Wolfgang's Steakhouse Hong Kong

营业中

休息中

一直想都想試呢間過江龍，之前喺小紅書見到深圳都有一間分店，好可惜未有得通關，於是決定去香港呢間試吓。一入到去環境都幾舒服，不過同隔離張枱太近。可能係平日夜晚所以呢間餐廳都唔係好滿，好多外國人黎食。頭盤試咗幾味餸，沙律生蠔龍蝦湯同蟹餅。個人認為生蠔幾好，有海水鮮味。沙律就係以蕃茄為主，個汁都幾好食。龍蝦湯就不過不失，叫一份可以分兩碗上。蟹餅就好似燶咗咁，冇咩特別。本來叫咗咁多頭款，唔想食咁多肉，所以淨係點左一份西冷扒。點知廚房嚟錯咗Porterhouse.....見佢一嚟到就諗啲油上去都唔好意思講話其實我哋冇叫到呢個。講真份量真係太多，我哋仲叫咗兩個side dish，根本冇可能食得晒。牛扒質素係不錯，食之前淋啲油上去都好有儀式感。好可惜就係黎錯咗牛扒，貴一倍。。。

朋友聚餐好介紹8個人食，可以咩都試下3款扒叫哂，全部叫 medium rareporterhouse for 4：分量超夠，厚切大大件，牛味十足肉眼：有獨門香料醃過，肉質夠淋身西冷：我最中意西冷，有牛味，有咬口🤓記得一定要試芝士蛋糕，相當出色

情人節午餐約左同事們去馳名過江龍牛扒餐廳食個靚飯。我地早左一個禮拜訂位，所以去到唔洗等。但其實我地食完都仲有幾張吉檯。是日午餐餐單:黎得扒房冇理由唔食扒既~於是我地全部都嗌左SIRLOIN STEAK (MEDIUM RARE)， 前菜揀左Crab Cake，而伴菜揀左Creamed Spinach同Sauteed Mushrooms。餐包: 個餐包暖暖地，外皮偏硬，但個包芯係軟熟既，配牛油，不過不失。等左一陣，前菜黎啦~Wolfgang's Crab Cake: 通常D菜名前面加左自己餐廳名既都係招牌菜，果然，呢個Crab Cake真心好味。除左蟹餅之外仲有少少沙律菜，個蟹餅切開就知佢真材實料，入面全部都係大大舊既蟹肉黎!!!仲要出晒煙，熱辣辣，夾埋隔離隻酸瓜醬，又甜又唔膩，好味!!主角登場~西冷牛扒 (3成熟): 賣相十分吸引，外表金黃帶少少焦脆咁，份量好多，每塊成吋厚，超足料。一開始塊扒未黎果陣侍應預先放左隻反轉既碟仔係前面，目的係令到塊扒打斜放，等d滾油同汁唔會浸住塊扒，搞到塊扒越來越熟同埋咁樣冇咁肥膩。呢樣野好貼心。講返塊扒既味道，雖然佢好夠厚，外層又煎得香脆，熟成度都準確，

環境舒服, 但因為樓底不夠高既關係, 人多時嘈雜聲好厲害; 若果想靜靜地享受二人晚餐的你, 恐怕呢間唔係一個好既選擇~ 不過, 我就覺得嘈一點都好過太過區謹, 因為我好怕拎包紙巾都引起注視既感覺 XDD講返食物, 呢度D扒係Dry-Aged熟成, 肉味特別香濃, 切開唔會有血水, 我地叫左個二人分既porterhouse, medium rare, 温度對位, 肉質嫩兼juicy。另外我地都有叫頭盤蟹餅同side dish青露荀同德國焗薯, 全部都好美味, 尤其係德國焗薯, 面頭焗到好脆, 好似食緊脆薯角咁!其實我都好想試佢地個cheese cake, 可惜實在太飽....希望將來有機會重臨啦!