Playa de Papagayo (已結業)

因為朋友移民外國幾年,難得佢返香港,所以想搵間坐得舒服,唔係好嘈和唔係好多人的餐廳,讓我們可以慢慢談天說地!!腦裡突然想起曾經行街經過這間西班牙餐廳,完全符合了我的要求,所以立即約朋友當晚見!!餐廳位於天文臺道,距離熱鬧的街道較遠,外面放了幾張枱,因為街上不算好多人,所以坐室外都幾舒服,室內裝修得很有格調,一邊吧枱一邊餐枱,燈光暗暗地幾有氣氛!!我們打開餐牌,選擇真係好多,因為我們都未食過西班牙菜,所以每樣都好想試,可惜我們又唔係大食,所以最後決定選擇了<烤焗香辣豬小脾>, <三重迷你漢堡>, <西班牙紅花海鮮飯><烤焗香辣豬小脾> 雖然個名叫豬小脾,但一點都不小啊!!配上微微香辣醬汁烤焗,香氣撲鼻,肉質沒有因為烤焗而變得過乾,反而嫩滑又多汁,非常惹味!!<三重迷你漢堡> 迷你漢堡雖然細細個,但份量不會輸給正常漢堡!一共3種口味,包括牛肉,海鮮和豚肉!!牛肉漢堡的牛肉厚身又多汁,牛味濃郁!!加上濃濃的芝士,十分好味!!豚肉漢堡的豚肉炸得外脆內軟,配合菜和番茄中和了炸豚肉的滯膩感!海鮮漢堡的餡料係蜆肉,墨魚和

朋友生日，揀咗佢鍾意嘅西餐🤓星期五嘅晚上，嚟到呢個地方特別relax😌餐廳外仲放咗幾張枱，坐出面又係另一番風味😜入到餐廳，第一眼就望到牆上嘅字燈，仲有佢個menu，好靚好吸引，好想去沙灘呀🤣由於餐廳內氣氛實在太好，如果想傾吓計嘅話可能要講大聲啲先聽到😜之後就係bar枱上大大隻嘅鹹豬手，幾咁架勢😆仲有bar枱背後嘅酒幾咁壯觀😍朋友未到齊之前已經好肚餓，所以就叫咗啲小食同嘢飲。炸魷魚圈好香口，仲有個吐司，有八種味道( 蕃茄沙沙， 煙火腿， 鵝肝醬， 黑松露滑蛋， 蒜香蝦， 蟹肉醬， 辣螺肉， 吞拿魚他他)，朋友未到已經食晒😜叫咗jar Regular Sangria，好香甜嘅果味，好易飲，唔係好識飲酒嘅人可以試吓。朋友終於到，叫多咗幾樣主菜。沙律菜好鮮甜，隻蝦好好味😋西班牙海鮮飯，我唔鍾意食青口無試到，啲蝦依然咁好味，魷魚口感彈牙，飯嘅軟硬度我覺得適中，朋友就覺得略為軟身得滯。仲有個四式pizza，薄批，芝士味非常之濃厚，喜歡芝士嘅人一定要試。

因有訂座，餐廳安排較獨立一角梳化位，但位置極接近收銀，友人頻被侍應衣服輕掃，略為無奈。一行人四人先點一酌white sangria, 侍應小妹努力想幫眾人斟酒，可惜生手非常，一路斟一路漏，浪費美酒呀上菜時，其實枱面不大，本適合朋友小聚，但餐廳同時將前菜主菜同時上菜，本想好好享受美酒小食，都顯得匆忙。而且食完前菜，主菜又已灘凍，太可惜。最後再多補一酌white sangria, 改由另一位侍應哥哥斟酒，手法熟練，美酒豈能浪費

