元朗新記 (吳松街)

营业中

休息中

新記嘅雞粥好食就好多人都知，但今次我哋唔諗住食佢哋嘅雞粥，而係睇吓佢哋嘅一啲小菜同小食又係咪一樣咁正先😆酥炸魷魚鬚 $61份量唔算少，魷魚鬚嘅Sɪᴢᴇ都幾平均，啱啱炸起即食，熱氣嘢真係要咁食先正，食落好酥脆亦都唔難咬開，調味都啱啱好，大推👍🏻👍🏻椒鹽豬扒 $84我哋叫咗套餐，有個白飯加杯凍檸茶，個調味都幾好，椒鹽味幾香，食落有好輕微嘅辣，食食吓係幾惹味幾好送飯嘅😆菠蘿咕嚕肉 $61呢個真係去邊間小菜都會點嘅Iᴛᴇᴍ，呢到嘅咕嚕肉做到外脆肉嫩，炸粉唔會過厚，食落啖啖肉，醬汁亦唔會過酸，又係送飯良品🫢🫢紅燒元朗脆皮乳鴿 $76即叫即炸，乳鴿嘅Sɪᴢᴇ不大不小，食落肉嫩，而且都幾厚肉，皮脆略帶點油香，師傅控制時間控制得唔錯，呢隻乳鴿都幾出色😗整體嚟講，以幾十蚊嘅價錢食到咁嘅質素嘅小菜，相當超值，下次有機會會再介紹埋佢哋個雞粥比你哋😆

今晚和朋友約好來佐敦吃粥！早就聽說「元朗新記」的粥品出名，想不到已經在港九不同區開了分店。今次就來到了他們的佐敦分店，餐廳在地舖，十分好找。生滾煲仔粥可以自選配料，點了蠔仔、及第2款。粥底質感綿稠，伴以大量的蠔仔、豬腸、豬肉丸等配餸。肉丸口感彈牙，富豬肉香。蠔仔味道鮮甜，令整道粥品生色不少。招牌菜之一的酥炸魷魚鬚，炸至熱辣辣上枱。表面的炸粉未有過厚，入口外脆內彈牙，魷魚鬚不會太韌。配上酸酸的喼汁，吃得更加滋味。邪惡非常的香脆炸大腸，入口脆卜卜！大腸口感帶著一點韌性，頗有嚼感。而且處理得不錯，感覺也是蠻乾淨的。燒味拼盤分別有貴妃雞、叉燒、燻蹄，以及海蜇。當中貴妃雞更是餐廳的招牌作，雞肉很香，質地肥美嫩滑。叉燒厚切偏瘦，但略嫌有一點乾身。海蜇爽口脆身，和燻蹄一樣撈了秘製醬汁，帶少許酸辣味道。

星期五晚上6點半左右嚟到，唔知係咪因為落雨，大家都唔太想出街，所以當晚人流唔多，大概7成滿。我地只有兩個人，所以只點左一個小食、一個拼盤加套餐。雖然叫嘅野唔多，但每樣野份量都幾多，加上幾油同埋幾重味，食完會幾滯。酥炸魷魚鬚 $61雖然只係輕輕睇左幾頁食評，但唔難發現好多客人都會點呢款小食，中意食煎炸野嘅我，當然會點啦😏。老實講，份量真心多，海鮮類可以比到呢個份量真係幾抵!! 魷魚都幾彈牙，不過食落好油，碟底都有一攤油；另外，炸粉調味過重，好鹹，建議整走一半炸粉再食會更好。燒味拼盤 $93拼盤中個人認為叉燒比較好，肉質夠軟，而且係厚切，食落啖啖肉；貴妃雞比左髀位我地，所以肉質更滑，而且有雞啫哩，但略嫌雞味偏淡；燻蹄厚度係平時嘅2倍，不過就無咁爽；海蜇爽得嚟帶點硬，我自己就中意呢D口感，但朋友就覺得硬得制。最後埋單$177，無加一，人均唔駛一百，除現金外，可以八達通或者alipay付款。唯一要改善嘅係食物太重口味，食完會幾口渴🤔。

