潮盛館

营业中

休息中

同朋友敘舊，去咗一間觀塘工廈近觀塘道的潮州菜館。位置有少少隱蔽，估唔到裏面全場滿咗，可能口碑好。裝修新淨，坐得有少少擠擁，但還可接受，店員服務有禮。潮盛滷水鵝片（例）鵝片肉質唔錯，新鮮爽口，滷水得啱啱好，有豆腐墊底，豆腐同樣新鮮爽滑。潮盛拔絲咕嚕肉真店之寶，枱枱都有一碟，擺位賣相靚，和普通的咕嚕肉相比外皮較脆身，肉質保持嫩滑，有菠蘿裝飾伴碟，令人開胃醒神。潮盛炸蠔餅新鮮即製，蠔餅炸得鬆化，蠔仔份量足。蠔仔粥（一鍋份量）蠔仔數量都算多，加咗翠玉瓜粒粒，增添口感。總括嚟講，食物質素唔錯，而且價錢合理，仲唔使+1添，怪唔得座無虛席，下次會再幫襯。

星期五晚同朋友嚟食飯，呢間潮州食館水準唔錯喎！三個人只叫了：蠔仔粥，鹵水鵝弁墨魚鵝腸，黑松露金沙蝦多士，同埋小炒皇蠔仔粥嘅蠔大大粒，質地好夠鮮味，粥底似番潮州野，啱食！鹵水鵝片切得比較薄，鵝腸彈牙乾淨入味，讚！黑松露同咸蛋皇香口，配蝦多士炸得火侯啱啱好，唔會太油膩，好食！小炒皇合格冇乜特別，ok嘅！環境坐位算舒適，但有點嘈吵伙記人手有d唔夠，忙到做唔切咁，但好在有效率有禮貌，難得！價格合理可接受地點方便，喺觀塘站行去只係幾分鐘，門口好多唔同路線巴士小巴，泊車就喺商業區內唔難揾。

間唔中會同朋友去食下潮州菜，最近發現觀塘呢間潮州菜水準都唔錯，仲幾多位，適合一大班人去！❣️除左滷肉外，仲有海鮮類，想食得精緻d 都ok！個人推介酒香鮑魚～❣️傳統潮州菜如炸蠔仔餅都幾有特色！✨酒香鮑魚$108- 大大隻，酒香好入味，更突出鮑魚鮮甜味道。鮑魚口感好好，推介！🦪蠔仔粥$118- 大大鍋，入面超級多蠔仔，粒粒都幾大粒同肥美，味道唔錯✨滷水拼盤$158- 滷水醬料香，豬大腸肥美入味，口感幾好，底下嘅豆腐都好入味🍤黑松露金沙蝦多士（4件）$98- 大大隻蝦好脆口，配上黑松露加鹹蛋醬，啖啖滋味🦪潮盛炸蠔餅$128- 真係幾特別，超級脆又多蠔肉，難得係唔會好肥膩，同一般蠔仔餅唔同下次再約一班人來食！

  今晚兩兄弟在觀塘道打算搭巴士返元朗，在等巴士期間發現付近有一間新開張的中菜館，主打滷水及廣東小菜等。除全日免加一外，晚市堂食仲有85折。幾吸引！都好耐冇食潮洲菜了，於是決定先食個晚飯才返元朗。   坐低看過餐牌都好多小菜款式選擇，滷水菜式及小食也十分多配搭。海鮮，前菜，冷盤，家常小菜，粉麵飯等。  我們點了滷水鵝片拼盤(三拼) 248元墨魚，豬腩肉，滷水鵝片首先滷水汁好香，惹味！鵝片肉嫩入味，鹹甜味道適中，腩肉皮層煙韌中帶爽，肥而不膩的肉彈口甘香。墨魚口感煙韌得來帶軟熟啖啖鮮香。 塩香海蜇手撕雞 118元好大碟！足料！(睇份量足有半隻雞)海哲質感爽脆，芝麻，花生好香口，蔥，香菜麻油和醬汁混合帶出豐富味道層次。冰冰涼口感怡神！招牌菜～潮盛拔絲咕嚕肉  138 元堅係好味！ 擺盤又靚！色澤鮮明閃閃令，賣相好吸引！咕嚕肉表面的脆漿 好鬆脆，中間的肉軟彈嫩滑， 芡汁味道調得酸甜度適中 好醒胃。新鮮 菠蘿夠爽甜。蠔仔粥 68元 (碗)潮洲粥底好清爽好大碗，有蠔仔和肉碎蠔肉新鮮爽彈扎實大粒而且份量好多！成碗粥充滿鮮味，還有香口的卜卜脆米，又鮮又香！一流！埋單免加一仲有折扣！好味道又抵食！