呢間係天文台道地舖，舖位都幾大，有分室內同室內，我地唔食煙都係揀番室內！黑松露雞茸蘑菇脆卷: 一望到仲以為係熱食，咬落先知係凍食！入面既黑松露雞茸蘑菇醬好夠黑松露味，外面既皮脆到好似食炸春卷咁，2邊既係餅碎！記得要盡快食，因為放耐左會唔脆架啦！燒焗豬手件配自家制酸椰菜: 呢個份量好正，岩哂我呢啲突發想食2件過口癮既人！豬手皮焗得脆得濟，有少少硬，豬手配個芥末醬好夾！西班牙紅花海鮮飯:呢個飯等左幾耐下，上枱好大碟，一打開真係嘩左聲，好靚，好多海鮮！入面有大蝦，青口，魷魚，菇同埋好鮮甜既硯。個飯好食，我自己覺得硬左少少少，但朋友覺得岩岩好！叫左2杯野飲！Apple Tini:酒精濃度唔太高，對於我呢啲少飲酒既人都飲到！Lychee Punch:荔枝青蘋果既飲品，無酒精的！呢度食飯傾計，環境都好適合！

今日同老婆慶祝相識週年纪念日，特別挑選一間特色的餐廳食晚飯，經朋友介紹這間Playa de Papagayo 西班牙菜嘅酒吧，試完真係好正。餐廳位於天文臺道，好新颖的裝修，設計特色，好有外國feel,確實與別不同。門口有街邊位，可一邊飲酒一邊感受街外景色，氣氛一流。而餐廳內很多座位，有不同的高檯位、四人座位和獨立sofa位，照顧不同客人要求。打開menu,西班牙菜真係特別不同，有很多特式美食、飲料和甜品。我和老婆選了幾款當中推介美食如西班牙大腿、肉丸和西班牙 飯，超期待。我們一邊倾偈一邊等上菜，又一邊聽着節奏輕快的歌，令捨有氣氛。轉眼間餸菜一碟碟的出現在眼前，每款餸菜除了賣相吸引，味道又真係特別美味，朋友果然無介紹錯。先講“輕煎西班牙火腿吞拿魚卷及溫泉蛋”,吞拿魚被西班牙火腿全包蓋住，分兩啖慢慢細嘗，味道出奇配合。好香的西班牙火腿味，風乾的醃料香味，少少鹹而肉質上乘，加上吞拿魚那種鮮甜而腍腍口感，口感雙重享受。另温泉蛋嫩嫩滑滑的，中間切開蛋黄是流心的，好香的蛋黄味漸漸渗出，好正！再嚟脆製西班牙辣肉豬肉芝士卷，肉丸炸得香脆可口，辣辣的味道刺激你的味蕾，而最驚喜是肉丸內的餡，居然是熱辣辣而

經過尖沙咀天文臺道，看到歐洲風情洋溢的餐廳，腦中不禁飄浮出歐洲人酷愛坐露天茶座的感覺。啡色的石磚牆配上透視的窗框，令人有衝動入內窺探究竟。坐在圖騰色彩的椅子上，中午在這裡嘆一杯咖啡，休閒又愜意。門前的湖藍色鏽鐵車是玩味的Vintage擺設，餐廳樓底很高，牆上<Playa de Papagayo>的霓虹燈眩目耀眼，靠磚的吧枱櫈，令人聯想Happy Hour的歡樂時光。餐廳裝潢時尚，寬大的酒櫃、排列有致的酒樽，都型格十分。經過店員的精心推介，決定點叫<滋味拼盤>、<三重迷利漢堡>、<西班牙紅花海鮮飯>及<波士頓龍蝦意大利扁麵配蕃茄海鮮汁>，先品嚐2杯迷人Mocktail，邊期待著西班牙海鮮大餐。Mango Jack芒果特飲是沙冰狀，入口冰感十足，每口充滿濃甜的芒果氣息，吞下後有微微嗆喉的感覺如鮮橙香，整體也是濃郁的蜜甜。Lychee Punch荔枝賓治清甜怡人，十分解渴，想不到杯底還有切成粒粒的青蘋果，酸酸甜甜，令人欲罷不能。滋味拼盤拼盤打響頭炮，令我們胃口盡開，拼盤有豬仔骨、芝士豬肉丸、蟹肉金卷、黑松露雞脆卷