Thai Basil (已搬遷) 新店位置

如果你係中環返工，lunch time夠時間想搵間餐廳同朋友食飯，又唔想等太耐位絕對可以黎試下~總共食過Thai Basil 3次，次次都係平日lunch time 12點去攞位，每次都係即刻有位😁兩個人食飯，枱同台之間都隔得幾開。不過呢度就冇set lunch 啦。軟殻蟹米紙卷呢個米紙卷好食好有特色！係出面既米紙卷食通常都係好薄一層，勁多生菜。但佢呢個米紙係又薄又有彈性，卷左三層既做法，令到成個卷好有口感！加上軟殻蟹炸出黎好香，配埋酸酸甜甜既蛋黃醬，感覺有啲似食壽司炸蝦卷咁！絕對好食同值得試！燒鰻魚燒鰻魚雖然貴，不過又真係好食喎。平時出去食鰻魚通常都係日式急凍既，不過呢度可以食到自家燒既~肉夠厚身，好肥味。而且配泰式魚露醬汁，非常特別。但我最欣賞既都係配菜既，佢係條狀既菠蘿同生茄子沙律，菠蘿又甜又淋，茄子生食脆卜卜，完全刷新左我既味蕾，冇諗過原來咁既combination 會係愈食愈上頭！正！大蝦炒金邊粉呢個菜式唔算新穎，不過勝在金邊粉既口感好彈。蝦夠大隻，份量合理，調味唔錯。整體係好食既。其實都黎過Thai Basil 3次，食過咖哩，食過菜。不過呢次食既三道菜都真係最有特式既一次

咁岩呢日去左金鐘做野，同事就帶左我黎呢間餐廳食Lunch。環境算寬敞，而且到左lunch hour，都幾多人排隊食佢～蝦炒金邊粉炒得好乾身，唔會太過濕，加番Ｄ青檸汁吊番Ｄ味出黎。不過略嫌配料較少，好在隻蝦都算大隻～大蝦青咖喱炒有機糙米難得食炒飯係用上糙米，仲要係有機，感覺都健康左Ｄ。同金邊粉一樣，都炒得好乾身，仲粒粒分明，鑊氣好夠！青咖喱味好出，超好食！如果份量大番少少，就更佳！軟殼蟹米紙卷呢個係我既最愛！用薄薄既米紙卷包住炸得卜卜脆既軟殼蟹，咬落去無敵了！煙煙韌韌既米紙，炸軟殼蟹仲係KEEP 到脆身的，一啖咬落去成個口都有好FULL 的感覺！配埋牛油果醬，２個字，好味！燒薄切豬頸肉燒得好香脆，再配埋個特製醬汁，酸酸地，配飯食一流！而且唔會燒得太老，帶點少焦味，好有係泰國街邊食串燒咁地道既感覺！係金鍾冇乜選擇既情況下，呢間餐廳真係值得推薦，起碼性價比算中上，而味道亦唔會令你失望！

之前山長山遠黎到太古廣場，諗住係樓上食漢堡包，但去到又揀唔落手。最尾好肚餓既無諗咁多，見到Thai Basil都幾多人，望一眼menu就立即入左黎坐低。坐低我地光速揀野食，餐廳上菜都好快，如果唔係我地隻餓鬼一定反檯。軟殼蟹米紙卷最先黎到嘅就係呢款米紙卷，平時我食既米紙卷擺盤都比較單調，幾碌野好孤單光脫脫咁棟係碟度，對比起，呢間餐廳喺擺盤方面都有花啲心思。米紙皮唔會軟爛，帶啲煙韌又唔痴牙唔難𡁻。軟殼蟹微溫唔油膩，少少鹹卜卜脆。卷內蔬菜同牛油果醬平衡番，令成個卷變得清爽。淋係旁邊嘅芫茜油都唔會搶味，唔食芫茜嘅人應該唔多覺。呢個米紙卷佢配左一碟醬，係沙律醬加蝦油（不過蝦油又係無乜存在感），甜甜酸酸，增加左米紙卷味道嘅層次感。生菜包呢款生菜包有豬肉同鴨肉，肉碎炒得乾身，鴨肉都無膻味。加埋啲香料、芫茜、羅勒葉，真係好香口！生菜同埋醃洋蔥balance番重口味既肉碎，三兩啖就輕鬆KO成碟。不過事實無咁輕鬆，因為呢碟對我黎講有啲辣，食完呢個，食乜都係辣嘅。Pad Thai廚師將金邊粉炒得條條分明，同時又唔會滿口油，或者變左濕炒咁。亦都唔會好似有啲香港泰菜咁，落勁多茄汁當羅望子汁，最尾入口飲茄汁咁款。