觀塘新張不久的潮洲菜餐廳，已儲下不少捧場客，Weekend晚餐時間客人很多，但座位空間感足，不覺擠迫。Menu上的選擇比預期中多，更有些從未吃過的潮洲菜菜式，份量非常足料，下次可以再Encore！潮盛滷水鵝片（例）$228潮洲菜必點的前菜，已起肉的鵝片厚薄均勻，嫩滑細緻，鵝油香突出，與滷水汁融為一體，濃郁而不會死鹹。原本打算淺嚐一下，但例牌份量比想像中多，如Main Course般有肉感。滷水豆腐（2件）$20原本以為滷水鵝片會以芽菜墊底，所以額外Order一份滷水豆腐，2件都很大件，切開後足以堆滿一碟，也只是$20，CP值很高！潮盛特色醉乳鴿 $128醉雞、醉鮑魚就吃得多，醉乳鴿卻是第一次，完全適合懶人Order，小小的乳鴿已被起肉切片，原隻乳鴿擺盤很有心思。醉香味道中等而入味，炎炎夏日吃個啖啖肉又嫩滑的冷盤，很爽！蠔仔粥（碗）$68蠔仔大大粒，圓潤飽滿，加上方魚乾、芫茜、香芹等配料，整體味道鮮甜、足料。Order之前諮詢過店員，她建議二人Order一碗就好，大約分到4個飯碗，結果，我們分到5-6碗，超級飽，大概是兩個大隻佬的份量。豉椒炒鵝腸 $138大廚鑊氣之作，鵝腸已去除多餘的肥

潮洲菜我都好耐冇食，近日經過觀塘，見到新開咗間潮洲菜，新張期間晚市堂食更享有85折，全日仲免收加一，當然要去試下啦✨宮廷蘿蔔 $48先叫個前菜，擺盤都幾靚有心思，蘿蔔食落爽口無渣，酸酸地幾開胃✨鵝片拼盤三拼 $248（鵝片、牛腱、墨魚）有鵝片或鵝件選擇，我鍾意食一片片嘅鵝片，無骨食得比較方便，鵝肉細緻軟嫩，墨魚大大片，食落爽口；牛腱軟腍入味；底層嘅嫩滑豆腐更吸收晒滷水精華✨卜卜蜆煲$168呢個係隱藏菜單，餐牌係無嘅，無意偷聽店員對話得知今日有兩份卜卜蜆，鍾意食蜆嘅我即刻叫返份試下，每粒蜆肉都好飽滿，味道鮮甜，胡椒湯味道香濃，帶微辣，娃娃菜吸收晒胡椒湯汁嘅味道，夠晒美味✨啫啫芥蘭煲 $128上枱時已經充滿香味，芥蘭食落爽口，搭配肉碎和蝦乾勁惹味✨蠔仔粥 $118蠔仔粥都幾大碗，蠔仔都夠大隻飽滿，味道鮮甜，粥底用咗脆米食落更加香口，不經不覺都食咗幾碗✨芭樂芒果梳打 $32✨荔枝紅茶 $32炎炎夏日，配返杯冰凍嘅特飲就啱晒啦