金牌小龍 (已結業)

麻辣金錢肚非常入味，份量正常，入面有辣椒絲，薑絲同芫荽做伴碟同調味，唔錯。水晶蛋要時間掌握得好好先至可以整到半熟嘅狀態，時間真係多一分鐘或少一分鐘都做唔到。一籠五隻嘅蟹黃小籠包，皮薄得黎帶點煙靭，入面嘅蟹黃豬肉非常惹味，配合埋薑絲同黑醋一齊食更可以突顯蟹黃嘅味道。手撕雞、清新青瓜同粉皮，再加埋芝麻醬就係呢個雞絲粉皮啦酥炸黃花魚新鮮嫩滑，外皮炸得酥脆，裏頭嘅魚肉則嫩滑雪白，魚夠鮮的話簡簡單單唔駛多餘調味都已經好好食朋友嘅至愛

新年剛過，日日食中菜，但我地對中菜仲係百食不厭，呢一日朋友話想睇下d飾物盒，我地就黎isquare行franc franc，之後就望下呢度有咩食。見到3樓呢間食上海菜既金牌小館，企企理理咁，就試下佢啦。❣️環境一入黎就覺得好舒服，牆身有好多綠色植物，燈光柔和，而座位之間既距離都足夠，亦有私隱度較高既卡位。❣️Menu 菜式方面，原來唔止係食上海小籠包架，仲有川菜同台灣菜選擇，例如水煮牛肉、台灣紅燒牛肉麵咁，想食咩都滿足到我地。✨金牌小籠包 ($38/5)呢個小籠包不枉為招牌菜，皮薄餡靚，用左紗布墊住黎蒸，而唔係常見既蒸籠紙，夠哂傳統。夾起又唔會爛，可以輕鬆點埋醋先放落匙更，湯汁充足。✨紅油醬牛肉 ($48)紅油醬牛肉做法同紅油抄手有9成相似，都係比紅通通既辣椒油浸住，微辛辣既辣椒油將牛肉既鮮味帶出，越食越惹味。✨四喜烤麩 ($24)其實係我地打邊爐會見到既冰豆腐，而呢個係上海人既做法，會用豉油啊糖啊，簡單既調味，加埋金針菜木耳等等。調味濃淡剛好，烤麩都夠冧。✨醉雞 ($65)醉雞係用左紹興酒去醃製，酒味夠香，唔會好大陣酒精味。雞肉都好嫩滑，肉質鮮甜。✨薺菜餛飩湯 ($48)薺菜係香港比較少

今日同阿媽去左尖沙咀shopping，雖然堅係超多人，但好彩好快就買完野。呢個時候梗係要搵野食！阿媽麻麻地西餐，所以就搵中式野。望見呢間鋪有小籠包，又有台灣野食，應該岩阿媽食。雞絲粉皮，青瓜仲好新鮮，粉皮都好幼滑，而麻醬又唔會太多，味道又香又唔算濃。元盅雞湯，飲落清得黎好重雞味，亦都唔喊，飲唔出有味精。醉雞，全部都只係得肉無骨，酒味甚濃，冰涼得黎又帶有酒香。台灣甜不辣，其實係炸魚片，新鮮炸出黎面仲脆脆地，啲醬酸酸甜甜的。台式擔擔撈麵，麻醬好香， 無太多既湯，撈完後有啲似麻醬撈麵， 香而不溜，只係稍為辣左少少。蝦肉蒸餃，入面包左蝦同豬肉做餡，有肉味就唔會剩係得蝦味咁寡，而且會更有口感。爆汁牛肉餡餅，入面有飽滿既牛肉餡，同埋仲有好多肉汁喺到，所以食嗰時要小心～酥炸黃花魚，薄薄既一層脆皮食落有如炸魚皮一樣，魚肉一樣照舊鮮甜滑溜。皮唔算薄，但就可以夾上黎唔會串，可以飲返哂入面啲湯，蟹黃味唔太濃烈，味道恰到好處。

