珠江酒家

营业中

休息中

大大個訂位招牌吊高行人路迎面當眼處，不是虛張聲勢，試過隨便walk in，下場是不得其門入。於是幫襯前哪管是平日還是假日，志在必得還是要訂位就記在腦海。這回順利入舖，舖內就得十張以下4至8人不等的枱，而且一入舖只招呼上樓上埋位，下層基本不坐客，一切已明瞭，是類近私房菜格局。扶着有幾分似電梯扶手的樓梯扶手，及至舊樓閣樓，本就預定隔音差，食客高談闊論聲浪都困於低樓底之下，在場沒人猜拳、髒罵聲，已屬萬幸。古色古香、七八十年代的地磚裝潢等算是保持得狀態不錯，枱與枱之間擺放是極盡可攝盡攝之能事，有機會椅背貼椅背。據知此處「炸物」出色，冒住喉痛流鼻血等風險一口氣點「潮州蠔爽」$138、「避風塘竹仔魚」$108。「蠔爽」菜名改的一絕，也不知是易叫還是潮州代表作，見八成枱都「蠔爽」一番。每粒粉漿分明不互相藕斷絲連糾纏一起，磨砂面的脆皮做到「爽」，每顆蠔仔豐滿鮮味，入口帶些蠔汁滋潤又不覺熱氣。竹仔魚於潮汕的另一種意義等同香港的「藤條炆豬肉」。此味今回凶不到同桌的縮水阿伯，反化身補鈣恩物，脆漿薄，由頭至尾、骨肉炸得全脆酥化，避風塘式是含蓄辣度，相對蠔爽乾身。如不強求綠色蔬菜，「豉油皇鵝腸」$108底部墊的

珠江酒家，真係大大話話都十多年沒有過來，有時候真係會遺忘了一些食店。他的門口，往往令人想起澳門一些小店，從地下，長長樓梯上二樓，真的很有懷舊氣色。金沙墨魚咀~脹卜卜的墨魚咀，朋友立即點了啤酒。芹菜豬肺~中芹嘅香氣，配豬肺，陣陣胡椒味，筆者當晚至愛。沙嗲鵝腸~椒鹽墨魚~每次到來都會點的，就是喜歡它夠晒厚身。涼拌花甲青瓜~點點辣，很惹味，青瓜墊底陣陣青草味。酥炸爽蠔~又一下洒小吃，配啤酒🍻爽呀！這個朋友點的，忘了是什麼腩肉。美極鴨下巴~下酒美食絕配，當晚配威士忌🥃很夾檔。蒜芯炒手肉~牛肉充滿梳打魅力，蒜芯頗老身。咕嚕肉~足份量，啖啖肉。黃金涼瓜~很油膩，失去了黃金的感覺。整體來說:味道扁濃，但仍保留麻甩氣氛，周圍的食客飲啤酒飲到面紅耳熱，唯獨是男女共用厠所，水箱又壞了，只得一條水喉及水桶🪣冲厠，當晚很多啤酒食客，所以整個地面濕滑，真的小心小心地滑。

晚上大概7點15分左右到達，行左陣先見到，因為舖個門口比較細同唔明顯，好易就會行過。入到去坐下層，剛剛好有位，我諗遲啲我就可能冇位，下層有5張枱，上層就唔知，冇上過去。店員都幾有禮貌。由於限聚令既關係，3個人都可能坐張大枱。先黎點左個蠔爽。朋友都話唔錯。唔太乾又唔太濕，啱啱好，正之後就叫左個黃金墨魚咀，豉油皇鵝腸，同椒絲腐乳通菜。黃金墨魚咀啲炸粉唔夠黏，一夾起就同墨魚咁分開，唔係想像中咁樣，不過味道都係可以既。豉油皇鵝腸就普普通通，不過不失啦，個色好似唔夠深色。椒絲腐乳通菜好夠鑊氣，好正，好快就食晒。大家都見唔係太飽就叫左個XO醬蝴蝶腩，呢個真係同想像中差好遠，食唔到有XO醬既味道，食到有啲辣同有啲醋味，有啲似口水雞個種味既感覺，有啲怪怪地，唔知係咪比錯左我地。我地都仲有叫左幾枝啤酒飲，不過唔見有冰桶同唔夠凍，如果有冰桶就好了。仲有好多野都想試，不過已經食唔落喇，唯有下次再黎試過啦。

珠江酒家，唔就腳、唔靚、附近難泊車、附近乜都無，但晚晚爆，識得黎既就淨返真係識欣賞老闆獨一無二既手藝既人星期四晚9點黎到無訂位好彩有一枱啱啱走，店舖又舊又唔太乾淨，枱面都ok，上二樓會感覺好啲，紙皮石都唔會係大家既心水，都係focus係餸菜罷啦餐廳叫你讀晒出黎都難，多款到，老闆就係賣特色，佢既小菜唔係你平時食到既，可能聽都未聽過，蠔爽、鴨下巴、蝴蝶腩、魚尖、野山豬，無數咁多味道亦從無需要擔心第一個就食個必食既蠔爽，$68碟食到佢118一碟，仍然咁正蠔味濃而唔漏，爽身香口，外面鑊氣足而入面腍腍蠔肉，加埋炒都好香既葱粒魔鬼在細節，送酒一流，如果第一次黎，老闆撚手野點都要試下另一十大菜式，豉油皇鵝腸，貼切啲，係豉油皇肥腸非常creamy既口感，你會驚訝原來鵝腸可以做到依個口感、依個味道一抽放入口真係正，好漏之際，開始夾下下面既芽菜一齊食，刻意芽菜整得脆身、爽身一啲，平衡下肥腸既肥好細心去設計架涼拌花甲最後先上，唔平但個量唔會hea俾你，啲花甲疊起有高度架個涼拌汁無得輸啦蒜夠、又香，辣得惹味花甲隻隻都大既，鮮味會出啲千其唔好唔食下面既脆青瓜，都係好好味既珠江小菜，無可挑剔啦，只係依家真係貴左同

上星期日下晝同班fds 去咗high tea，晚飯時段都未太肚餓。前一陣見好多人寫珠江，好似好好味咁，於是就去試吓。一行3人，叫咗四個菜，豉油皇斑塊、豉油皇鵝腸、炒蠔爽同小炒王。豉油皇鵝腸賣相幾吸引。不過鵝腸似雞腸多d，比較窄身，但就好多肥膏。爽口，豉油味都夠，不過實在肥咗少少。墊底嘅大豆芽吸晒豉油味，幾好食。豉油皇斑塊用生菜絲墊底，炸得有少少肥膩。斑塊即龍利柳，驚喜不大，但份量搭救。小炒王，有韮菜花、鮮魷、菜甫、豬頸肉。炒得不錯，但鑊氣不太夠，而且下鹽很重手，頗咸。炒蠔爽，不夠乾身，光看外表都發現有少少顯。調味不夠，淡口，與小炒王成強烈對比。幸好蠔仔新鮮，肥美。地方逼，抽風系統不好，煙霧瀰漫。