Thai Basil已經唔係第一次幫襯，今次再嚟食發覺最大嘅分別係價錢貴左，餐牌變得簡單左，有一啲菜式已經冇咗，例如我嘅至愛泰式濕炒河，都冇辦法已經坐低，唯有希望佢嘅菜式味道保持水準。今次幫襯，發覺水準依然，分量亦保持不變，我第一次試佢哋嘅青咖喱，發覺佢哋雞肉以燒烤處理，感覺特別，另外，亦係第一次試佢哋嘅燒薄餅，出奇地好，所以特別叫多一客，回味無窮，雪糕香蕉布甸呢一個甜品已經食咗好多年，加價之後水準依然無變，係非常值得一試嘅長青甜品。

早前在輔仁媒體看過一篇文章《金鐘無啖好食》，其實我同意金鐘真的沒什麼性價比高的餐廳。礙於工作關係，方便就腳始終是在Pacific Place 覓食的主要原因。我認同在這裡吃什麼都貴，但既然貴是避免不了，就乾脆要找點好吃的，免得荷包和腸胃兩敗俱傷。就在平日的下午1時，相約了5位女同事食飯，湊成了兩個女人墟（三個女人一個墟嘛）。有預先致電訂枱，所以不用等就進去了（hold 枱十分鐘呀不要遲到啊），沒訂位是需要等好一會的。餐廳是m.a.x. concepts 旗下的，面積頗大，保守估計應該有百餘個座位。中央有幾盞大吊燈，靠這些黃光照亮大廳，製造出一點浪漫情調，甚少泰國餐廳會走這個路線。吃泰菜我通常會到九龍城，貨真價實，不過環境就談不上這裡了。 這裡全是單點，沒有套餐。兩口子來吃的話，Kokomi 的單點menu 還可以點定食，這裡可不知怎樣點了。我們一行6人，事就易辦得多了。1) 酸辣柚子沙律 $88份量不欺場，6個人分都未至於只得一啖。柚子肉混合花生、爆香的蒜片堆成一個小山丘，甚大堆頭。顆顆柚子肉飽滿，配以酸辣醬汁，很醒胃。有同事不太嗜辣，吃了一口便停了手，因為覺得太辣了，不嗜辣的朋友要

連寫兩篇試食後，也是時間寫一寫自己的食記，讓可愛的妹妹也出一出場啦！今晚記的是上週一，出席完活動後的三人行late dinner，也是又滿意又盡興的一頓。其實在活動中已經吃了十多款canapes，不過大食的甜魔媽媽嘛，胃部還是有點空虛，由深水灣搭的出來的路上，突然bling出金鐘太古廣場的Thai Basil，就它了！想吃Thai Basil的原因有幾個，首先也是最重要是老公的AE白金卡有二人半價，第二是甜魔媽媽很想念這裡的雪糕香蕉布甸，最後是有點無聊，但卻是想實行很久的念頭----去借一借太古廣場的BB車來用！不止太古廣場，其實IFC及圓方的BB也有興趣借用啦，不過這裡的車是一直用開的Chicco，更有興致了～由於餐廳不設BB high chair，有架BB車可以給妹妹坐，的確方便很多。估不到是接近9點的時間，偌大的餐廳仍然差不多爆滿，我們也等了7-8分鐘才安排到座位。還好之後上菜倒是幾快，這是老公的virgin版青檸梳打 ($39)，因為之前真的飲得太多酒精啦！味道不錯的。甜魔媽媽對甜品的興趣遠大於飲品，只飲清水好了。有了青檸，在等食之際可以與妹妹玩餵食檸檬遊戲了！還記得囝囝就是約