在isquare 看電影前，最適合在商場即場搵食。Isquare 三樓大部都是食肆，食小籠包子興致勃勃，就選了金牌小龍。看到餐牌，每樣食品不是太貴，和男朋友瘋狂地叫了。元盅雞湯及茶樹菇排骨湯，前者濃郁雞湯鮮味，後者清甜滋潤，飲完之後都無口渴，無味精抵讚。金牌小籠包及蟹黃小籠包，我自己還是覺得原味的金牌小籠包最好，蟹黃的咸蛋王味出眾，蓋過了蟹皇的鮮味，但整體還是多湯美味。我們叫了多款小食，水晶蛋，醉雞，韭菜鍋貼。水晶蛋蛋黃還流著，醉雞有著花雕酒及甜甜地，鍋貼雖然賣相有點煎燶了，但還是鎖著肉汁，配上辣椒醬就更佳。酥炸黃花魚，不會因為炸過後破壞了魚肉的嫩滑，點千島沙律醬會減輕油膩感。台式擔擔撈麵，這個好辣而且有點麻，連食得辣的男朋友也頂不住。最後要拍一拍全枱野食的情景，是次消費450元兩個人。

今晚約咗舊同學食飯， 大家提議 中間點尖沙咀站。 兩大一細路我哋揀咗去金牌小龍。餐廳內籠頗大， 座位闊落。每款份量唔係好大，價錢中等， 點心，小菜，麵食，多種選擇大人細路人多人少都啱。金牌小籠包 $38唔使40蚊一籠，水準都有返咁上下。皮好薄，肉餡有肉汁湯汁， 咬落爆汁好過癮，一個人一口氣吃了幾隻。台灣擔擔撈麵$48麵底個汁麻辣味， 混入花生碎和炒香的肉碎， 麵質唔會太淋， 惹味有特色！原盅雞湯麵 $62湯和麵分開上。 燉湯清甜滋補，湯料足， 熱辣辣加在白麵上，非常美味。雞絲粉皮 $38覺得份量也不少， 青瓜爽脆， 醬汁比較一般， 欠缺一些麻香。開胃小木耳$22醋嘅酸味啱啱好， 調味唔错。 木耳一啲都唔小，發到好大塊， 又爽又滑， 唔辣嘅，小朋友都非常啱食。 依款餐前小食好推介! 菜肉蒸餃（$35 5 隻）菜肉切得幼細，鲜味有肉汁！台灣甜不辣炸魚片 （$32）好香口，外皮炸得脆脆， 魚片煙煙韌韌， 冇魚蛋咁爽，但味道唔錯。 上面放了 辣醬但係帶甜嘅醬汁。附設嘅酸瓜酸酸地好開胃！爆汁牛肉餡餅（每個$15）牛肉餡餅肉汁果然係滿瀉， 不過個皮唔知係唔係隔咗一陣先食， 好韌， 唔鬆化，好難咬開

今日放假陪咗好朋友去尖沙咀買禮物，準備送畀佢兩個星期後生日的男友，行咗幾個商場和百貨公司，終於買到佢嘅心水袖口鈕，總算完成任務。不經不覺又到晚飯時候，於是兩個人就上咗 iSQUARE 搵食，一出電梯，就望到『金牌小龍』，再望埋門外嘅宣傳牌，原來係食上海菜，朋友勁喜歡食小籠包，於是二話不說就入去坐低。近門口有一個開放式廚房，可看到點心師傅製作各款包點嘅過程。內裏裝修雅致，牆壁以綠色的人造樹葉做裝飾，感覺舒適休閒，而且通道寬敞闊落，設有多張四人梳化座及二至四人枱，而枱與枱之間也有不少空間，坐得舒服之餘，出入亦方便。下單用點菜紙，選擇好菜式就填寫點菜紙畀侍應。食物種類多，包括有蒸品類、小吃類、餛飩類、麵食類、特色類、湯品類、飯類、酒水飲料類等，連甜品都有，可謂包羅萬有。金牌小龍包：朋友嘅至愛，是必選的，上枱熱騰騰，外觀飽滿，皮薄得嚟帶點煙韌，挾起時唔會容易穿，肉餡足，肉質鮮味，湯汁濃郁豐富，配埋香醋食就更加惹味。醉雞：廚師已預先將雞肉起骨，上桌時不是斬件，而是切成薄片，啖啖肉，在酒入面加了杞子及人蔘，是台式醉雞的做法。肉質結實偏硬身，雖連著雞皮，但沒有肥膏，而且酒味香濃，雞肉浸在酒中，非常入

