蓮香樓 (已易手) 新餐厅

對上一次到訪蓮香樓已是很久以前的事，今次到訪，環境依舊，等位人龍同樣出現。每次於蓮香樓用餐，通常是點選家常小菜，亦正正是簡單的家常小菜，更易測試大廚門的功力。花生蓮藕煲雞腳：湯料足，湯水夠火喉可口。粟米石斑塊：斑塊用上肉質結實的青衣柳，食味不俗。蝦仁炒蛋：炒蛋很香滑，蝦仁夠大隻夠鮮爽，激讚！西檸雞：雞件脆香但略老火，西檸汁薄身美味。菜心炒牛肉：菜心合時清甜，口感腍身。牛肉鬆軟入味。琵琶豆腐：醬汁過稠，豆腐質感略實，賣相亦見老火。紅豆沙：起沙，甜度味道合心。

相公既叔叔一家由外國返黎HK...咁啱今日係相公堂細妹生日既日子, 而佢地想食D特別D既野食, 於是是晚訂了蓮香樓. 八寶鴨- 訂枱時要預留, 鴨用料豐富, 內藏了蓮子, 栗子, 咸蛋等...鴨肉鬆化, 鴨既皮無油, 好滋味~ 焗魚腸, 一定要熱食, 本魚唔吃, 但聽相公話魚腸唔太腥, 幾香口. 薑蔥魚雲煲, 煲一上枱滋滋地響, 老爺話魚雲新鮮, 個汁惹味, 唔錯. 煎蓮藕餅, 很香口, 肉彈呀, 新鮮煎起, 正~ 西檸雞, 汁可口, 不過火, 加上脆脆既雞塊好味~ 生炒排骨, 同西檸雞一樣, 汁無過火, 舊式酒樓好少失手. 生根鯪魚球, 細細粒, 夠彈牙, 一口一粒, 好味, 加上生根吸收晒汁+鯪魚球鮮味, 正~ 琵琶豆腐, 外脆內軟, 汁一樣, 啱啱好, 嘻.. 蒜蓉炒豆苗, 本魚覺得炒得乾身了少少... 芥菜蘭炒腊味, 因為細妹們想吃腊腸, 所以叫了, 芥蘭鮮嫩, 腊味有腊腸, 潤腸+腊肉, 見佢地吃得滋味都唔差掛~ 最後, 甜品上場, 焗蓮蓉西米布甸, 上枱熱辣辣, 極吸引, 蓮蓉香滑, 焗得有水準..想再吃呢~總括還境嘈雜, 好難傾計, 伙計既服務唔錯 一上樓, 伙記見你

7月1日（星期三）晚，網友相約來這裡吃晚飯。最初還未決定是否出席，主要是因為前兩日才在蓮香居吃過晚飯，但難得與網友相聚，順道可比較兩者的分別，飯局前兩天才決定和女友出席。是晚蓮香樓非常多人，樓梯企滿等候的客人，就算訂了位也要等，不過很快就可以入座了。一如以往，由飯局發起人“發辦”，點了以下食物：冬瓜盅：雖然賣相比蓮香居稍遜，但用料十足，湯底依然清甜，還多了一點火鴨的味道；八寶鴨：味道和口感與蓮香居無異，不過是晚我吃得特別多，因為猜輸了要把部份吃剩的八寶鴨吃掉； 蝦籽柚皮：雖然這道懷舊菜我從來未吃過，但做得不好吃，柚皮總算軟腍，芡汁和蝦籽的味道卻很淡；炸藕餅：藕餅香脆爽口，略嫌炸得過了些火；西檸雞：雞肉不算嫩滑，檸檬汁亦不夠酸；咕嚕肉：酸甜汁做得不夠突出，梅頭肉總算合格，但最受歡迎的似乎是菠蘿；金銀蛋浸莧菜和豆豉鯪魚油麥菜：蔬菜新鮮翠綠，味道一般； 蒸（牛）肉餅：女友說味道和口感與吃山竹牛肉一樣，肉質鬆軟嫩滑，肉味濃郁；褔建炒飯：因為荷葉飯售罄就叫這個，用料十足，味道不錯，略嫌芡汁多了些！整頓晚飯言談甚歡，更見到久未露面的網友，吃完晚飯更一起去吃糖水。