聽同事講元朗嘅新記雞粥好出名，大胃想食好耐㗎喇！諗住專登走去元朗拜會一下，始終扚唔起心肝多年之後，新記都開到嚟九龍，冇藉口唔食啦原來除咗雞粥，好多嘢食都聞名其中呢個炸魷魚鬚，勁大碟，炸到超脆超邪惡，點吓醋食更係停唔到口平時食炸兩係好大嚿好油淋淋，感覺會好熱氣，呢碟就切得啱啱好，而且口感清爽，唔覺好油怕食一碗粥唔夠兩個人食，就嗌碟滑蛋叉燒飯，仲要落咗XO醬，惹味之餘，炒蛋滑溜，飯粒口感好好貴妃雞粥就點都食，仲有得拼蠔仔，兩款餸都好嫩滑粥底上晒雞同蠔嘅鮮味，好過癮食咗咁多熱嘢，就嚟個冷盤，海蜇口感爽脆，醬汁入味。生腸辣味後勁強，但味道香濃，份量都幾多辣到呢，一定要飲嘢！龍眼冰加七喜，配搭好獨特，飲落幾有驚喜青檸冰嘅澀味亦令人意外，好吊癮好香檸香

終於有秋涼既感覺，又係時候食粥啦~久仰新記大名，適逢天氣涼涼地，終於有機會去食下貴妃雞粥，食慾大增，2個人一口氣叫左好多碟🤣生滾貴妃雞粥+叉燒腸 ($58)~雞夠鮮嫩，重點係用雞脾肉🍗，粥底盡吸雞肉精華，夠綿夠滑，食完暖笠笠! 再跟叉燒腸，叉燒份量十足!👍加+$8就可能有碟油菜!XO醬豬扒炒公仔麵 （$49）~炒公仔麵最緊要夠獲氣，炒得乾身，XO醬豬扒厚身惹味，再加上芝麻，味道level up~海蜇生腸 （$52）~ order左海蜇生腸做前菜，2款都好爽脆，小小辣!酥炸魷魚鬚 （$55）是日最熱氣小食，魷魚鬚熱辣辣，夠香夠晒脆，佐粥都唔錯架!

難得可以有堂食，所以午餐一於就出去搵下好野食......佐敦呢個新記，環境都幾好，防疫工作都做得好好，而且唔會好多人，所以都食得好安心。午餐先來D小食，金錢煙鴨胸$49，好甘香而且肉質好軟好味，個皮係最正架~!~肥美上品~酥炸魷魚鬚 $55--地道小食來講，真係最LIKE呢個，脆卜卜，好香~~唔係好多地方都有得食，所以見呢到有，就叫LO~~~估唔到又幾大碟~鮮蝦腸粉 $27 白滑的腸粉皮，加上厚厚的蝦肉真係令人滿足。食落非常之有口感，呢3個小食都令人好滿意。油菜$31--疫情之中，我堅持每餐都要食D菜~!所以貴左D都要叫菜心食~柱候牛筋腩撈麵--$42  牛肉好少自己整到，而且港式餐廳呢個一般都會做得好食~~呢到既牛腩都好香，大大件食得好爽~泰式青檸冰 $23 夏天好熱，呢到有D特別既飲品，消消滯都幾好~

星期六訓醒剛好是下午茶時間，和家人來到這間茶餐廳此茶餐廳最出名是雞粥，當然要試一試，下午茶雞粥還可配炸倆和飲品，十分抵食生滾貴妃雞粥 - 下午茶的份量也不少，賣相不錯粥非常軟綿綿，貴妃雞的黃油香混在粥內，不用加任何調味料都非常入味炸倆 - 下午茶套餐配有的，一大碟，滑滑的腸粉包著脆卜卜的油條，十分有口感酥炸魷魚鬚 - 熱辣辣的，即叫即炸，炸得非常香脆可口蜆介鯪魚球 - 這味小食真係愈來愈少見，鯪魚球比一般的大最精髓當然是要配上蜆介醬去吃，鯪魚味非常鮮甜炸蒜茸雞翼尖 - 份量堆到有一個小山丘，蒜茸味非常香濃，吃不停口飲品當然是茶餐廳必點的凍奶茶和凍檸茶，不會太甜這間餐廳的雞粥真是名不虛傳，小食也非常高質，真係性價比很高，值得再來

