私房菜

营业中

休息中

先開枝朱古力酒，係出面飲唔到既朱古力味紅酒，好香又易入口，個朱古力味後勁好出，我少飲紅酒都覺得好正！十道菜Omakase晚餐先來個蘑菇花膠湯，味道香濃，但好似食唔到花膠。蟹肉青瓜卷配芒果醬，一啖放入口，感覺好清新，青瓜同芒果味道又幾夾！蝦多士 個多士好香脆，面層蝦膠好結實，好足料。雞蛋闊條麵，配皮蛋碎同泰國香料，好特別，我好鍾意皮蛋，加埋泰式香味，應該係九層塔，好開胃。雞翼加薑 看似無特別，味道亦唔重薑味，但係好食既，而且雞翼好厚肉！蟹籽雲呑 超大隻雲呑，咬落食到一粒粒蟹籽，口感幾豐富慢煮西班牙黑毛豬配蘋果芥末 肉質有少少韌，不過個醬蘋果味幾濃，豬肉有點嚼勁可以嗒真啲個醬汁味。冬蔭功芝士扇貝 面層係焗焦的芝士，蓋住扇貝之外仲有冬蔭功湯汁，有驚喜，味道好出！咸蛋炸魚皮意粉 真係OMG，聽落簡單配搭，做落唔知係咪咁易，但超好食！意粉彈牙，魚皮香脆，加埋粒粒咸蛋黃，口感同味道都好豐富！甜品係香橙意大利沙巴翁，第一次食沙巴翁，杰杰地既口感，香濃橙味，呢個幾清新但我就麻麻地拉。臨走前老細兼主廚兼侍應捧個蛋糕出黎唱埋生日歌，堅Surprise！以為係心太軟，原來係個冰凍Brownie，下面有朱古力

📍私房菜#Secretland 🇭🇰香港銅鑼灣謝斐道526號3樓🇭🇰3/F, 526 Jaffe Road, Causeway Bay,HK🌐銅鑼灣人均消費: HKD600 味道: 👅👅👅賣相: 👀👀👀價格: 💰💰💰💰環境: 🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️回頭率: 🔆🔆上樓私房菜，地方算舒適餐廳係Fusion Omakase ，一共10道菜，上枱先知係食咩㗎老闆好熱情好健談，加埋個環境好有在家嘅感覺！⭐️花膠野菌湯先黎個湯花膠野菌湯，望落去好似普通菌湯，但可能因為花膠，口感黏黏的厚厚的幾正味道好香，菌味好濃厚，好開始！⭐️梅子蕃茄用個樽放幾靚幾突別！份量都幾多架，一人都有五卜位舊梅子汁浸住蕃茄，蕃茄好新鮮好甜，梅子醬微微帶酸，食落十分開胃⭐️青瓜沙律 其實裡面冇青瓜，反而係用青瓜，日本醋，味林，日本麻油等做左個沙律汁再配沙律菜除咗有少少青瓜青香，仲有陣陣嘅麻油香，特別清新⭐️蝦多士唔係細細件嘅蝦多士，係蒜蓉多士咁大件嘅多士😂上面舖滿蝦膠再焗，蝦膠好香口感爽，配上泰式辣醬，一咬咬落去上面爽口下面香脆，好味！⭐️三重芝士蟹籽卷感覺好似脆皮春卷，外皮好脆口，咬落芝士味超濃，蟹籽好大粒，

我對食野一向都有少少要求，雖不至於揀飲擇食，分量方面就貴精不貴多，款式方面就最好多啲選擇，呢個問題喺人多食飯時都好解決，如果人少想叫多一兩款，又驚食唔曬，所以都幾中意放題。但最近經朋友介紹下，就試左呢間位於銅鑼灣耀華街既私房菜，D嘢幾有特色同埋好食，價錢亦合理，所以想同大家分享下。我哋book咗六點半鐘，上到去都好快就有野食啦！首先上黎既黑椒花膠湯，香味撲鼻，食落味道濃郁，有好多花膠，而且口感滑流，黑椒唔會太辣，味道啱啱好再黎凍蕃茄和冬陰功沙律，番茄清涼爽脆，蔬菜新鮮，配上冬陰功醬，酸酸地非常開胃蝦多士，蝦餅既香氣令人垂涎，賣相亦十分吸引，非常香脆可口，醮D酸甜醬仲好味煙肉石斑柳卷酸薯蓉，煙肉香甜，魚肉好新鮮，酸薯蓉味道幾特別。慢煮加拿大豬扒阿拉絲雞黯然銷魂意粉，意粉加左鵝油煮，入口香滑食落煙靭，份量十足豆腐布丁，香滑得黎不會太甜，食到停唔到口整體而言食物質素不俗，價錢相宜，值得推薦俾大家。

呢排忙到飛起，偏偏閨蜜Amy就打電話嚟話今晚點都要陪佢食飯，又好姐，好耐冇同佢一齊食飯，啱啱好多野都想同佢倾，就搵間靜啲嘅餐廳，唔好太多人又要有D家庭feel先符合我心水，所以一下子就諗到呢間私房菜，即刻order兩位先記得上次黎食都年幾前既事啦，感覺唔错，加埋有十幾樣菜。今次啲菜款式同上次都係差唔多。首先出場既係湯，今次既湯就唔同左，入面有花膠、蒜蓉、黑椒粒，蒜香味重，花膠都幾腍，真材實料。凍蕃茄一樣給人清新醒神的感覺。煙肉石斑柳卷酸薯蓉，薯蓉的味道幾特別，微酸幾開胃。慢煮加拿大豬扒、阿拉絲雞我個人就覺得普通。最欣賞既係蝦多士和鵝肝醬芝士卷， 蝦多士一上枱香氣撲鼻，令人垂涎欲滴。木鱼絲意粉味道非常可口，軟硬適中口感唔錯。最後壓軸上場既甜品“豆腐布甸”，口感非常滑流，又唔會太甜一路食一路倾，不知不覺就過左兩個幾鐘啦，呢間餐廳俾人感覺係輕鬆舒適，下次會再嚟

