La Postre (永樂街) (已結業)

今年食團年飯, 同事想攪攪新意思, 搵左間食西班牙菜的餐廳，估唔到有驚喜。餐廳位於上環永樂街商業大廈裡面，店舖唔算大，但裝修都幾別緻, 環境舒適優美。之前未食過西班牙菜，唔知係點樣的味道，餐牌的食物賣相十分吸睛，咁就一於食盡佢。點左熱門菜: 西班牙海鮮炒飯，黑松露西班牙黑豬扒，芝士煎蟹餅, 西班牙豬手等等.  每一道菜都好好味,  因為我地一行7人, 咁好味的食物,  都係每人試少少, 真係唔夠喉.  下次一定要再返黎.

今日返工OT完左想對自己好D，就去左位於上環站附近既樓上食肆La Postre食返餐好既，佢門面很有特色，似歐式車站為藍本，好古典，好Relax。見佢樣樣都幾好咁，一於樣樣都叫一啲啦。蜜瓜黑毛豬蜜瓜清爽新鮮，很鮮甜凍凍地，很不錯的，加埋煙黑毛豬，配合得很好。西班牙豬手豬手係新鮮即叫即整的，佢係新鮮即叫即整的，所以要等一點時間，但都是值得的。因為上菜之後熱辣辣脆卜卜，不太油又不太咸，仲非常之大碟，正。沙巴翁比較少食到同比較特色嘅甜品，內裡係士多啤梨醬，甜甜地不錯的。青檸蜜桃沙冰 鮮雜果莫希托用鮮果製做出來，鮮果真係可以逐件食，新鮮清爽解喝推介。

女朋友超喜歡這裡的豬手，今晚就訂了枱和她吃頓西班牙晚餐。在商業大廈的樓上，門口有一張長椅和燈柱，幾有氣氛，店內燈光柔和昏暗，理想情侶或朋友聚會地點。先來芝士蟹餅，六隻蟹鉗，很多蟹肉，本對西班牙蛋餅印象一般，但這個芝士濃郁，而蛋餅本身有味道，些少咸味調味，口感亦很不錯。西班牙豬手比較大份，兩人吃完都很飽，醬汁似sasa醬，酸酸甜甜有一粒粒紅椒黃椒，加上蜜糖更甜，配脆卜卜豬手肉，很夾！豬手不多肥膏，吃了7、8舊都不膩。難怪女朋友喜歡到不得了。洋妹子遇上沙巴翁又是女朋友推薦的，沙巴翁是意大利甜品，法國都好流行，用到蛋黃同砂糖，再落少少酒，今次配雜苺酥皮一齊食。酥皮夾著雜苺蓉和蛋糕，但比較多油，面層就很香脆，沙巴翁出色！食物果然一流，而且環境都很舒服，就算身處鬧事，同時亦遠離塵囂。

西班牙菜，一直都很想帶另一半在香港試一下。原來在上環永樂街地鐵站一出的昌盛大廈上面就有一間La Postre，看個名字就知道是主打西班牙餐的。La Postre，查一查字典，西班牙文就是甜品的意思，看來今餐可以一嘗西班牙菜及甜品雙重享受！在上環A2 出口轉右，行前幾步就見到昌盛大廈，地下還有一個「二奶架」，可以先閱讀一下餐牌。La Postre 位於三樓，餐廳門口頗有特色，外牆佈置得很西式，未入餐廳已經感受到歐陸風情，令人急不及待想快點入內進食。原來不單止外牆裝飾得很用心，連餐廳門面以至餐具都很精緻。銀色金屬碟配搭金色餐具，層次表現得很豪華一樣。不得不提就是放在中間的一包東西，金色包裝，神神祕祕，大家看圖就一知究竟。餐廳門面頗有格調，一入內就知道店主有心意。首先，椅桌的擺佈、顏色的配搭再加上牆身的裝飾，顯然是有一層層的鋪排。尢其是牆身的傳統古老大鐘，再加上投影設備，將整個觀感氣息襯托出有種歐陸古典味道。如果餐廳不多繁忙的話，還可以坐在窗邊卡位，瀏覽街景風光。在食飯先前，不坊可以細心留意一下餐廳的佈置，拍下照影下相。欣賞完景色之後，我們就開始點餐。來到都大約7:30，其實都好有餓意了，所

朋友介紹有一家的豬手很不錯, 約我一齊去吃。在我心目中, 豬手主要是分了中式及西式, 看這間餐廳的名就知道是西式, 嚐過後果然是與別不同!!推薦喲~餐廳裝橫是歐陸風格, 很舒服, 餐具也是宮廷feel~豬手製作時間比較長, 首先來的是抹茶紅豆超級多忌廉!! 紅豆不會太甜, 淡淡的抹茶香, 就像一道甜品芝士煎蟹餅也要等20分鐘, 新鮮制作。上枱時候鐵盆很熱, 要小心~口感有點像蒸蛋, 裡面有蟹鉗, 木魚絲, 芝士, 菇等等, 木魚絲香味濃郁, 蒸蛋有海鮮味道配上拉絲芝士主角西班牙豬手很大的一盆!! 原來是餐廳已經幫我們把豬手切開, 方便進食!上面放了很多青椒黃椒粒、洋蔥粒、香料, 酸酸甜甜的, 旁邊有一小杯蜜糖, 喜歡甜的可以多加一點, 味道有點像吃外國三文治的配料。想不到原來這些跟豬手是絕配!!! 豬手又香又脆, 切成一塊塊, 連同配料一齊吃, 完全不會覺的油膩!! 真的好吃~最後是無花果脆批, 脆批又熱又脆! 入口即碎, 加上新鮮的無花果, 感覺有少許像蘋果批~ 加上雪糕及蜜糖核桃增加口感這一餐很滿足~ 多謝朋友介紹~

