博多拉麵別天神 (已結業)

朋友介紹正野。豚骨湯麵。蝦味噌豚骨湯麵。蝦鮮味幾好，唔膩，有香味，粟米甜甜的，肉好嫩滑，勁勁勁厚肉，唔似外面其他店既薄切叉燒。。。😂呢款系夠食，唔使額外加配肉都可以。。。另外，朋友叫左餐款，包送埋小龍蝦蟹子沙律，share左少少，份量細細，但足夠，兼味道開胃，附送紫菜一塊，幾正，凍凍地，唔系普通薯泥，有鮮味同蟹子粒粒口感，食到隻蝦，無欺場。叫餐包沙律，比單叫多三十另蚊。但一試無妨。可以翻吃之選。

見網上食評都幾參差，驚有人話好好食但有啲人話好難食，但唔知係分店問題定師傅問題，小編喺旺角分店食就覺得味道唔錯而且仲好多人幫襯😤勁黃嘅拉麵店💛💛黃店：店內有連儂牆、派防RFID卡套，有參與罷市！之前為香港人打氣，學生半價食拉麵！.餐牌內只有兩款拉麵。👓豚骨湯麵 $75 日本半熟蛋一隻+$10有紫菜、蔥花、木耳絲、兩片叉燒。湯底全由豚骨熬成，註明沒加味精和奶類製品，飲落都出鮮甜豚骨味唔油膩。叉燒厚身似塊厚切午餐肉，但肉質唔粗糙韌係淋，叉燒好食幾出色！半熟蛋做到溏心效果但醬油味重啲會更佳。拉麵偏幼身和煙韌，麵質算特別，掛湯度正常。評分：8/10👓蝦味噌豚骨湯麵 $85灑滿樱花蝦拉麵紅粉菲菲，有紫菜、蔥花、粟米、兩片叉燒。湯底好濃蝦味，因為加左味噌所以好易入口會不自覺想飲哂成碗湯底，但同時因為味噌所以飲完會超頸渴😂好矛盾。同豚骨湯相比它比較濃味，多份蝦香味同鮮甜，鍾意食濃味嘅朋友會比較岩😛評分：8.5/10

放工去下旺角搵食，搵到間細細間嘅拉麵店。一入去就有自助售賣機去揀野食，仲可以用八達通/信用卡比錢，好方便，我同朋友揀左2個set。先黎朋友個跟餐小龍蝦蟹籽沙律，大家share食，一食就食到大大隻小龍蝦肉，肉質彈牙，再試埋包住紫菜食，有兩種食法。朋友本身鍾意食蝦，所以叫左蝦味噌豚骨湯麵，佢話個湯好濃蝦味，勁正，我都試飲左，真係唔錯，佢話好鍾意有咁多櫻花蝦，另外見到配料仲有粒粒粟米，勁多蔥，溏心蛋同埋叉燒三塊，肉質唔肥，但食落唔鞋。朋友覺得拉麵份量偏多，細食真係會食唔晒。之後到我個豚骨湯麵，見到奶白色嘅湯底，好香濃，湯掛晒上麵，但又唔會太重口味，推薦呀！配上半熟蛋好入味，蛋黃半流，非常不錯。而佢嘅麵軟硬適中，夾埋木耳一齊食好有口感。豚骨湯麵set有配日式餃子，餃子皮薄，內餡好juicy，如果再煎香脆d就good 啦。一邊食一邊有日文歌聽，冬天凍凍地食真係好幸福呀。

I Don't Believe It十點都未食飯只為了一個沒有開完的會議以為這次我可以承受著肚餓而去不必讓妳知道卻餓著自己一個人走在傍晚十點的旺角City找著食店就像黑夜一樣的來臨I ate Myself又整夜追逐未關的店而終於找到博多拉麵怎麼才能讓我告訴妳我食咩麵，用電腦自助加八達通就攪掂味噌豚骨湯拉麵 加四餃子是我自己正確的決定蝦味噌套餐  百一五蚊老闆做接待兼廚房真係用心我又真心告訴妳 麵好好食是我自己推介的拉麵

