九份飽 (蜆殼街) (已搬遷) 新店位置

北角蜆殼街轉角位的台式小店九份飽.  門內門外, 盡顯台灣風情.  樓頂一個個紅燈籠垂亮著,猶如台灣九份一隅.  晚上七時已人來人往, 有等外賣的, 亦有等侯進鋪的食客.  人龍漸長. 大概十來分鐘, 也安排入座了.  樓面偏小卻熱鬧十分. 懷舊魯肉飯, 大大碗. 肥瘦魯肉鋪滿飯身, 撲鼻的飯香, 啖啖豐富.  加上軟嫩滷水蛋, 簡單又滋味. 紅燒牛肉麵, 有五,六塊牛展. 牛展看來雖堅挺但食落軟腍,而且牛味十足. 由於麵條淹於湯中一段時間會脹大,  速食會較好. 台灣小吃少不了的炸物, 鹽酥雞和酥炸花枝丸,同樣高水準. 鹽酥雞酥脆香口,花枝丸粒粒彈牙. 黑糖珍珠奶茶,茱香珍珠奶茶, 台式晚餐少不了啊. 

這間台灣菜餐廳我跟友人經常來吃，除了因為味道夠正宗，也因為餐廳的環境也有一種去了台灣九份的感覺。由於疫情關係，未能用盡所有枱，所以等候時間也相應需要較耐，但客人也是吃完便走，所以都不算等候太耐!台灣擔仔米粉，米粉是台灣的迎竹米粉，會較香港的米粉幼身，感覺像粉絲，米粉質感爽口!而食材方面有滷水蛋、蝦、肉燥、貢丸和酸菜。湯底味道清清的，肉燥帶起湯的味道，令因為有酸菜的關係，令湯底帶有少少酸味，感覺更開胃!貢丸爽口，蝦肉彈牙!紅燒牛筋牛腩麵，湯底味道濃郁，好濃牛肉湯的味道，帶有少許辣!而牛筋和牛腩都炆得好冧好入味，牛筋口感軟滑!麵底有點像油麵，掛湯一流!酥炸花枝丸，差不多每次來都會吃!這裡的花枝丸炸得香口，椒鹽很足，花枝丸爽口彈牙，非常惹味!涼拌豬耳朵，豬耳爽口彈牙，味道麻麻辣辣，吃得過癮!九份芋圓，去台灣九份一定會吃過這裡的芋圓，今次終於可以吃到，芋圓煙煙韌韌，仙草滑滑的，還有Q彈的珍珠和甜甜的紅豆，在配上滑口的豆花，口感很豐富而且很滿足!下次掛住台灣的味道又可以再來了!

在港島區返工嘅朋友，經常要食貴野，真係食到人都窮。直到最近有朋友同我介紹，話喺北角有間好好食嘅台灣野，決定要拜訪一下。餐廳位於炮台山站附近， 5分鐘行過去就到。去到已經見到人頭湧湧，好多人係出面排隊，就知冇介紹錯。餐廳佈置得好有台灣九份嘅感覺，瞬間我哋已經將精神放喺食物上面。百香果紅茶:好重熱情果嘅味道，最啱食炸物嘅時候配上一份清新嘅味道冬瓜檸檬：冬瓜檸檬比較酸甜，鍾意飲酸味味飲品的朋友不能錯過！懷舊滷肉飯(小) 滷肉飯嘅份量非常恰當，啱晒鍾意食輕食嘅朋友，然後可以嗌多一些小食。滷肉肉粒非常大粒，充滿台灣的原味道，非常滋味紅燒牛筋牛腩麵: 牛腩麵份量非常大碗，而且牛腩都非常多。牛腩肉汁一咬就釋放，感覺到係煮咗好耐嘅牛腩，非常入味。而且麵質都幾彈牙，湯底都非常濃郁。酥炸花枝丸： 酥炸花枝丸外皮十分脆口，新鮮炸出嚟嘅花枝丸真係非常好食！裏面嘅墨魚丸都好彈口，而且份量都幾多酥炸魷魚🦑我自己本身好怕食好硬嘅魷魚，感覺會好難消化。但係呢度嘅魷魚非常彈牙，唔會炸到乾晒。見到好多人都有見到呢個九份芋圓: 同傳統嘅台灣芋圓甜品一樣，有豆腐花，仙草(類似涼粉的東西），同埋三款芋圓。我和男朋友兩人都只是食

突然想念台灣的小吃今晚就不顧一切也要吃台灣料理紅燈籠高高掛氣氛甚佳一張菜單排面簡潔易明點了懷舊滷肉飯和香酥排骨飯滷肉飯是台南版本肥肉明顯伴上豬油和滷汁非常下飯但飯粒有點過硬缺少了軟綿綿的口感排骨炸得非常酥香五香味濃郁肉質鮮嫩咬下去有肉汁流出點了酥炸花枝丸和滷青菜作小食炸花枝外皮香酥但有點硬滷青菜只是水灼青菜加滷水點了九份芋圓作飯後甜點芋圓煮得透徹質感Q彈配上仙草味道非常地道飲品則點了冬瓜茶蜜桃紅茶

