Moodie Wine & Dine

营业中

休息中

一直都聽朋友推介話蘭桂芳和安里有一間好好食的西班牙餐廳，之前日日都好爆滿，依家終於訂到位，一入餐廳細細間，原來仲有樓上，行上樓梯就見到好多位，坐低左一陣就全場滿座，同朋友三個人一齊食飯就叫左一個Tasting Menu，另加多一個前菜&主菜，下次一定要再去。芝士脆牛肉他他入口好香芝士味，生牛肉他他個味岩岩好，配搭得非常好，呢個真係好好食。西班牙傳統蒜蓉大蝦多士，蝦好新鮮彈牙，好香蒜味但又唔會太濃，配埋我地點的白酒係完美配搭。秘製青蘋果柚子漬帶子配沙律，帶子新鮮切到薄薄一片，入口鮮甜，食到帶子的鮮味，配上特製將醬汁酸酸甜甜特別開胃，橙好甜，熱情果就酸咪咪，值得推薦。青口有五個口味可以選擇，我地就揀左傳統白酒，青口好鮮甜軟滑，白酒汁就係比較清淡，一d都唔會咸同埋油膩。龍蝦湯蕃茄長通粉配雞胸，雞胸出奇地煮得好嫩滑，長通粉吸收晒龍蝦湯蕃茄的味道，有好濃的龍蝦湯味，加上芝士粉好惹味。西班牙海鮮飯用料十足，係比較傳統的西班牙飯，但就無食到飯焦，口感都好好，味道好鮮味，三個人食都無問題。慢煮伊比利亞黑毛豬配秘製杏脯醬，豬肉好淋好多味，煎到外脆內軟岩岩好，配埋杏脯醬少少酸甜，完全無油膩感，多食幾塊都無

環境5分：西餐廳地下樓上兩層格局，圓形樓梯上落好有格調，廁所近門口，畀藍色佳磚遮住，外觀好特別，環境可以畀滿分。衛生5分：地方乾淨企理，光猛通爽好舒服。服務5分：服務一流，一個靚女侍應搞掂囇，落單傳菜加水全部爽手速度快，雖然佢要上上落落條樓梯但都好落力，態度非常好，一定畀滿分。味道5分：1)     西班牙辣肉腸牛肉他他有隻生蛋黃响上高，撈勻囇黎食最香滑，搽少少上旁邊四塊附送嘅西班牙多士面，味道已經夠濃郁，辣辣地好惹味。2)     所以食到半路就要加六塊酸種麵包黏埋餘下嘅牛肉他他，實在太好味。3)     西班牙海鮮飯有蝦，青口同魷魚舖面，滴幾滴檸檬汁上去零舍開胃，Ｄ飯粒濕濕地非常煙韌，好香口，好飽肚。抵食5分：西餐廳二百幾蚊位，有牛肉又有海鮮飯，非常超值，滿分。