奇趣餅家

营业中

休息中

老字號小店，由讀書時期到現在出身社會大學，路過都會買燒餅或光酥餅。味道水準多年來皆能保持如初，確實值得支持。但昨日光顧時多了一個不熟悉的身影-年青四眼男，想必是第二把交椅繼承者吧。但短短數分鐘的接觸，已經令人有髮指的感覺。客人們花費支持你，你眼睛生在額頭上向下看，好像我們乞求你好心施捨賣給蟻民般。生意不是這樣做的！那怕只是十元八塊，積少可成多。觀乎最近的食評都在投訴這位男士，就知道出哂事啦待客之道你還真要重新學習呢！否則新舊客都被這敗家仔趕走哂，到時怨不了人啊豆沙燒餅（$20／5個）豆沙棉密不會過甜，糯米皮煙韌配上少許芝麻卻不感油膩。每次必買之一熱食的話非常捧可惜疫情關係還是帶回家才吃穩陣點老婆餅／棋子餅／合桃酥／嚤囉酥（$25／4件）合桃酥比想像中大個，脆口好食嚤囉酥的餡跟老婆餅的好像一樣，滿滿的餡而且外皮鬆化，讚以往只是中秋吃過豬籠餅，棋子餅其實都是同款的老婆餅外皮非常鬆脆！被驚豔到但內餡不太足夠，略為薄了些。形成皮厚餡薄的情況（吃完了才想起未拍照）寄語那位眼鏡男，希望你能好好守護老店，才能挽回客人的支持不要再對顧客呼呼喝喝，禮貌一點對你也有好處！如果你只是打工的話，老闆怎麼會把你

今天經過花園街, 心血來潮, 想吃豆沙燒餅. 其實這店是老字號, 很多人也不會陌生, 我從小（只要去開旺角那邊）, 都會買來吃. 只是平時經過已湧滿了光顧的人, 不想迫, 路過便是.$20/ 5塊 豆沙燒餅, 幾十年來的賣相和味道也保留下來, 簡值一模一樣 這味道叫做傳統！餅皮薄而軟熟, 幾煙韌的, 食起來有點似食 pizza 拉出來的芝士般. 內裡的豆沙甜度適中, 分佈均勻. 而餅的兩面好似煎過的, 還黏着白芝麻. 所以一啖可吃出不同層次的口感, 又有芝麻香, 好滿足呢！好的東西是值得保留的.

🍅豆沙燒餅：約$20/5呢間嘅燒餅薄薄地，皮微甜，好軟糯，啱啱買時微暖，甚至有d煙韌，口感好好。餡方面，量唔多(畢竟塊餅唔厚，皮薄餡都薄)，但係就分佈得好均勻，幾乎每啖都有。豆沙甜度稍高，但係因為分量不多嘅關係，反而不覺甜膩。整體而言，口感好好，啖啖都有豆沙，甜而不膩，食完好滿足。🍅香蕉糕 約$20/6講真香蕉糕到到差唔多，最多係軟硬度同甜度不同鐘意邊款見仁見智。呢間香蕉糕就偏硬，不黏膩，表面有好多熟糯米粉，因此唔會癡到一舊舊。咬開一望，可以明顯清楚見到加左好多砂糖，入面一粒粒，唔會好似一舊粉團咁。香蕉糕甜度都係偏高噶啦，呢間嘅都唔例外，細細啖慢慢食會有香甜香蕉味，但係食得多/大啖食就會覺得甜膩。整體而言，呢個價錢尚算合理，味道正常。有得揀我會選擇去附近正隆行買$10/4果d，大條好多。🍅皮蛋酥 約$18/2呢個皮蛋酥真係超重手，有我手掌咁大。外皮比較薄，底部酥脆，值得一讚。入面係蓮蓉，包住約四分一個皮蛋，料好足。蓮蓉就自然係甜d噶啦，但係皮蛋嘅鹼水(類似咁嘅野?)味就正好中和翻。味道正常，贏係分量上。

今日途經太子， 走過去奇趣餅家買d餅， 雖然市道唔太好， 但餅店都好多街坊幫襯， 見到大家都圍住店員， 我又買埋一份。我買左signature 既豆沙燒餅同雞仔餅。豆沙燒餅上面有d芝麻， 食落有少少香味， 個糯米皮唔厚適中，豆沙甜度都適中。簡單但好味。雞仔餅我放左入水波爐加熱20秒， 拎出黎係熱辣辣， 個皮係鬆軟內餡有南乳香而且唔太甜， 煙煙軔軔，好好食。上面2種唐餅都簡單而好食， 係童年既回憶， 下次我會再試其他既唐餅。

旺角行完街街去搵阿女，唸住買啲小食一齊食！呢間中式榚點一直係我家嘅愛店！傳統白底紅字招牌，零裝修！用竹筲箕盛載榚點！店內會一直出榚點，款式好多，佢嘅豆沙燒餅我最鍾意，$17/5個，買時攞上手仲係熱，賣相平實！好足料！外皮好煙韌，豆沙唔太甜，幾滑！重要唔知點解即日食當然煙韌，但放耐咗依然軟身（其他店唔可以第二日食，會硬晒）面頭嘅芝麻脆口！增加口感！店員阿姐超爽手，我要分一個獨立入袋都無問題！能夠做咗咁多年依舊人氣！簡單就是美！