很久之前已經去過九份飽吃過台灣菜，是一間在天后開了一段時間的台灣菜，記得那次去吃也沒有那麼多的客人，這次去到竟然還要排隊😨這次去到的客流比上次多很多了，前面有數個人在等候。餐廳就在天后的蜆殼街，很難想像在一條小小的街道，卻竟然會有一間如此受歡迎的小店。裡面的環境充滿台灣風情，天花下有很多紅噹噹的燈籠，令我想起了台灣的夜市。有個小小的「涼亭」位置，有數個造型餐牌在涼亭外面，創意十足，仿如那些台灣街頭的小食店。在等位的時候已經忍不住要點餐，食物的種類頗多，有主餐、小吃和飲料，價錢在台灣菜來說都算經濟實惠。男朋友點了一個魯肉飯，滷肉飯的肥豬肉頗多，正是因為這樣才合我的心意😂每一件魯肉都很軟的，口感非常豐富，加上魯肉汁更有足夠的味道！魯肉汁滲進飯裡真的十分好吃。鹽酥雞是我幾乎每次都台式餐廳都一定會點的食物，在這裏當然也不例外。鹽酥雞的外皮被炸至乾身，外皮與裡面的雞肉不會分離，是正宗炸物的標準。咬進口感覺爽脆，毫不油膩，裡面的雞肉尚算嫩滑。花枝丸也是大部份台式餐廳都會有的菜色，鹽酥花枝丸的外皮也是被炸至乾身的，沒有絲毫的油膩感覺👍🏼外皮脆脆的，而且裏面的花枝丸（即是墨魚丸）十分爽口彈牙，這個真的

近排係網上見到呢間台灣餐廳好似幾吸引，所以就同友人黎到呢度食下!我同友人7點去到，餐廳都差不多爆滿了!食物選擇唔算好多，我們揀了幾款試試。懷舊魯肉飯(小)，細的魯肉飯就是用平時飯碗盛著，都夠一個人食飽!魯肉都幾大粒而且入味，足夠食哂一碗飯!紅燒牛肉麵，湯底沒有辣味的，但好香濃!麵底有D似油麵，牛展都幾淋身同夠入味!還附有紅蘿蔔和一些酸菜，紅蘿蔔也是整到好淋身好入味!培根起司蛋餅，蛋餅內的芝士可以拉絲，味道唔會好咸，都幾多餡料，再配上台式的辣醬，味道更美味!酥炸花枝丸，香口又彈牙，面頭仲有D椒鹽，幾惹味!台灣香腸，香腸切到一片片，外皮是脆皮，再加上生蒜片，能夠刺激味蕾!涼拌豬耳朵，豬耳夠爽口，而且有點麻辣，口感豐富!鳳梨綠茶，點了少甜，綠茶好香鳳梨味，好清新的感覺。冬瓜茶，好濃冬瓜茶的味道，唔會加左好多水又唔會太甜，唔錯!冇諗過呢間小店食物的味道同台灣的差唔多，唔怪得咁多人黎食啦!

返工最大樂趣就係同同事覓食，今次黎到炮台山，經過左九份飽好多次，見唔洗排好耐隊就入左黎試下 不過入到去既感覺係：好逼！行到既空間好有限，就算坐低左，都係人貼人，如果隔離枱要走，一定要起身讓佢地走先得而且枱同地下都好污漕，可能因為冇咩空間俾店員做清潔，但衛生情況的確麻麻。 裝飾係懷舊既台灣感覺，幾有心同幾靚。 首先叫左個細既魯肉飯，係台灣既味道魯肉帶有肥膏，好香！又唔會太咸細細碗唔會太飽，可以留肚食其他小食。 同事叫左份香酥排骨米線，排骨唔會好厚炸粉，而且keep到肉汁，做得幾出色米線湯底夠濃，配埋排骨味道好夾！但呢個就會飽肚啲，始終炸排骨比較油膩。 台灣香腸有少少咸，配埋蒜片食幾香，而且口感更豐富，適合重口味人士花枝丸炸得幾香，唔會好乾身，而且彈牙，值得一試！我好喜歡呢個蛋餅！！餡料好足餅皮煙煙韌韌，加上佢既甜醬+辣醬，簡簡單單已經好好食～ 誠意推介上果陣熱辣辣食，真係冇得輸！另外我叫左杯冬瓜茶，唔會太甜，飲落好舒服同解渴 總結呢間台灣餐廳野食質素好，雖然係坐得辛苦啲同嘈啲，都有少少污漕⋯ 但去唔到台灣又想尋找台灣既味道，值得一黎

今日喺砲台山嗰邊放工， 午飯都冇時間吃， 唔理咁多即刻衝去搵嘢食， 正直四五點尷尬時候又未到晚市， 近蜆殼街正 正街角有間台灣小食店。裝修別緻， 好有台灣小店風味，剔紙仔點菜，饮品。 價錢好划算 一杯普通珍珠奶茶不過$20， 連鎖茶飲店 都冇咁平～！芒果多多$25 （ 八分糖）所有飲品都可以選擇甜度。 這杯芒果多多好濃益力多味 而且帶芒果酸。奶蓋紅茶$20選了半分糖， 果然嘗到紅茶嘅甘澀味， 奶蓋並非時下甜中帶咸的奶泡， 感覺比較輕盈健康👍紅燒牛肉麵$45簡直超出預期， 份量十足！ 用咗牛展取代牛肉或牛腩， 更加實際而且牛展非常軟腍入味。 麵質爽滑 唔會太腍， 湯底濃而不油膩，夠清甜食完都唔覺口渴。酥炸花枝丸$35花枝丸紮實彈牙又足料， 表皮炸得酥香， 灑了少許淮鹽粉 非常香口惹味！炸甜不辣$35熱辣辣炸起， 甜不辣其實係魚糕， 三款造型都炸得香口有彈性， 有魚味，份量不少， 美味抵食！去台灣料理店唔少得要試吓佢嘅鹽酥雞。 都係熱辣辣炸起， 外層酥脆加鹽香令到你一件接一件唔停口食！ 裏面嘅雞肉唔會好乾夠曬味！划算嘅價錢做出超水準嘅小食，麵食， 非常推介！