由於近年香港舖租高昂，樓上私房菜應運而生，且大多富有特色，上星期我就到訪左銅鑼灣耀華街嘅一間私房菜“Secretland”由於係私房菜原故，所以需要提早幾日confirm菜單。佢地店面雖然不大，但裝潢典雅，坐落都幾舒適。蝦多士，煎得好脆口，外脆內軟，裡面釀左D蝦膏，口感非常。木魚鴨胸意粉，鴨胸肉非常軟腍，而意粉亦非常爽口彈牙，水準之作。杏仁綠茶布甸，綠茶味相當濃郁，而布甸非常幼滑，令人一試難忘。私房菜Secretland嘅菜式富有其色彩及獨特之處，值得推介俾大家一試。

忙中偷閑，今次同朋友聽過呢間餐廳唔少評論都係好評引唔住同朋友一起慕名而嚟。最奇怪一點，佢係冇招牌，亦冇餐牌，一開始當係半信半疑，算啦。第一打頭陣，南瓜湯，粒粒南瓜，濃滑，口感唔錯蝦多士，多士煮得剛剛好，少少脆，蝦膠夾埋多士，感覺層次分明韓松子沙律，菜幾fresh,配埋個醬汁，感覺幾爽。芝士鵝肝卷，從來我都覺得芝士配鵝肝感覺怪怪的，但呢次配搭得剛剛好甜酸三文魚，魚鮮，甜酸適中。紅酒黑醋豬扒，最比我最大驚喜，竟然冇油膩感，豬扒，紅酒，黑醋，三混，味道濃郁，絕配木魚鴨胸意粉，軟硬適中，食落鮮味。杏仁綠茶布甸，最尾食，清淡透出茶香。計落食左十味餸菜，再食埋甜品，感覺啱啱好，好滿足！

喺銅鑼灣返工都有幾年，之前有聽同事介紹過呢間私房菜，但就未幫襯過！今日朋友打黎約食飯，就打算去試下。三點幾先打電話去訂位，以為太遲準備唔切，點知對方就好有禮貌話會盡力安排  耀華街我都幾熟悉，所以唔太難搵，但上到3樓唔見有招牌又冇門牌，同普通住宅冇乜分别，都以為行錯  晚餐包括甜點在內有十樣菜，因私房菜唔單止冇招牌，亦冇餐牌，就等大廚發板啦！廚房都好快手，首先上左南瓜湯先，湯香滑味道唔錯！冷蕃茄，蕃茄好清甜，但我唔鐘意面上果D醬汁，感覺味道唔夾！韓松子沙律好食，菜新鮮爽脆，醬汁也好味！印象最深刻嘅係蝦多士，多士脆得黎唔硬，而蝦肉係剁碎成蝦膠，鋪在多士上煎，食落又脆又有口感，非常好食。芝士鵝肝卷，係用蘇皮卷住D芝士及鵝肝醬，鵝肝醬的香味唔太突出，但都香口好味。木魚鴨胸意粉，意粉軟硬適中，食落可口。蜜糖雞扒，係一味普通但又係大家經常食到的菜式，但就整的好好食，亦冇雪味！甜酸三文魚嫩滑入味，而紅酒黑醋豬扒，齋聽個菜名都覺得開胃，食落亦真係冇油膩感，豬扒入味，紅酒和黑醋製成的醬汁香味濃郁！最後的甜點有兩種選擇，綠茶布丁和焦糖燉蛋，味道唔會太甜，口感香滑，唔錯！主菜的菜式唔突出，但味道可口。環境

近年私房菜喺香港越開越多，喺冇食物牌照，要訂位但冇menu，又唔知廚師手藝的情況下，都長做長有，可見港人對私房菜都幾有信心。而我近排都鐘意左周圍去尋幽探秘，今晚，經朋友推薦，就黎到位於耀華街某大廈的三樓食私房菜！甫入店內，環境好有屋企feel，燈光柔和俾人溫馨的感覺，靜靜地好適合傾下偈！坐左一陣，店員好快就送上南瓜湯忌廉湯，南瓜蓉清甜，忌廉味香濃，味道配搭得宜，湯裡仲有粒粒南瓜增添口感 去皮凍蕃茄，好清甜，去左皮食落口感軟滑，幾有心思 蝦多士，一上枱香氣撲鼻而來，令人垂涎欲滴，食落多士卜卜脆，而蝦餅就香美味，真你一味唔錯的小食 韓松子沙律，蔬菜新鮮爽脆芝士鵝肝卷，初初以為有鵝肝，原來係鵝肝醬，食落香口幾特别！蜜糖雞扒，雞扒好入味，煎得皮脆肉滑！紅酒黑醋豬扒，豬扒入口肉質鬆化，醬汁惹味，底下薯蓉代替了白飯，而薯蓉撈左醬汁亦變得非常可口 甜酸三文魚，本來唔鍾意食魚，亦覺得好食，可能有甜酸汁的緣故 木魚鴨胸意粉，意粉口感唔錯，味道可口，份量亦適中綠茶布丁，杏仁味香濃，不過略嫌綠茶粉多左D呢餐家常的菜式，是師傅精心及有水準的製作，朋友果然冇介紹錯！