今日突然間好想去旺角【博多拉麵別天神】食拉麵，知道食店只有十多個位，經常排長龍，所以便提早6點去到，雖到達時已滿座，但等了5分鐘就有位。店內有願望牆，可將兩年後的願望寫在咭紙及貼在牆上。店內只有「豚肉」及「蝦味噌豚肉」兩款湯麵。單食外，亦可選包括「4隻餃子」及「小龍蝦蟹子沙律」的套餐。落單時，需到門口自助點餐機落單，如有問題可向職員查詢。我們點了一個單食及一個套餐。蝦味噌套餐 (HKD115)蝦味噌豚骨湯麵+小龍蝦蟹子沙律+餃子「小龍蝦蟹子沙律」內有大大粒小龍蝦肉及有嚼勁蟹子，用紫菜包著來食，味道很夾。 「餃子」皮薄餡靚，味道清新，沾點醬汁更鮮甜。店內拉麵湯底出名無味精，用豬骨及純水經壓力煲熬製而成。「蝦味噌豚骨湯麵」湯底味濃，充滿香濃蝦味；且材料豐富，有美味日產糖心蛋、半肥瘦叉燒、香脆小蝦等；而拉麵質感幼滑可口，相當有質素。豚骨湯麵 (HKD75)「豚骨湯麵」湯底豬骨味濃，香滑無味精，故飲了都唔口渴。如想豐富味蕾，亦可加點芝蔴！拉麵價錢貼地，味道有水準，所以要排長龍絶對值得！

今日同寶寶行旺角，行過見到呢間拉麵店喺宜家呢個經濟環境之下竟然要排隊😳咁岩又好似餓餓地，我地就排埋一份🙈跟住發現其實兩款拉麵揀😆仲有一款係每日限量嘅添🙊好彩我同寶寶都唔揀飲擇食，唔使自己揀仲好😆呢度係採用自助點餐形式～自己係部機度點餐，好似日本嘅拉麵店咁❣️加$30要套餐，有多一各餃子（4隻）或小龍蝦蟹子沙律❣️拉麵湯底由豚骨（豬骨）及純水經壓力煲長時間熬製而成💕冇味精🙅🏻‍♀️亦不含奶製品🙅🏻‍♂️.別天神套餐 $105豚骨湯麵 + 餃子豬骨味濃厚而不膩，清澈嘅豬骨味並無額外添加油份，味道不錯同時好健康😌豚骨煮得好腍，肥瘦適中，肉質軟滑😋半熟蛋真係做到糖心效果☺️ 醬油味再重啲應該會再好味啲～香港拉麵黎講係幾高質素👍🏻唔怪得要排隊食丫🙈餃子餃子皮超薄❗️餡料適中～餃子底又有啲焦脆口感🤤真係同喺日本拉麵店食嗰啲一樣咁高質素😍蝦味噌套餐 $115蝦味噌豚骨湯麵 + 小龍蝦蟹子沙律小龍蝦蟹子沙律就差唔多係我哋平日食嘅龍蝦蟹子沙律軍艦上面嗰啲料，軍艦走咗舊飯咁解😆伴隨嘅六塊紫菜都好夠脆，用來包住啲沙律食，係幾啱用來做前菜嘅❣️蝦味噌豚骨湯比豚骨湯更勝一籌，岩晒鍾意食濃味嘅朋友❣️個湯底其實同普通豚骨湯面係一

今日very busy! 連食晚飯都未必夠時間，衝衝路過嘅時候差d錯過呢碗朋友介紹過好味嘅拉麵。門口售賣機付款後，立即入去坐低等食。呢度只有兩款拉麵，套餐或者單點，連諗嘅時間都慳返。🔆唔洗3分鐘，跟餐嘅🦞小龍蝦沙律同煎餃子就遞到面前。球狀沙律，滿滿嘅小龍蝦肉，鮮甜又有少少芥末味，用紫菜包住食真係勁滋味！🔆餃子皮非常薄, 煎起非常熱辣辣。菜肉比例ok，但肉汁略嫌少左d，不過都算好味嘅。🔆🐽豚骨湯麵 - 配料嘅木耳、溏心蛋水準都幾好；幾濃豬骨味，唔會咸到好口喝。叉燒夠腍，肥瘦適中；麵條比較幼身，似日本食嘅拉麵口感。🔆🦐蝦味噌豚骨湯麵 - 好正，好鮮味嘅蝦湯底。好多櫻花蝦乾，超香口。其他配搭配料同豚骨湯麵係一樣嘅～🧂睇下上面嘅罐罐，有紅薑、蒜蓉、芝麻、七味粉，茶係自助嘅。自家炒的辣芽菜實在超乎想像的好味，頗辣，中和豚骨湯嘅滯膩，爽口芽菜同拉麵好夾！🥢坐低左會發覺氣氛真係有如身處日本，總算是可以假想渡假半小時嘅地方，食下拉麵都開心。