呢度的粥以煲仔上枱為特色，保持到粥的熱度之餘，呢度的粥我覺得無咁易稀。貴妃雞粥配豉油王炒麵及凍檸檬茶走甜（$58）~貴妃雞粥夠嫩滑，雞皮彈牙，果然係招牌雞粥。豉油王炒麵夠熱身，夠色夠味道。生滾豬潤粥配蘿蔔糕及凍檸檬茶（$45）~豬潤份量十足，豬潤味溶入粥底內，愛好者的我會覺得好好味。蘿蔔糕新鮮煎起，唔會成口粉，亦唔會太削，。酥炸魷魚鬚（$55）~好食，炸粉略似K字頭雞，呢度D魷魚鬚卜卜脆之餘，又唔會成口炒粉，新鮮炸起，特別好食，推介。

知道媽媽鐘意食粥，專程帶媽媽嚟呢間位於近佐敦地鐵站A出口附近(地點都易搵 大概行五分鐘就會見到)- 包羅萬有又唔收加一既粥店😍一打開餐牌，款式多到樣樣都想食，淨係生滾粥都成三十款比你揀😳仲有爽滑腸粉、招牌小食、精選粉麵、精美小菜、數款甜品等等；感覺係去左一間茶樓飲茶咁，係估唔到咁細間茶餐廳格局，但就有海量既款式，任均選擇🤤🌟招牌貴妃雞粥 $52🌟招牌雞粥點可以錯過，滑雞係滑到一個點，肉質嫩滑，粥底米香軟綿，加埋蔥花一流，平時食粥都會加胡椒粉，今次好味到都唔洗加，食到就嚟無先發現原來我地無加到胡椒粉😅🌟紅燒元朗脆皮乳鴿 $65🌟呢個又係必點，如果你係乳鴿控😅，係即叫即炸，拍得住茶樓既質素，乳鴿肉厚而嫩，肉質鮮美，塊皮炸到脆卜卜，又唔會過於油膩🤤🌟酥炸魷魚鬚 $55🌟呢個又係必點，先唔講味道口感，係每一條魷魚都係大大條，唔係偷工減料，都係份量十足，唔係碎濕濕既魷魚仔比你的；口感鬆脆，外酥內嫩，個人認為比茶樓仲好食😋🌟泰式鳳爪 $47🌟媽媽鐘意食鳳爪，見到有又係必點😅味道酸酸甜甜，十分開胃😍🌟泰式青檸冰 $23🌟解渴之選，解渴生津，夏天熱辣辣，青檸檸檬都係最佳飲品🥰如果怕甜度過於甜，可以叫少

乳鴿癮又起，去左較順路嘅呢間分店。入到去裝修燈光同旺角店大致一樣，而食物質素一樣係好唔錯！🔆即叫紅燒元朗脆皮乳鴿$59，新鮮燒嘅乳鴿係唔同d，間間分店都一樣咁香口惹味😋，皮香肉嫩，唔食乳鴿真係米話自己黎過！🔆第一次食呢度嘅酥炸魷魚鬚🦑，$49價錢我對佢期望係幾高，而事實上我發現佢嘅香口惹味程度同乳鴿係過之而無不及，沾d喼汁令人食唔停口～🔆搬左出黎住之後，好少有得飲滋補湯水♥️，杞子枸杞豬膶湯$49，唔貴，2人多嘅份量，豬膶粉嫩爽口，一d膻味都無，湯頭仲好好味，抵食！🔆雖然咸魚雞粒炒飯$50嘅咸魚唔夠香，但做到飯粒分明，均勻好味都好考功夫。🔆街坊價錢位置就腳，食個椒絲腐乳炒通菜都係$42，飲杯豆漿冷熱都係$9，無加一，今時今日都算良心價。✔️