一直想試試這間位於iSQUARE的金牌小龍，因為價格相宜、環境舒適，今晚終於找到機會，和女朋友來一試水準。餐牌選擇極多，蒸點、冷盤、小食、麵食、小菜、飯類以及甜品一應俱全，價位十分親民。元盅茶樹排骨湯先來一碗茶樹菇排骨湯暖暖胃，一呷味道十分柔和，茶樹菇有助消脂清腸胃，而且香味濃郁，秋冬時分特別滋潤。金牌小籠包小籠包皮薄而夠韌度，肉餡味鮮而湯汁清香，小籠包薄薄的皮不但要經得起用筷子夾帶而不破裂漏汁，而且柔韌度足以支持餡料和湯汁下墜的重量，把包子拉長了搖搖晃晃似個燈籠，做到「坐著像口鐘，挾起似燈籠」的標準。醉雞一咬雞有雞味已經十分難得，而雞皮爽薄，肉質嫩滑，瀰漫着濃郁的酒香，口感冰涼。紅燒豬手紅燒醬汁特別醇厚和味，滲透骨肉，豬手皮軟肉嫩而不過爛，吃來才有齒頰留香之妙。秘制紅燒肉那肥瘦相間的腩肉鮮香腴美，一咬皮滑，脂爽，肉軟，濃油赤醬，鹹中帶甜，味道回甘，肥而不膩，上品。酥炸黃花魚將黃花魚炸至肉酥皮脆，入口香酥脆嫩，肉質細滑，滋味別具一格。粉蒸排骨香港不常見的粉蒸排骨，一嚐糯而清香，嫩而不爛，潤而不油，醬香馥郁。台式擔擔撈麵擔擔麵調味細膩豐富，帶有花生醬味道，微辣的風味，輕輕的刺激著舌頭，口

朋友約食呢間，位於 i square 的金牌小龍。鍾意佢地點方便，而且餐廳闊落環境不錯。多綠色的裝飾，令人置身其中好舒服。枱夠大，可以同時 order 好多野食 👍餐牌選擇多，有兩張 order 紙，另加好多份有圖片的菜牌，真的夠人慢慢硏究。點心同小食奇多，有成幾十款選擇，每款都係三十至四十蚊咋，簡直令人選擇困難。蟹黃小籠包 $48一客五件的蟹黃小籠包，阿姐話係招牌推介。都等左幾耐先有，似即叫即蒸，果然幾正！皮唔算最薄，但絶對係煙韌的。個饀夠熱辣，食落有鮮肉味、有蟹黃，仲有大量熱湯汁 beep 出來，認真正！夫妻肺片$38經典麻辣頭盤，夫妻肺片，雖然細細碟，但佢層層疊，滿滿的一碟牛肚牛雜片。頂頭全部花生碎，底層以紅油墊底。混合起來食，辣得過癮，香得滋味。辣味小黃瓜$32另一冷盤係辣味小黃瓜，青瓜皮是有釘的品種，份外鮮甜爽脆。配合辣味紅油，亦是十分美味的一道小食。酥炸黃花魚$62中型 size 的黃花魚，表面炸得好酥脆。內𥚃仍是嫰滑的魚肉。附上點魚的沙律醬，我覺得太濃，有點蓋過魚味之嫌。都係簡簡單單點豉油好味D。葱爆牛肉 $72牛肉同葱都滿滿一碟，好香口好惹味。牛肉大大片入味有口感，面層