晏晝食得太飽，夜晚唔想太heavy~食個拉麵就啱啱好😆。呢度店鋪細細大約有十個八個位，幾有日式風味。買野食就可以起門口果部機度，用八達通比錢都幾方便。✨拉麵有兩款，分別係豚骨湯同蝦味噌豚骨湯。我地叫左兩款套餐，配小食同埋會多左隻半熟蛋。✨先黎個跟餐小龍蝦蟹籽沙律，食落啖啖小龍蝦肉，肉質好爽彈～包埋紫菜食仲正ar😍✨豚骨湯拉麵：奶白色既湯底，豚骨味清得黎好香，飲落有d 奶味既感覺。拉麵麵質啱啱好，軟硬適中，幾鍾意佢勁多蔥，加埋個湯食落更加香。✨叉燒有三大塊，雖然係偏瘦，但食落爽口同埋夠淋，佢既拉麵同湯底，無平時食到覺得好漏既感覺。✨蝦味湯底更加正，係豚骨湯既升級版😍超多櫻花蝦味勁香ar🤩一路食係咁飲，蝦味幾濃。呢款配料就有粟米， 半熟蛋都好軟滑，好好味。✨餃子見佢用焗既方式烹調，所以個底唔會好脆，不過就啱晒我唔鍾意食熱氣野🤣個皮好薄，饀料唔錯幾好食嫁。

又來了吃日式拉麵了！前陣子到尖沙咀吃過一次，這次光顧旺角分店來試試其水準。店舖面積細小，只能容納約十個座位，感覺跟在日本街頭吃的拉麵店很相似，所以好有feel喔( ´▽｀)店只提供兩款麵食，客人先透過點餐機點餐，然後進內就座，店員隨後便會遞上食物。跟朋友點了豚骨及蝦味噌湯麵各一碗，其中一份點了套餐（配餃子4隻及小龍蝦蟹籽沙律一份）小龍蝦蟹籽沙律沙律小小的一份但裡面都有好多蝦肉(⁎⁍̴̛ᴗ⁍̴̛⁎)餃子煎得香脆。豚骨湯麵豚骨湯湯頭調味適中，不會過咸，麵條亦煮得剛好，不會過硬或過淋。蝦味噌豚骨湯麵重口味朋友更喜歡這碗，因為更濃味，哈哈。即使座位少也沒有讓立刻客人吃完麵就走，欣賞喔(*¯︶¯*)

之前經過尖沙咀亞士厘道見到有間細細間既拉麵鋪開左, 門口格局同日本個d一模一樣所以咁記得~ 前幾日發現原來旺角都有間分店, 就係山東街! 今日臨番屋企就簡簡單單食個拉麵做晚餐🍜頭先上網睇下佢係咪新野係日本黎既, 點知原來係幾年前已經有第1間鋪係銅鑼灣, 而家仲有好多分店, 連美國都有!! 係見到尖沙咀分店之前真係無留意過佢估唔到細細間又幾猛料咁❗門口就係咁, 同日本一樣用自助點餐機。大胃人士請注意❗點餐機隔離貼左個優惠, 有JCB卡就抵啦, 可以免費加麵底仲要無限次。兩個人點左一人一個餐🍜別天神套餐🍜蝦味噌套餐煎餃子外皮厚度適中, 如果可以再薄d仲好~ 不過都煎到脆邊不錯!小龍蝦蟹子沙律依個好味比餃子特別, 紫菜比得唔姑寒, 絕對夠配個沙律❗食到小龍蝦肉既同時咬到1粒粒蟹子, 口感唔錯, 用紫菜包住黎食好夾豚骨湯麵豚骨湯味道好濃厚, 鋪頭標榜佢地既白湯底係用100%豚骨同埋水長時間熬煮出黎, 不加味精。飲落果然濃而不膩, 啖啖肉味呀仲有教人點樣調個自己想要既湯底出黎, 其中既辣芽菜係自家秘製!溏心蛋靚仔! 溏心狀態不錯蝦味噌豚骨湯麵係豚骨湯上加左一堆櫻花蝦, 原本濃香既湯底變得更加濃厚