黎到旺角花園街成條街差唔多每個人 手上都拎住奇趣餅家既燒餅一路行一路食 行行下發口癢就更係要食膠袋有種古早風味 份外更覺老餅家感覺拎上手仲係暖暖的豆沙燒餅 $4 $17/5燒餅上灑上芝麻 擺埋鼻孔芝麻香挺濃的在軟軟煙韌上  令燒餅香口不少燒餅外型偏偏的 一層薄薄豆沙夾在兩層薄薄煙韌燒餅間少少豆沙已經夠顯著甜 襯上糯米沉實甜甜密密有嚼口另外見到冇餡料燒餅 其實只配芝麻應該都幾香口但對甜要求高既自己都係下次先試

If you haven't try this in Prince Edward, you probably didn't get the best out of Yau-Tsim-Mong in Hong Kong!This small bakery is crowded with many locals and tourists.  They sell traditional Chinese bakery. All bakeries are freshly made.The most famous food is the red bean pancake  (豆沙燒餅).  They make the pancake almost every half an hour because people keep on buying.   It is still warm when you buy it.  It tastes much better than Japanese red bean pancake because they use glutinous rice flour,

上次食完個豆沙燒餅之後愛上左喜歡佢唔係甘甜, 好煙韌..不過如果豆沙再少d就prefect了~所以行街前先黎個淨燒餅($2)... 岩哂我...行完街..返轉頭再買返屋企..多人到....一於唔執輸蛋撻仔一打 $16 : 返到屋企都仲熱, 好好食, 好香蛋味, 一口一個, 曲奇皮好脆豆沙燒餅5個 $13 : 叮返熱做早餐都好好食~淨燒餅3個 $5: 一流乾酥餅一包 $8: good, 唔會好乾

今日五點幾約左人又未夠鐘，但又鬼咁肚餓，行經呢度就決定買個燒餅食下啦，其實週不時行過都會買架，因為又平又抵食。今日黎到依然係好多人圍住間舖頭，都幾多一幫襯下，D人都做到無停手，不停遞野，收錢同找錢。講返個豆沙燒餅，話一拎上手真係勁熱辣辣，係熱到辣手，拎唔到架!!! 所以我都要攤下陣先擺得入口!!!個燒餅皮厚度均等，煙煙UNUN，真係剛剛好，而且D餡又幾多下，甜度適中，真係好味。食到尾好唔捨得佢，咁快就食哂LU...下次再買過先。

lunch time特意到了旺角花園街買點東西，「順道」拜會一下非常出名的《奇趣餅家》（之前大多數都是晚上、她們已打烊的時間到來花園街的），那時店外都堆滿了遊人，我好不容易才能擠進去…反正還沒有吃午飯，就買多幾款吧…必試鎮店之寶 - 豆沙燒餅（$3一件），特別之處是燒餅全都放在竹籃上…燒餅之大小跟一般店子的相若，不過這裡的卻一點也沒有油膩的感覺，而且烘得剛剛好。就算放涼了，口感仍是煙韌非常，豆沙亦不太漏，是暫時吃過的燒餅之中最好吃的，讚呀。看到放於遠處焗盤上的摩囉酥，忍不住著店員阿姐給了我四件（$10）。摩囉酥其實是老一輩的餅點，因為小時候家人經常從士多辦館買些袋裝的摩囉酥回來當小食，我才有機會接觸得到呢！小時候吃到的摩囉酥大多非新鮮的，而這裡的不但是即場製作，亦比之前吃到的較大（體積絕對能跟坊間的皮蛋酥媲美）…別看到它喚作「酥」便一定是酥皮，其實外層的皮是類似菠蘿包上的「皮」，十分鬆脆呢。內裡的餡料其實（應該）是老婆餅的糖冬瓜蓉來的，口感軟糯之餘亦不太甜，不過吃一個已經很飽了。看到其他人都買了一袋二袋的光酥餅，於是又買了一袋（$8）。一袋約有十數個的迷你光酥餅，略嫌沒啥特別。除了以上

是日行街經過奇趣餅家，雖然剛剛吃過午餐，但被她新鮮出爐的糕餅的香氣所吸引，忍不住口買了豆沙燒餅($3)及蛋撻仔($2)各一件。豆沙燒餅剛剛出爐，表皮非常煙韌、豆沙涵呈流沙狀，熱辣辣。好味^^蛋撻仔都係熱辣辣，但係個皮吾知點解怪怪地，吾知係咩皮=.=. 相對較普通。

我買了豆沙燒餅和鹹蛋散。燒餅熱辣辣的，阿姐用一個膠袋盛起，外加一個背心袋。 另外的鹹蛋散，阿姐同樣先用一個膠袋盛起，再加一個背心袋，前後共用了四個膠袋。 一向少用膠袋的我，把燒餅的膠袋和鹹蛋散的膠袋盛在同一個背心袋內，打算省下一個背心膠袋，豈知阿姐以阿蘇式的惡言「啲燒餅好熱架！放埋一齊咪整腍啲蛋散囉！唔好食架！」　雖然阿姐彈來一句惡言，卻是為了捍衛著食物的質素，為了我嘗到美食著想，我只有唯唯諾諾地「係係係！」燒餅好食，煙韌又不會過甜。　喜歡香口食物的一定喜歡這鹹蛋散，用來伴粥吃都不錯！

晚飯要去鳳城，六時多去到旺角，有點口痕，去花園街走走，走到去奇趣，沒有我最愛的嚤囉酥，但有新鮮出爐的的豆沙燒餅，於是買一件止口痕。豆沙餅：熱辣辣，餅皮夠煙韌，豆沙不太甜，但不夠多，如果多一點會更美味，不過作為餐前開胃小吃都算ok。今次又吃不到嚤囉酥了。