Moodie Wine & Dine

营业中

休息中

环境5分：西餐厅地下楼上两层格局，圆形楼梯上落好有格调，厕所近门口，畀蓝色佳砖遮住，外观好特别，环境可以畀满分。卫生5分：地方干净企理，光猛通爽好舒服。服务5分：服务一流，一个靓女侍应搞掂囇，落单传菜加水全部爽手速度快，虽然佢要上上落落条楼梯但都好落力，态度非常好，一定畀满分。味道5分：1)     西班牙辣肉肠牛肉他他有只生蛋黄响上高，捞匀囇黎食最香滑，搽少少上旁边四块附送嘅西班牙多士面，味道已经够浓郁，辣辣地好惹味。2)     所以食到半路就要加六块酸种面包黏埋余下嘅牛肉他他，实在太好味。3)     西班牙海鲜饭有虾，青口同鱿鱼舖面，滴几滴柠檬汁上去零舍开胃，Ｄ饭粒湿湿地非常烟韧，好香口，好饱肚。抵食5分：西餐厅二百几蚊位，有牛肉又有海鲜饭，非常超值，满分。