晚夜收工行街街，可能因為天氣熱既關係，好想晚餐食啲濕濕地既野，見到好多拉麵店，而呢一間聽朋友講過，好似吾錯，就去左呢間別天神到食啦。間鋪裝修到好似日本地道拉麵鋪咁，先買票，再坐底食。買左票就可以坐底啦，店員馬上會準備食物，先上既係一個小龍蝦沙律，好好味，用紫菜包住食重正，同女朋友一人一啖，都夠食既👍🏻食完一又車，拉麵就有得食啦。佢地既湯底係用豬骨，放入壓力煲長時間煲成，好濃味。兩個湯都好好味，麵好爽口彈牙，蝦味果個湯味道較濃，有少少海鮮味。而豬骨湯果個，食到好濃既豬骨味，非常好味。值得一提係個蛋，糖心蛋Feel，好好味，真係要食晒佢。食食下，個餃子都上菜啦，佢地吾會煎到好硬，入面好好多汁，正呀。成餐飯都好滿意，推介指數⭐️⭐️⭐️⭐️

投 個 票 ~🙋‍♀️有無人同我一樣鍾意食麵多過食飯？就算選擇困難既時候都只會徘徊喺麵既懷抱🤣 今次揀左旺角鬧市一間拉麵店，舖面細細有10個位左右，感覺好似日本既正宗拉麵店，用大屏幕落單，夠哂方便一目了然。-☆ 蝦味噌套餐 HKD$115每日數量限定既蝦味噌豚骨湯麵配餃子，份量都幾大碗，我咁大食都食唔哂😂 湯底少少粉紅色，鹹中帶甜，我個人好喜歡💕 超多櫻花蝦同香甜粟米，令湯底更濃郁，好香呀！麵質韌度啱啱好，唔會太腍或太硬。而餃子內配有椰菜同豚肉，煎得都幾香口，內裡軟腍，不錯的👍-☆ 別天神套餐 HKD$105即是豚骨湯麵配小龍蝦蟹籽沙律，豚骨湯主打無添加味精同任何奶類製品👍 湯底係超濃乳白色，如果睇唔到張紙咁寫，真係唔會相信無落牛乳😲😲 味道有勁濃郁牛乳香味，啖啖好似飲緊牛乳湯咁，可想而知豚骨長期熬製，原來可以咁犀利咁好味，簡直難以置信！而小龍蝦蟹籽沙律，超級推介👍👍真係食到大大粒講龍蝦肉，加上蟹籽既豐富口感，沙律用左千島醬做醬汁，好快鯨吞左成舊🤤🤤-總括而言，超用心細緻既拉麵店，細至木筷子都用上無漂白筷子，仲有任加既免費辣芽菜都超正，我差唔多落左成兜，唔好話俾人知呀😏 拉麵味道有水

經過旺角山東街，發現一間裝修別緻、很有日本傳統拉麵風的拉麵店。..名稱也很特別，叫「別天神」而海報都有超人（個超人叫別天神？）嘅宣傳。就試下吧。.門口有部電子販賣機，可以用八達通、信用卡付款，當然現今也可以用現金。另外如果用JCB卡，海報說更可以無限添食麵呢。.菜單簡單清晰，只有兩款麵。你也可以選擇套餐，即是一個拉麵，加一份小食（可選餃子或小龍蝦蟹子沙律）。.當然我兩款拉麵都想試，所以叫了兩個套餐。.⭐️豚骨湯麵最引我注意的是湯底。奶白色的，是超濃的白湯。飲下去有香濃的豬骨湯味，十分之好飲。見到枱上告示，原來這奶白的湯，係完全沒有加奶類或其他味精，只是用豬骨及水，用壓力煲長時間熬制而成。.蛋做到留心嘅效果，而且3塊叉燒都是厚切的，材料十分豐富。..⭐️蝦味增豚骨湯麵加入了蝦的鮮味，但亦不減豬骨湯原本豐盈的口感。面上灑上很多櫻花蝦，脆脆的。..⭐️小龍蝦蟹子沙律我和朋友都很喜歡這個小食。食到啖啖的龍蝦肉，亦有很多蟹子爽爽的。包着紫菜來食，又蝦肉的軟、蟹子的爽及紫菜的脆，層次豐富，喜歡食海鮮的人must try!.⭐️餃子餃子有四隻，皮煎得脆脆的，餡料多汁好食。.店內座位不多，但設計是很傳統的拉麵