今日天氣超熱 好彩上環既La Postre超近地鐵站 行3分鐘都到去到好似去左歐洲火車站咁 佈置好靚訂座仲好好彩有卡位一坐低 即刻叫左兩杯莫希托 透心涼雜鮮果莫希托每次飲都係咁好飲 有鮮果粒粒又大大杯好抵荔枝莫希托就少少甜 大大粒荔枝肉 都唔錯前菜就選左芝士煎蟹餅 幾隻蟹鉗仔埋左係蛋入邊 蛋味好濃而且好豐富既質感 仲配有大量木魚絲 超足料又好好味主菜就選左西班牙豬手上碟既時候超震撼 因為隻豬手好大隻 仲配有好多菜同醬豬手既皮好香脆 而大部分既肉唔會乾 仲係好「腍」點埋蜜糖既醬汁 份外Juicy 好香甜好好味食左個主菜都飽飽地 但女朋友仲好想食甜品 女人大概有兩個胃吧所以叫埋個 洋妹子遇上沙巴翁最估唔到係原來我訂完座 女朋友再同打俾餐廳夾埋 個甜品上既時候 點左蠟燭仲有酥皮餅仔寫左生日祝賀 好Surprise好開心餐廳仲好好咁送上生日咭 同埋即影即有 講返個甜品縱使唔係好肚餓 個甜品都好吸引 因個酥皮好香脆 配上濃厚既莓醬莓粒同埋一小杯既莓汁 酸酸甜甜好好味 唔會死甜整體黎講全部野都好好食 環境唔會嘈同佈置好靚 服務態度都好好呢間餐廳既菜式同煮法都係好正宗既西班牙菜 唔似其他餐廳都係大路

老公為慶祝佢傾成生意，於是帶我去食好東西。La Postre位於上環地鐵站出口附近的樓上鋪，地點非常方便，靜中帶旺。店鋪採用歐式的設計，坐位非常舒適，令人可以處於好放鬆的狀態去享受這頓豐富的晚餐。非酒精的鮮雜果莫希托以梳打水、青檸汁及少量薄荷葉為主，配以大量新鮮水果包括藍苺、士多啤梨、青蘋果、橙等等，味道酸酸甜甜，果香味濃，既清新又清潤透心。宇治抹茶紅豆宇治抹茶香濃，紅豆煲得綿綿的，拌勻滑滑的的忌廉，甜度適中，入口既香濃又順滑。芝士煎蟹餅芝士煎蟹餅一上枱就香味四溢，木魚絲在上面跳動，是視覺及嗅覺的享受。一份蟹餅有6隻蟹腳釀入流心的芝士蛋餅當中，是味覺的享受。近鐵板底的蛋充滿燒玉子的味道，中間依然流心嫩滑，是高水準之作。西班牙豬手西班牙豬手堅好食，比起我在德國當地名店食過的還好食。廚師將原隻燒好的豬手起肉，配上沙律菜，再在上面淋上帶微酸的醬汁，是絶佳的配搭。豬手肉亦唔會過咸，而豬手皮脆配上少許蜜糖食，味道一流。雜果麻糬窩夫麻糬窩夫即叫即做，外面熱辣辣，內層夾著煙韌的麻糬，外脆內軟的感覺。窩夫上的鮮果亦非常豐富及新鮮，有無花果、雜苺、士多啤梨、芒果、奇異果等，還有放上最面白雪雪的雲尼拿雪糕

未到12月已經有聖誕的佈置了，入面靠窗的一排是吧檯，燈光柔和，有不太暗，同朋友傾計最啱menu沒有set dinner，即隨意點。點了個炸海鮮拼盤 ，有釀蟹殼,豪,炸帶子,魷魚及魚柳，又有四種醬 ，吃出不同滋味。西班牙豬手已經起曬肉，每一件一口小，用叉吉來吃已經可以入口，面是芥末醬,另+蜜糖，食落甜絲絲。甜品 sexy six好像是六朵花放在你眼前，綻放著不同的味道 : 士多啤梨,朱古力, 蜜桃啫喱 ,紅豆綠茶, 藍莓芝士餅及玉桂蘋果， 其中有兩隻味道加了酒呢。仲要有6 隻的叉讓你慢慢品嚐(叉的另一端是匙)。我的心已被狠狠俘虜了， 但感覺很自由很開心，有不同的選擇，不同的口味與驚喜。Menu 上還有其他選擇， 如窩夫，同樣吸引，只是一晚內不能享受太多。仲夏水果茶入面有新鮮水果如士多啤梨蘋果䔧， 又是用心之作， 有得飲又有得食難忘愉快的一個晚上。