三小漁

营业中

休息中

媽咪話食過呢間餐館好食，於是今晚同佢黎食個晚飯。入門口位置要先用手探體溫計。聽媽咪話呢度蒜泥白肉唔錯，果然幾好味，服務員提醒，用白肉捲住青瓜更好味。青瓜同白肉嘅反差，一濃一清新，果然唔錯。肉質嫩口，薑蔥味十足嘅生煎薑蔥雞，非常惹味，炒雞帶有平時食開雞煲嘅鍋氣，夠哂火喉。咁香濃惹味嘅味道，服務員強調無加味精，全憑師傅炒功同自家醬汁。少有餐館用呢種較大隻肥厚嘅蠔仔做湯，蠔仔肉碎浸時蔬蠔仔肉份量唔少，蔬菜浸住上湯幾好送飯。餐館提供嘅茶類選擇亦較特別，媽咪揀左桂花烏龍，真係清香消滯，令整餐飯加左一點點綴。

平時同朋友都比較少食中菜,見到有間特色既小店,主打粵式小炒👍🏻咁又好耐無食過,所以就去試下!!.食物方面:⚪️煙燻糖心蛋顏色好令既糖心蛋,入面有少少辣辣地既香料好惹味!🙋🏻‍♀️⚪️黑磚豆腐黑磚問左店員原來係用竹炭粉整的👀豆腐炸得外脆內嫩,好香口,再加左炸蒜,超正!⚪️鮮菠蘿芥末蝦球首先賣相真係好令,蝦球炸香之後再用芥末醬炒.芥末醬甜甜地唔會好攻鼻岩岩好,配埋蝦球好開胃,蝦肉超大隻而且無殼啖啖肉好正好彈牙👄配埋新鮮既地門菠蘿,又甜又無渣,超推介👍🏻⚪️黑蒜粉絲蒸蟶子用黑蒜蒸好特別,真係第一次食,比普通蒜香好多,蟶子岩岩熟🤪配合粉絲食到停唔到口!⚪️蠔仔肉碎浸時蔬點都要食個菜,叫左個清淡少少既上湯浸硯菜,蠔仔好鮮味,好大碟,清清地唔錯!⚪️砵仔蒸絲苗白飯食小菜所以叫左個飯,但好大碗,其實一碗都夠2個人食😎⚪️黑芝麻芝士蛋糕飯後甜品叫左個芝士蛋糕,味道好濃,凍食好似食緊雪糕,唔錯!整體方面:餐廳好令,好似打卡CAFE咁,好正!座位好寬闊,好舒服,食物好新鮮好有質素,而且唔收加一服務費,性格比好高🥰中意食好野又中意影相既一定要試下,🍽餐廳連擺盤上碟都好認真,影相打卡一流.同屋企人/朋友一齊食野真係最適合!

三小漁係觀塘一間新開嘅新派中菜廳，朋友食過話佢好食我黎荐式亦特別，而且環境闊落坐得舒服，所以母親節就黎哩度慶祝。三小漁走定價中檔路線，小食、小菜、海鮮同飯麵都有，款式幾特別。自家製紅棗桂圓茶($18)天氣熱想飲凍野又唔想飲汽水，就叫左杯紅棗桂圓茶，好大杯，係成杯放落雪櫃雪凍冇加冰，所以飲落去唔會過太冰凍，唔會太甜，紅棗補血啱晒女仔飲。陳醋黑琥珀木耳($48)哩度嘅木耳比平時食倒嘅厚身厚身同爽口，加埋陳醋嘅醋酸味，非常開胃。脆皮風沙雞半隻($128)風沙雞雞皮又薄又脆，雞肉唔會煮得太熟，近骨位仲有少少血水，肉質特別滑。雖然風沙雞上枱有跟甜酸醬，但本身鹹鹹地已經好夠味，個人覺得唔蘸甜酸醬仲好食。蠔仔肉碎浸時蔬($88)莧菜上面有好多肉碎、豆卜同蠔仔，莧菜唔會太老，蠔仔有睇頭夠嫩滑，上湯清清地已經好好味。桃膠燉菊花豆腐($48)桃膠養顏，可以話係平民燕窩，加埋切成狀嘅豆腐，睇得又食得。總結，食物水準高，菜式特別，價錢亦合理，限聚令放寬左可以同家人朋友黎食返餐。