陳儀興尚潮樓 (太子道西)

营业中

休息中

適逢朋友生日，我哋一行五人去咗陳儀興尚潮樓食打冷～ 環境非常之雅致，好適合同友人談天說地，享受美食煎蠔餅蠔餅煎得幾好，鬆脆，肥美。可以一試之後幫我地點菜嘅姐姐叫我哋一定要試一下佢哋嘅炸豆腐。炸豆腐呢碟炸豆腐就本身冇咩味道，一定要沾上佢哋啲醬汁。佢哋嗰啲醬汁係清新嘅，但係又唔係話好好食嗰種。豆腐炸得酥脆，但要靠啲醬汁調味。由於冇咩調味，我就略嫌太過淡啦。滷水鵝片滷水鵝片又真係幾入味，下邊中墊住啲豆腐，無論滷水鵝片定係豆腐都非常之入味。美味可口。呢個滷水豆腐就真係好味過炸豆腐啦 滷水墨魚加大腸呢碟又係入醃得好好味，大腸就真係好鬼爽口，好過癮。大家不妨一試沙嗲牛肉炒芥蘭芥蘭炒得幾唔錯，牛肉質感還好，但味道有啲鹹。不過送飯都唔錯嘅 蠔仔粥蠔仔粥有啲魚乾仔同埋啲蠔都大隻嘅。味道還好，略欠鮮甜。整體嚟講環境乾淨企理，係用餐舒服嘅地方。呢一間餐廳不過不失，份量就細咗少少，但食物都唔錯嘅。眼見有幾台都係慶祝生日，應該係食生日飯嘅好地方

假期早上到花墟買花，行完街有少少肚餓，經過太子潮州老店陳儀興，決定入去醫肚。餐廳有兩層，這次我們坐樓下，樓底夠高，座位都算寬敞舒適。餐牌上面全部都是潮州名菜，好多都想試，可惜我們只有兩個人，最後揀咗：鵝三寶、招牌白桃粿和蠔仔粥。鵝三寶包括鵝肝、鵝片和鵝腸，滷水好入味，唔會太鹹，其中我最喜歡的是鵝肝，夠滑夠肥美，鵝片就啖啖肉，鵝腸爽口，三款不同的口感，全部都好食招牌白桃粿幾特別，喺其他餐廳冇見過，形狀好似心形，粿皮夠煙韌，入面餡料亦非常多，少少甜少少咸，幾好食蠔仔粥入面嘅蠔仔都好新鮮甜美，份量都唔少，不錯 希望下次可以約多幾個朋友一齊試多啲菜式