米蝦餅 - 呢到粟米蝦飯又係好鬼出名, 炸得香口又啖啖粟米, 一絕!黃薑飯 - 呢到既黃薑飯都好出名, 第一次試, 個味好鬼似喇沙.. 喇沙版既飯 朋友們叫左個麵 好似叫峇里麵? - 個名真係唔多記得, 但都係幾好食既麵食黎架～間野越夜越多人黎食, 可以慢慢食.. 食完又同班朋友傾傾偈又唔趕你走簡直太好, 朋友們都好開心我帶左佢地黎食呢餐咁好既野!!食咁多野埋單先$346，真係好抵食.. 每人除番開都係$7X.. 如果你仲黎未試, 就快D黎呢到食啦!!

全間餐廳好有時光倒流的懷舊感覺….午餐點了蜜糖雞翼雲南米線 串燒 黃薑飯 蜜糖雞翼份量大, 可多人享用, 甜度恰到好處 雲南米線 味道一般…比夠適合小朋友…非大人之選串燒 牛肉及豬肉串有東南亞的味道…屬推薦之選最出色的是黃薑飯, 配料跟在吉隆坡 Madam Kwan 所食到的相近…是我的最愛令人覺得它的服務是有超水準, 可從多方面見到:-提供塑造小朋友食具-全餐廳的員工友善好客的態度…-提供點菜意見, 主動快捷收拾食具-仲多次請小朋友食糖令人印象難忘, 這才是真的待客之道,有機會一定會回來 !

八月頭，朋友生日帶我們來此慶祝食飯，其實印尼食物對我來說，並不太喜歡吃，因為覺得太熱氣同好乾的感覺。但生日的朋友推薦，就不妨一試啦！我們一共6人選擇了以下食物﹕ 蜜糖雞翼﹕大隻及個汁好味 黃薑飯﹕伴有好多配料，O.K 粟米餅﹕味道有點似罐頭粟米湯，都好味 咖喱牛腩飯﹕咖喱汁好味 串燒 (豬、鷄、牛、羊)，O.K 炒通菜、普通啦 薄餅配咖喱汁，O.K 1杯珍多冰，就咁飲我覺得好味，可以飲出椰汁味，但太多冰，變得淡了！(男)老闆很細心介紹食物，而另一位(女)老闆就很熱情地我們拍照，當我們切生日蛋糕時，餐廳立刻播放不同語言的生日歌，場面好開心哩！今次的生日晚飯，大家都覺得滿意，因為好味、好抵、仲好熱情添！

家姐在openrice見到這間印尼餐廳獲得好評，於是就約埋一齊試試同行四人叫左1) 雞豬串燒各半兩種肉都好滑，熱辣辣，唔係翻燒，有肉汁和有肉味，加埋個汁，好食呀2) 栗米蝦餅咬落口，皮脆，仲有好香的栗米湯味，但蝦肉就唔多3) 黃薑飯d飯有好香既椰汁味，唔，但感覺唔到薑味，配埋旁邊的餸，有菜、牛、魚和雞等(黃薑其實是一種健康的食材，聽說有助防癌)4) 蜜糖雞翼皮略硬，雞肉則幾滑，其實好食，但我覺得唔是太特別5) 巴東牛肉飯牛腱林，但巴東汁唔夠辣，可能怕客人食唔到辣其實這裡的食物都好好味，但應不是正宗的印尼菜，可能為了迎合港人的口味。如果你不是追求正宗印尼菜的感覺，這裡絕到是一個好選擇。